在下第一次補夾口，第一次用噴槍噴灰，噴左發覺原來之前D夾口補唔好，又有D凹凸，現晒出黎，本來個位都唔顯眼，但又唔搞唔安樂，於是用AA膠+爽身粉補番再磨，之後已經盡量用大號數沙紙磨(1200->1500->2000)，但硬係磨甩周圍D灰，搞到越磨甩灰既範圍就越大，我驚之後再上灰果陣磨甩左灰同無磨甩灰之間既地方會好顯眼…但又唔捨得成件洗左佢，救命呀

各位兄台通常遇到咁既情況會點做？ Thanks

通常是因為在灰未乾之前你就磨，所以有D凹凸。最好的方法是洗件。

已經擺左一個禮拜…果 D凹凸可能係之前用筆刀刮下刮下造成，其實最大問題係…check到有問題處理左之後，一定要洗件

用幼沙紙只集中將灰邊(磨甩左灰同無磨甩灰之間既地方)磨成斜面, 唔俾佢成兩級(段差), 再係呢個位置噴多次灰就OK

再唔得就係呢個位置噴500 , 乾後再(如上方法)磨後再噴多次灰

再唔得再post問 .唔可能下下要洗件

[ 本帖最後由 frankie 於 2008-11-16 03:02 AM 編輯 ]

衰左我好會重手禁搞 用返400-600-800-1000-1500 打磨再噴灰 (我好似錯晒

我本來就係諗住咁做，但就算用2000黎磨都好似做唔到個斜面，佢一係甩一係唔甩咁…希望只係視覺錯誤(呃自己)，今日再噴下佢睇下得唔得，唔該晒

用#1000沙紙輕手D磨OK  
你係唔係一開始未噴灰前無用洗洁精洗過D模型 ?

[ 本帖最後由 frankie 於 2008-11-16 12:54 PM 編輯 ]

下？要用洗潔精架咩？

下？

下？唔係首辦件果 D先要用洗潔精洗架咩？連普通膠件都要？作用係…

今日再噴灰，因為本身舊件係好深色，所以新噴果 D位遮唔晒個底色，同舊噴既形成兩隻色，暫時未睇到有無斷層，可能要到上色先知…
如果到時發覺衰左，可能唯有狠心洗件，因為仲未掌握好灰同Thinner既比例，噴得好稀，已經噴左好多層，再咁噴法會開始厚…不過唔該晒你先∼

首辦同普通膠件表面都有脫模劑一定要洗
嘅然你件野之前無洗咁你就唔好再打磨或者做MASKING否則之前嘅問題好大可能再發生

噴灰係要遮晒個底色 , 否則會影哬之後上色嘅效果

噴灰另一個目的就係要方便檢查/修補瑕疵 , 等到上色先知有無斷層咁就無左噴灰嘅意義

Thank you 等我下個周末再挑戰先，好彩問得早，都唔係噴左好多，仲黎得切洗洗其他件
係咪搵D洗潔精開D水浸兩浸再抹乾淨就OK？

最好用埋牙刷~擦乾淨啦~如果有離模濟會有塊光面好明顯~

就好似模型怪大人所講.
總之噴油/灰之前要洗 , 如果有心機可以用幼沙紙磨一磨表面咁灰一定食得實D

唔該晒兩位，呢兩晚得閒既話就洗下佢，為周末再接再厲做好準備
但又有個白痴問題，如果浸得耐會唔會有D咩化學作用會爛或者溶，因為又有膠，又有Putty，仲有原子灰添…

用GUNZE THINNER洗無問題.
邊浸邊洗 , 但受洗後就表示所有夾口要從新補過 ,

GUNZE THINNER唔平 , 唔可以次次都浸 , 細零件就無所謂啦,
浸過嘅THINNER可以KEEP住留翻下次再用