大家好,我是模型新手.最近對模型產生濃厚興趣,因此請教了很久以前也是玩模型的朋友,
朋友得知後說自己有套氣泵跟噴筆現在毫無用武之地,所以決定贈送予本人,
但那位朋友說已經很久很久沒玩模型了,所以現在對那些工具也是一知半解.
故此在這發問,希望能得到各位模型師兄相助!!!謝謝!!!

本人不善於說話及寫作,如以下內容及提問令大家不安以及鄙視,請大家多多內包涵小弟的無知,謝謝

朋友送給我的是SPARMAX DH-3噴筆,以及台灣KDL牌 SUPER-DRY CP101,
噴筆部份本人沒有什麼大問題.
但由於這氣泵應該是大約十五年前的產物(那應該可以送去博物館吧...)
所以我在網上也找不到相關資料.
但看了說明書後.(很特別,有中文跟英文說明書,外觀有少許分別,就是下面那個氣缸.)
依我理解應該係一個叫CP-101既mini compressor 再加左一個叫"TK-1000M淨化器"
而變成D個產品!? 而且當時價格還要8百幾蚊!?


而且那個白色的氣缸?水隔???(是水隔還是氣缸我真的不清楚)
因為說明書叫它做
---""獨自開發TK-100M賽鋼膠小型儲氣筒(0.5升.)
三重粗幼粉未過濾水,塵埃,比傳統水隔效能高四倍,除水分高三倍,穩定氣流特別乾爽乾淨,
完全適合潮濕氣候地區等等......""----

跟我現在網上看到其他氣泵的氣缸??水隔???不太一樣吧!?


朋友送來的,心諗點用都冇所謂, 就當它試驗機,
要是有了技術才買別的用
可是因為出現了以下狀況,現在還不能試一下...
狀況在下面幾幅圖有描述

另外有幾條無知的問題想請教.
1)說明書寫住"本機有保壓裝置,停機再啟動,須間隔5秒,切物連續切換開關"
係咪即係有AUTOCUT?
2) 這個氣泵可以加配麼其他配件,從而提升噴油質量,耐用性等等? (水隔,換布喉等等)
如果可以的話
3)是不是大部份的氣泵膠喉,膠喉上的配件(那些金屬接駁圈圈)都是通用?不用跟特定型號,牌子選購?


這台就是朋友送的氣泵, 那個白色的看說明書是"TK-1000M淨化器"!!!!??
看說明書應該就是一個"3合1完全吸附式淨化器"......
有淨化,除濕,保壓作用...所以叫3合1...........


朋友測試是否運作正常後, 那條黑色的喉因老化而斷了
紅色的位置就是應該接駁的地方.


4)而這個圖紅圈的地方就是斷左既喉既另一端.
我看就是不能拔出來的. 所以在想是怎樣換另一條喉?
而藍色的位置不知道是用來駁什麼的!?


5)最後這條喉是駁去噴槍的. 黃色的地方朋友說是用來調節到噴筆氣壓的大少?
這條喉可以換成並他喉嗎?因為也怕這條喉遲早也一樣會老化而破裂.因為太久沒用過
要是換成其他喉的話, 也會有中間那個位置可以用來調節到噴筆氣壓嗎?



感謝大家花時間查閱,謝謝

[ 本帖最後由 king1014 於 2015-3-18 04:25 AM 編輯 ]

識得不多..盡量答

1) 保壓...按理解應該是AUTOCUT(自動停機)
2)水隔,換喉都可以..因為只是關條氣喉事(按駁法)
3)有幾個通用的呎吋..最好度左先或者直接拿條喉俾人配
4)沒看懂
5)可以,換喉就把中間的原件拆出來再駁新喉

其他等別的師兄更正或者解答

知就答, 可能都有錯.

TK-100M賽鋼膠小型儲氣筒(0.5升.) - 儲氣用, 等個泵唔駛成日開左, 有用過咁上下但無大作用, 另叫做有乾燥作用, 無咁易因溫度問題噴水氣, 你講到件野咁耐歷史用得就用, 基本相信都係癈左武功多, 如要接, 一出一入, 你要睇清楚唔好反轉, 唔係無作用.

1.  保壓我相信係AUTOCUT 啫.

2.  你換過啲喉先啦, 其他都係加水隔, 去賣氣動買軟喉可以了, 尺價幾蚊, 因好耐無買了, 要記低直徑, 尢其如圖5你有個T字形調壓.

3.  基本無分別, 只是接喉直徑會唔同, 你都可以買啲轉頭改返, 無記錯多數係3/8"... (可能錯, 唔敢講). 你用依家條黑喉度一一下就得啦.

4.  照睇係緊塞, 無理由整唔出, 你可以用CUTTER 直切劏開咪換得... 但咁樣直接插無咩力, 可能一谷會條喉飛出嚟... ANYWAY 唔得咪用索帶索實都得啦.
4B. 紅色位係放氣用, 因白色條管用完會有氣谷住響入面, 可以放返啲氣, 有時一放會有水出.

5.  個T 形上面個螺絲收就細氣, 放就大氣, 因為係快接, 你要睇用咩直徑 (藍色地方有個數字應是喉直徑, 照配得啦), 有分方向, 錯左調轉就得, 唔好夾硬拉出條喉, 襟個藍位先鬆條喉, 唔係接口會玩完.

照你依家玩, 唔駛買咁多野, 配翻條喉玩吓先:

A.  泵出水隔入位.
B.  水隔出位去T調壓入位.
C.  T調壓出位去噴筆插頭位.

果個白色無謂浪費時間啦, 玩住先啦師兄, 我以前都攪好多古怪嘢, 依家... 星星SPRAYWORK出--> T 調壓--> 噴筆, 就係咁都一路玩緊.

簡單就好, 如果唔係搵食, 夠啦.

[ 本帖最後由 kc40342 於 2015-3-18 02:16 PM 編輯 ]

謝謝兩位師兄用心詳盡的解答,小弟現在大致理解.萬分感謝

呢隻野冇 autocut. 只會識 overheat 時cut off. 絕對唔係autocut.

你第一張相, 右邊說明書, 個tank 上面舊白色四方盒就係 autocut. 明顯你呢set 野冇.

http://manuals.hobbico.com/hca/hcar4050-4051-manual.pdf

呢枝白色管. 即係 t-hobby 果枝 power tank 姐.
我冇用過啦. 會唔會打殘就唔知了.

不過如果係當tank 用既. .5L 裝係個冇autocut 既泵, 差唔多啦. 因為冇autocut, 個tank 儲氣來都冇咩意思, 只係當一個buffer 用.

圖2. 一係剪左爛果部分再插返上去. 一係去新填地街換過條. 建議你換過條啦.

圖4. 藍圈可以拆左佢再買"粒野"封左佢.

你留意返之後會唔會噴水. 會既就係 舊"power tank"之後加水隔.

我明天會去新填地街配.
有冇師兄知喎面大概會幾點 開門 同 "山"門,謝謝

6點前就收晒工.

唔識呢d 野既, 有兩間舖可以去, 一間係豉油街既梁成記 (成日都早收). 一間係奶路臣街既昌明五金.