話說上次砌完HG 百式之後, 稍稍休息了1~2天, 腦中又開始想下隻砌邊盒好.  最後選擇了Zeta, 因為百式, MK-II同Zeta係一齊的.  另外因為好多顏色件數小, 索性SD同RG一齊砌.

RG Zeta係一出的時候就買左, 當時諗住素組, 但一拎出來, 太多件, 於是又收番埋.  一收就幾年.  我已經忘記了我原來床下有呢盒模型.  砌完SF之後又想砌下RG, 於是又上2手網, 入左幾盒RG,   前幾日執野時先知原來已經有..... 而家SF, MK-2, Z, Red Zaku各有2盒......年紀大了, 記不清自己買了什麼, 成日吾小心重複買了.  (RG我無心砌2次, 因為實在太折磨)

正式開工之後, 可以說是災難.  已經有心理準備知道分件小而且細.  不過同SF相比, Zeta實在多很多件!!!!!  黃色與藍色件還算正常, 白色跟淺灰色也在正常範圍之內, 紅色同黑色件則開始發覺很多部份跟本吾知係邊.   到 之後最災難是深灰色關節件.  灰色的件數之多與細...睇見都暈.  最慘係跟本睇吾出件parts係純內關節定有見光位, 逐粒剪完出來之後打磨, 有好多細到連搵個位夾噴油夾都無.  單單一排灰色剪同磨已經係2個小時以上.  除了開住音樂, 邊磨邊聽下歌, 都吾知可以點.  因為不停打磨實在太悶, 我係磨下, 噴下幾隻色, 又再磨下, 噴下咁砌.  花了幾晚, 先可以完成全部打磨工作.

第一隻完成的是黃色.  用白油打底, 之後噴高達專用黃色油, 再噴橙色做陰影.  無錯, 係咁細粒都打陰影色.  但當完成黃及藍之後, 發覺極為不襯.  最後全噴回橙.  吾噴陰影了, 吾知應該用乜色做陰影.  有想過用透明橙或紅加深顏色, 未實測.  太累了.....

第二隻處理的是紅色.  同樣用白油打底, 之後噴高達專用桃紅色油.  陰影用一隻用剩的鮮紅金屬油.  同以前一樣, 陰影若有若無.  但完成後本來的桃紅色受陰影色影響變得鮮色了, 如今看來更像鮮紅色了.  可能本身陰影色同主色差距吾夠大, 紅色噴親陰影都吾係太滿意.

第三隻噴的係藍色.  用高達專用粉藍油, 係略帶紫色的.  本身隻油太粉色了, 所以特登吾上白底, 係藍色件上直噴.  (懶就懶啦, 仲懶有道理)  噴出來效果吾錯, 好靚.  之後用一隻鮮藍色做陰影.  同紅色一樣, 陰影吾明顯.  一上陰影色隻色變得深色左.  雖然出來吾係本身所構思, 但效果吾錯.

第四隻白色係Mr. Hobby 107, 陰影係灰色油.  正正常常, 係白色上面噴陰影的掌握已經比較好.  出來效果好滿意

第五隻色係淺灰的白色分件.  初初噴完, 覺得出來顏色同白色太近.  加多小小黑色再噴.  打埋陰影.  噴個時覺得好適中, 但夜晚睇又太深色了......但陰影的控制都吾錯.

之後個一晚, 實在忍吾住想砌起小小來睇下, 另一方面不停同自己講灰色應該係收埋, 吾見光架... 於是將身, 手, 腳都砌起....發現都幾多見光......算了, 反正我噴的都係好接近的色.  拆又驚整爛.  吾拆了.  

跟住個晚終於可開噴油, 用左高達專用油隻深灰做機翼.  中灰做高光.  效果吾錯.

