因為用噴罐都玩左幾年, 想要枝槍同泵improve一下.....但係又未買過所以想問下幾樣野

1) 我其實淨係砌車, 想買枝噴槍黎噴車殼(因為個籠我諗住都係用噴罐), 買double action會唔會晒左枝槍呢? 因為車殼一般都好少玩d特別效果(例如噴花), 我通常都係噴一隻色, 追求一下鏡面(如果得的話)

2) 各位師兄有冇咩槍同泵的好介紹呀?(我預兩樣加埋1000鬆d)

3) 一般幫個車身上色, 氣壓用到幾多bar左右呢?

4) 疊單問下, 大家幫架車裝LED, 如果粒電玩完, 換電戈陣係咪要個車殼拆出黎? 如果係咁, 會唔會幾傷下個殼le, 因為始終都要用d力先拆到出黎. 有冇d好d的方法去解決呢個問題le? 如果冇左電就由得佢唔換電, 粒電會唔會好似筆芯電咁漏d水出黎le?

我都知太多字...sor ... 希望大家教教路...

可往旺角千里達看看.....台灣泵可儲氣.....牌子 Sp??? (忘記).....

Double-Action 噴槍，按下噴氣，拉後多與少就可以即時控制出油量，不單方便，而且是「正路」的設計，市面上售賣的噴槍大部份都是 Double-Action 的。  問題是 Double-Action 對一般初學者來說，要同時兼顧按下和拉後的動作 (尤其是控制拉後的幅度)，可能會較為複雜了點；就像初學駕車，棍波車比自動波車較難學。 但樓主用開噴罐，對噴油已有一定經驗，一開始就學 Double-Action 噴槍對你問題不大，應該可以很快上手。

個人覺得，既然有心用噴槍，現時開始就累積 Double-Action 的經驗，便可以更快掌握 Double-Action 的使用。 如果開始時使用 Single-Action，將來轉 Double-Action 時便又要再適應過。  而且 Double-Action 真的比 Single-Action 好用。

另外，樓主話初初只想用噴槍噴車殼 (較大面積)，但當你開始掌握到噴槍的使用，你就會乜都想用噴槍上色，因為噴槍上色的效果比用噴罐和手掃好好多。  所以現時就算選用 Double-Action 噴槍，唔會「晒」的。  睇長遠ｄ，Double-Action 噴槍將來一定有用。

初學噴槍，可以揀支台灣 Double-Action 噴槍（0.3mm 最基本）配台灣泵，泵要有 auto-cut (自動斷電) 和可調氣壓，另外最好是配返個水隔，而氣鼓暫時可有可無 (理論上有當然好過無，可以遲ｄ再配)。 買呢ｄ野最好揀大路牌子，因為配件和零件都較多較齊，Sparmax 是台灣最大牌子，有好幾款槍和泵可選擇。

樓主係澳門人？  係澳門買呢ｄ野我唔知行情，但如果樓主來香港買的，可以去九龍旺角洗衣街 (旺角道和亞佳老街之間一段) 的「千里達」和「英明」睇下，亦可以去香港果邊的砲台山的 T-Hobby (本論壇有專屬連結) 問下。

我都想買氣泵，見千xx有sparmax0.3噴筆，不過個咀唔係平，係成個皇冠咁

唔知好唔好，谷槍有無問題

你所講果個「嘴」，英文叫 air cap（中文好似叫「護嘴」）（不是指 0.2mm、0.3mm 或 0.5mm 直徑的「噴嘴」 nozzle）。

air cap 的形狀，可以影響噴氣的範圍的形狀。

如果是完整的（即係你所指「平」的），噴出來的氣會較集中於向前，即係較集中於中間成圓形。

如果 air cap 不是「平」的，那通常有 2~4 個缺口（即是你所講的「皇冠」狀），那每一個缺口就可以讓部份噴出來的氣擴散到側邊，亦即是噴到的範圍會較大，範圍的形狀亦可以有差別。
以有 2 個缺口的 air cap 為例，2 個缺口會是置於對稱位置，噴出來的氣的範圍會是偏向橢圓形。

不過這些缺口的作用，不一定是為了改變噴氣範圍的形狀而設，這些缺口可以是為了改善氣流而設置的。

[ 本帖最後由 patmb 於 2009-1-4 04:22 AM 編輯 ]

  多謝晒 咁多位師兄教路, 特別係patmb 師兄~~~ ^^

但係裝LED燈的電池的問題~有冇師兄可以分享一下呢~?

架車裝 LED，一般都係耐唔中開燈睇兩野，過完癮就關燈，離下次再開燈玩一般都會有一段時間，而且 LED 又唔會食好多電......   一粒鋰電應該可以用幾耐下（照計可以用兩年起碼，除非經常開）。  但無論可以用幾耐都有用完的一日，如果經常開燈玩就好快用完。

拆車殼換電，確係好麻煩，有機會整花個車殼或整爛ｄ野；但用完電唔換，將來粒電池有機會漏水（就算是鋰電池都會，不過無筆芯電咁易漏）。

如果要用較長遠的方法解決，可以如下（以下是小弟愚見，各位兄弟有更好的意見，請賜教）：

1) 如果要經常著燈或長著（例如擺放飾櫃），可以駁幼身電線拉出車身再駁火牛。

2) 如不想或不能拉電線，可以考慮用小型充電池放入車內，駁一個接頭於不起眼的地方（例如車底之類），要充電時就用火牛或充電器接到這個接頭進行充電。

兩個方法都需要對電子零件有一定程度的認識，尤其第 2) 方案，會複雜得多。

可'界'開車頭蓋又或者尾箱裝電, 開關方面, 可考慮用磁控管放在車底盤, 咁就神不知鬼不覺啦 (磁控管系一支幼玻璃管, 裡面有兩個接點, 有足夠磁場(如放近磁石) 就接通, 電子零件鋪有售, 幾蚊一支)

補充一下, 有D模型會有Engine砌, 如果裝燈又唔想大改裝, 可考慮放棄Engine部份, 空出黎裝電, 個人覺得開尾箱裝電系最好, 改動最少, 失左手都無咁易發覺

[ 本帖最後由 vr2xtd 於 2009-1-5 10:47 AM 編輯 ]

油庥地現時點有間賣噴槍同泵的, 老闆very nice 同可請較好多技巧上的問題

嘖車must use 0.3mm or above

LED戈方面我都有點頭緒la~~~~~~

多謝晒所有師兄~ ^^

咁兄弟有乜頭緒？       不如同我地分享下啦！

我都係諗住將d線拉晒去車尾箱, 電同個開關都放係車尾箱咋

我砌戈部係Fujimi的街霸9代, 車尾箱乽可以改黎放呢d野~

師兄覺得個車尾燈同車頭燈應該用同一個開關定係分兩個開關好呢?