聽我個fd講話黑色件要做陰影
係d陰影位度噴d透明紅就可以
係咪真？
其實我知若果噴光油就唔洗做陰影
但係我噴消光，係咪都唔洗做？
若果要，除左上面既方法外仲有無其它方法？

邊個話架?
黑底上透明油咩都睇唔到
如果做陰影.不如係中心做高光仲好.
而且陰影同光油好似冇咩直接關係

做高光即係咩？

同意, 而且黑底係冇需要做陰影.

即係物件受光位置.
傳統陰影係先上主色,再上陰影色
另一種方法係先上主色,再係高光位上主色淺少少顏色
將主色當作陰影

黑底噴透明油唔係會睇唔到既, 不過就唔係用來做陰影了.
打側睇時就會因為有層透明色而反光咁見到果隻色.
即係如果係透明紅, 正面睇會冇咩特別, 打側睇就會有少少紅色反光. 係玩effect先用. 仲要玩全光面先會show得靚.

原來係咁
咁其實黑色係咪唔洗專登做陰影都可以出到陰影效果？

唔洗.. 除非你噴既"黑色"唔係"黑".. 只係好深好深既"灰色"

好深既灰色就唔洗做陰影？

咁樣算唔算深灰？
我有溝白色

中文: "除非" 係點用架.

其實除咗砌街車、老電之外，都好少機會真係响大面積上面用到〝純〞黑色，飛機、AFV、科幻等等多數都係用深灰色，然之後再做其他效果。

我整緊死神高達

首先要知道為何模型上色要有陰影及高光 (高光這個詞匯好怪, 是從英文 Highlight 譯出來的嗎? "反光位"可能更貼近正確的中文).
一件物件三尖八角的 (如一件高達模型) 放在一個有清晰光源 (如陽光或射燈) 的位置, 物件自會有其反光及陰影位, 因這物件是立體的.
玩模型上陰影色是為了不理會現實的光源情況下, 突顯模型立體感的視覺效果.
試拿一件黑色的塑膠模型 (如樓主那件高達頭零件) 放在檯燈下照, 轉動一下: 陰影位依然是黑色; 相對地反光 (高光) 就不那麼黑了.
所以如果模型完成品是準備以啞色 (即做消光) 及做陰影效果, 那黑色件的 (一般情況下) 主色應是深灰或炭色, 陰影色才是黑色.
做光面效果可省掉這技巧, 因模型本身已很 "反光".