其實今次噴陰影同以往的手法有吾同.  以前會圍住外圍噴陰影色, 中間係主色.  今次會依光的方向, 即係向光的位置無點噴陰影色, 越遠離光源越深.  噴完陰影, 最後再依光源的位置輕噴主色, 順方向一下一下噴落去, 輕手的噴.  但問題來了, 係噴時有好多小件係吾知邊邊係向上的.....所以有些小件的陰影係上方.........至於滲線則全部用啡色.  整體來說, 我本人都滿意件成品.  係淺灰的白件深左小小.  

買了張水貼, 好多貼紙細到.....同埋我吾鐘意RG特色, 圍個框係周邊, 我覺得好奇怪.....於是要不停自己諗點貼.  搞左2小時都只係搞掂機翼.....另外銀色水貼貼係白色都幾好睇.  平時吾顯眼, 某d角度反光先見到.  

講完上色, 講番盒模型本身.  比例, 外型都好好.  刻線雖多, 可能我用啡色滲線, 未覺太亂.  但呢盒模型有個好大問題, 為左要變型, 好多地方係硬直.  最大影響係膊頭, 吾可以向後拗, 擴胸的動作做吾到.  之後係對腳.  首先前裙甲同側甲係靠一小支撐點由大腿支撐.  正常站立時前甲經常下沉.  腰部安裝完全係憑感覺同埋腰過幼.  當我想擺出不同動作時, 好多地方跟本屈吾到.  其實對我來說, 我跟本吾會變做飛機, 我情願佢出一個純MS版, 增加可動性.  雖然係咁, 但總括來說, RG Zeta係一盒值得推介的模型.  睇完RG你就會覺得HG相對真係素了一點.

Full Size Photo :
https://photos.app.goo.gl/kDEwf9FQeTvZSvoPA

[ 本帖最後由 ngszewai 於 2020-7-24 02:15 AM 編輯 ]

師兄佳作，我因為佢太多件而賣走佢，不過佢外形的確正斗

多謝師兄讚賞。呢幾個月日砌夜砌，每盒都有d新野想試。雖然好多新野都未去到成功，不過經驗係不停累積。我確實覺得自己進步了。haha

其實睇相吾覺，但我覺得呢次陰影控制吾錯。不過要再研究下紅藍等陰影噴法

我是在上水貼時便開始想下隻油甚麼模型好，又或者如 Z ~ CC period's MS 系列段跟著計劃一隻一隻地完成目標。

厭 RG 件數小 (我則喜歡少件)？ 你可以試碎件得很的 Koto。

模型我是未出便訂的，有人提到貨，又不用四圍格價，更不用理無貨、抬價。至於砌嘛，未有山積時還能買一盒油一盒，現在則常是清舊 (如 Metal Gear 是買了七年才排上日程)，很特別的/很喜歡的才能插隊。

每盒模型如不砌收入大箱前都會影張盒面照存在電腦，以方便查找還剩幾盒。

如重複了又不打算再砌便放 "模型跳蚤市場" 平賣給別人吧 (我則直接送朋友)。

RG 我早便放棄了。模型我九成九會上油 (我享受油多過砌的部份)，這樣的比例卻這麼細碎、為賣技術而分色分件，貼紙太多太ka 風，完成後又四肢無力、左頂右頂，還不如享受 HG，要細節可以自己加刻線/膠板/補品...。

搵唔個位夾噴油便用牙簽加 AA 膠做臨時支點。

紅色我會用淺黃、粉紅作底色，你試試，出來的紅比白底胞滿、潤。

不要懶，要上底灰，比直接噴上件來的'發色'，附著力更好。

有人喜歡全隻假組起來，看看那兒要補、那兒可偷懶、那兒要分件等。我則不會這樣做，就是連看不見的內骨幹都油埋便是，但未到組合前都不知選色的配合如何...。

胸口的貼紙角度怪怪的、滲線不夠乾淨。

最後，這樣的細節我喜歡在1/100上展現，不然便會出現 RG 的諸般問題。

紅、藍等深色的陰影，你可以反過來用淺一點來噴受光、高光位，完成後也是一種陰影。

[ 本帖最後由 ygat 於 2020-7-24 01:49 PM 編輯 ]

首先好多謝帥兄長文回覆.  其實師兄每次回覆我都有用心睇, 不過有d地方我又未必完全認同, 但我都會認真睇下自己需要改善的地方.

