網民貼圖踢爆 香港麥記才肯認有用福喜食材

為內地麥當勞、肯德基、必勝客等食店提供原材料的上海福喜食品，被傳媒揭發將過期、發霉、發臭的肉類，回收解凍再加工送回餐廳出售，涉及醜聞的各間內地食店都表示已即時停用福喜產品。香港麥當勞今日首次回覆《蘋果》時表示：「沒有任何食品是來自近日內地報導中所提及的食品廠房。」但當網民張貼圖片力證麥樂雞來自福喜後，麥當勞才承認有採用福喜集團食材，但強調材料並非來自上海廠房。

「語言偽術」已成為香港特色，香港麥當勞被傳媒問到有否採用福喜食材時，以「沒有任何食品是來自近日內地報導中所提及的食品廠房」作回應，避提福喜的名字。但有高登討論區網民張貼紙箱圖片，顯示上面有麥樂雞及福喜食品等字樣，指證香港麥當勞的麥樂雞來自福喜食品，又說：「脆辣雞腿冇記錯嘅話都係福喜，個包裝風格同麥樂雞一模一樣。」

有關圖片下午被網民大肆轉載，令人質疑香港麥當勞講大話。麥當勞傍晚再回覆《蘋果》，終於承認有採用福喜集團食材。香港麥當勞發言人表示，食品原材料來自世界各地，而美國福喜集團為麥當勞的全球供應商之一，亦有為香港麥當勞供應食品，但香港麥當勞並沒有任何食品來自內地傳媒報導所涉及的上海福喜食品有限公司。
http://hk.apple.nextmedia.com/realtime/news/20140721/52714483

麥記,KFC, 必勝客, 必勝客, Kuki, subway, 7-11, burger king, ikea, ...

伏已中

大陸呢個 國有咩唔夠膽做吖！
只不過平時無事發生無報道啫

你估美國食物就"安全" 咩.
唔係Jamie Oliver 爆料, 麥記仲會繼續用以亞麼離亞加工過既牛肉. 仲要係明正言順係同過 fda 標準生產添.

"語言偽術"恐怖, "科技偽術"更恐怖.

http://www.hoaxorfact.com/Health ... ydroxide-facts.html

又臭蟲論

[ 本帖最後由 wilson1292 於 2014-7-22 07:26 PM 編輯 ]

即係而家唔好幫襯老M ~最怕呢D野
食壞人個肚

今時今日, 好多廣告都話有乜有物科學驗證, 乜野機構承認, 乜野安全. 實質係唔係呢? 自己決定啦.

仲未計大量既機因改做食物係大家唔知情下已經食晒落肚.... 安唔安全. well, only time will tell.....

小弟不扭都好少食m記d野。事關有個教授問我地有冇見過四方嘅魚？佢話佢就有見過系m記，都唔明d人点敢摆入口都唔知系未真系魚来。

其實我地自細就食的罐頭午餐肉就已經唔知咩肉加粉加味精，好似有肉味但少過10% 係肉，根本就係垃圾食物。