真係唔好意思, 可能之前既玩笑令到樓主有所誤會. OOB 其實即係 out of the box, 開盒直做咁解. 係呢個圈子入面, 話自己 oob 即係買左盒模型返黎, 唔加唔改, 直砌出黎, 某程度上係專重個盒模型既精神, 務求達到原汁原味既意思. 之前我同呢度 d 師兄開下玩笑, 亂咁用 oob (bbbbbbbb) 呢個 terms, 都係攪攪氣氛, 開下玩笑咋. 想唔到令樓主誤會左, 真係唔好意思.
講返正題, 好高興樓主有興趣玩 afv, 首先歡迎一下.
田宮新出既二號, 街未見到貨, 我都想睇睇今次新模達到乜野水準. 又事關連模型都未出, d am (after market) 廠梗係唔會搶先出針對田宮新二號既改良補品. 不過, 一 d 通用配件 ( 即係供所有 2 號的通用零件 ) 好似履帶, 炮管等等, 其實市面上一早都有了. 將佢地用落去田宮新二號得唔得, 同要改幾多野, 就要好視乎田宮呢架新二號點開模, 同 dimension 準唔準確了.
另一方面, 龍記都已經搶先出左二號系列, 相信不久就會有好多有關龍記二號既改良配件. am 廠將佢改改模, 再出 for 田宮用亦都會好簡單. 所以, 如果樓主唔急既話, 慢慢等一下, 今年內應該有唔少選擇.
以每部份黎計 :
炮管 : 就以馮兄既資料, armorscale (B35-027) 已經有出. ARMO (35728) 亦都有. 不過, 都係唔知邊度有得賣, 可能要係網上訂貨至得.
履帶 : FM 有出, 其他塑膠可動履帶, modelkasten ( MDKSK-25? )有出, 連香港 Bronco (AB3513) 都有. 細 size 履帶, 我覺得有時候射出件會好過金屬件.
p/e : 而家市面未有貨, 所以我估對應返 田宮新二號既 改良 p/e 更加未出住. aber, vm, LR, 甚至其他 p/e 廠, 我估兩大廠推二號既情況下, 好快會有對應 p/e 會出. 不用擔心啦.
內構 : 想唔到樓主咁有興趣玩內構. 我記得 cmk 好似無供二號既內構. 如果樓主真係好想玩內構既話, 現成既龍記新二號已經包左大部份內構, 樓主可以將佢移植入田宮度 ( 但係又引伸另一個問題.... 點解唔就咁砌龍記新二號呢 ?
![](images/smilies/set2/052.gif)
) 唯一係二號既引擎, 以我所知就係未有廠出過.... 只好 scratch build 了..
希望以上可以解答到樓主既問題啦.
![](images/smilies/new21.gif)