不過有一樣野好慘, 就係自問同師兄的技術有超遠的距離, 你真心的建議我好多都想做, 不過有好多真係搞吾掂.....

前幾日見到師兄手油的坦克, 我真係呆左..... 技術的距離真係顯然易見.  我認真的砌模型時間前後可能只有2年.  數一數你睇有幾多基本野我完全吾識, 舊化, 無縫, 點用畢地, 刻線, 改做, 手油等等.   

年紀大了, 學野真係慢左.  人又細膽, 我心入面都知只係上網睇係吾會令自己手藝進步, 其實好多技術上的事我都識答, 知道原理, 不過吾識做....一做又成日撞板.  所以真係有點畏首畏尾.  講來好好笑, 我想學刻線, 於是又走去睇有乜工具好用, 買野就最快, 但買完撞過一次板又放左係度.

其實師兄鐘意HG就去砌HG.  好多人其實無能力自己將一隻HG改做得好精細, 所以只有砌RG.  我而家砌模型以開心為主.  想完成"不錯"的成品, 但同好多師兄真正的佳作比仲好有距離.

講番師兄的提議, 噴底灰....好臭...好大陣味, 呢個係我吾想噴的主因.  我噴完油一d味都無, 但有一次我去後樓梯噴底灰, 件野拎番入屋仲好大陣味.  就之前我噴完底灰的件, 又吾覺顏色好靚, 因為白底灰?  我而家好多件都上白色先, 對我來講噴底灰又真係吾會做多左野.

你吾覺胸前2條斜的貼紙似肋骨, 好型咩, 點解覺得怪啊!  哈哈哈

滲線吾乾乾淨淨係我以前素組年代開始的一個習慣.  因為自欺欺人的當係舊化.  會留意多點.

點都好, 真心感謝師兄抽時間長文回覆.  雖然未能跟上師兄的步伐, 我都想自己慢慢進步, 能夠完成"不錯"的成品.

you sharing lots, so i reply more.

有d地方未必認同？which point(s)？maybe i misunderstood your opinion, so reply something unrelated or wrong.

my skills not as high as you think, just we focus on different methods, effects, results.

you want to try my suggest, don't be 細膽 / afraid will false, use some cheap model kit to study first, then post the result and feeling, so others may help you.

手油的坦克？ you mean my 蜜桃雞 (METAL GEAR)？i painted weathering for couple of years la. paint more, you would get more experience / concept of that technique. also, i learned new skills (e.g. glazing, washes, blending, highlight, ...) from 手油 acrylic paints.

刻線 not my interested area, you may go back to the shop to ask the sales (if they also assemble model kits)

i also not interested to detailize the HG to MG/PG grade. some guys in here are expert in this area.

好臭 you could try other colors of primer instead of white, or spray base color before the accurate color you are looking for, compare the results to find out the difference.

yours product is better than 不錯 la. check the 評分記錄, much better than mine   

most important is developing your own style of color, effect. and enjoy the process.

[ 本帖最後由 ygat 於 2020-7-24 07:25 PM 編輯 ]

師兄咁短時間完成， 利害
RG Z GUNDAM 我都有， 但只係素組
記得係主部變形位好脆弱， 連接手臂灰色膠變形一次已經有灰色扭膠出現。
個人覺得飛機型態o靚

我砌過PG, MG 2.0, HG, RG, 一次都無試過變型⋯⋯

厲害！厲害！
呢隻素組已經令我來回地獄又折返人間。師兄上色技巧高超，真令人佩服！
如果師兄唔打算變型，其實個頭仲可以升高少少，揭開整個機頭駕駛艙，在頭部對落個部件，可以用尖嘴鉗剔高多1mm，咁個頭就唔會縮左入去咁喇。

謝謝提醒，遅d試下.但盒野好似好化學，吾敢搞太多