近日見狗民不停放毒, 為免受感染, 一於服下最強貓毒, 以毒抗毒.
呢一劑毒藥本來等架 4 號情境攪埋先至開波, 但係星期日睇完 Joe sir 既神乎其技, 信心有 d 動搖, 都係抖一抖, 砌下野先.
圖一 : 主藥 - 龍記 1/35 後期虎. 藥引 - verlinden production 後期虎內構, voyager 後期虎蝕刻, afv 後期虎履帶.
圖二 : 因為劑藥太厲害, 估計爛尾成數非常之高, 所以先玩履帶熱下身先. 又可以多 d 時間搜集下資料. AFV 套可動履帶大致唔錯. 版件已經剪好哂, 但係好明顯有 6個推出孔 ( 誘導齒有 2個, 履帶有 4 個 ), 一定要全部處理好先至好 '痴' 埋佢, 如果唔係, d 推出孔會令到接觸面唔夠, 痴唔實既. 另外, 分模線, 同一d 水口都要留意下.
圖三 : 一個鐘大約整到十段履帶, 呢度係兩個鐘既成績. 如果同 mk 履帶比較, 我覺得呢套易整同結實 d. 當然, 幫佢執漏 d 推出孔同水口都幾花時間.
圖四 : 活動性絕對無問題.
[
本帖最後由 louisuni 於 2007-2-28 08:54 AM 編輯 ]