各位前輩師兄好，小弟因為家境不容許，似乎只有在廁所砌模型之一途，所以想請教有相關經驗的師兄，

問題問得不好，但仍希望能作簡易建議

1. 廁所係有好多水既地方，if you know what I mean，所以會唔會影響噴油既質素 ? 例如白化、橙皮等

2. 如果小弟有用抽氣箱，再加上廁所本身有抽氣扇，其實短期內抽走異味是否可行 ?

3. 小弟化工知識不足，想請問其實天拿水及油性油產生既異味會否做成殘留物，會留在毛衣上 ?
     因為大家都知道，廁所連沖涼房有時會放抹身巾或衣物，咁會否好大程度地"污染"衣物呢 ?

希望各位師兄能幫幫手，小弟非常天真，但仍希望抱住赤子之心一圓砌模之夢想。在此先行謝謝

好簡單，係後樓梯噴就乜都解決哂！

3. 我答到你. 一般天拿水會係室溫中揮發係空氣中, 亦所以會嗅到, 只會有極微量會"殘留"係衣物上. 但一用水洗就會清走.
而"換氣"係最有效方法將呢D VOC 帶離某一個特定空間. 所以唔止要抽氣走, 仲要泵新鮮空氣入返去. 一出一入. 從而減少空氣中含VOC 既比例.

我個人係唔太建議響家居進行噴油,因為會令自己及家人吸入有害物質,即使有強勁抽風系統點都會有殘餘飄響家居環境內
個人興趣不應禍及家人,簡單的建議去後樓梯(都要係空氣流通既空間,只要唔大風就ok)
再唔係師兄可能要放棄噴塗用手塗了

使用水性漆, 問題便冇咁大了

一向系後樓梯噴,用龜泵方便帶出去

廁所太潮濕會影响噴油 , 冬天問題不大 , 夏天就...
避免啱啱冲完涼噴油或者啱啱噴完油再冲涼...

如果地方可行最好對正抽氣扇或窗門噴油 , 對正屎坑噴係唔work 嘅, 因為d厠所水會block 住d 噴流...

最毒係d 可吸入懸浮粒子 (RSP) , 少量thinner係可以俾人體/植物吸收
RSP吸入肺係出唔返黎, TSP , RSP係可以附係衣物度.  
尤其郡記油d 重金屬含量係超晒標 , pu 油就重毒

出冷行有通風地方噴啦 , 噴完即撤走 , 厠所始終空氣唔太流通.

[ 本帖最後由 oj 於 2014-12-15 11:59 PM 編輯 ]

我以前係廁所噴油+抽氣箱
總括來說,
廁所+抽氣箱噴油完全可以阻隔油味,
長時間噴油會好熱, 個泵產生既熱力會係廁所入面升溫
濕氣問題真係無乜, 只要有用水隔, 噴水既機會好細

你要留意一點, 你屋企人唔容許你噴油,
心理同生理原因各佔一半, 佢地本身就係唔鐘意你噴油
佢地一樣會話你阻住人用廁所, 唔俾你玩
屋企唔俾噴油呢個問題, 並唔係物理層面上可以解決得到

多謝分享!

其實我屋企人根本唔太care，因為下午間屋係冇人的，所以下午12點至4點係開工好時刻
只係怕6點前不能把臭味都抽走而已!

BTW, 我比較偏向屋企人出晒街先噴油, 除左味道問題, 個泵產生的噪音都可能引人厭惡

尤其晚上就更加唔會噴, 所以難免整件模型製作進度會拖慢~

如果手上沒抽油箱(我都冇), 或者試試執隻A3紙箱噴油, 可能可防止部份油漆微粒四維飄, 再講有紙箱隔一隔亦可以減少塵埃沾到已噴塗的漆膜上