1.工具清洗
一向都只係識藍樽 (Thinner)  <差不多百搭兼萬用> 同 黃樽 (Leveling Thinner) <噴筆用, metallic color 用>
其實 #1 係咪有啲呃錢呢?  用藍樽都做到?


2. 新出的油性快干溶剂
見樽上寫係比噴筆用, 但好多師兄講過噴筆要用黃樽(Leveling Thinner) 嚟開油噴, 咁其實噴筆應該用呢樽or 黃樽呢?

郡仕咁大間公司. 邊有咁大間奸商.

產品越多, 只因要滿足唔同人既需要. 唔出, 又會有人話唔夠"多元化".

1) 呢枝雖然正式講都係溶劑, 但唔係用來開油. 只係用來洗工具. 有名你睇. 叫 tool cleaner. 用來開油, 你預件都溶埋就去馬啦.

2) 又係有名你叫 "rapid" 唔識英文都可以用google translate 解釋到係 "快速" , 乜野快, 乾得快. 噴油乾得太快會起沙. 呢枝就係想噴啞面, 消光先會用.
leveling >即係"平滑", 噴令面光面用. exactly 兩個完全唔同方向既產品.

你知既知識都流於表面, 完全冇了解"點解"要用. 多d 去了解"點解", 而唔係人話咁用就咁用.
而你既然未知原因, 係唔應該先問係唔係 "呃人", 先入為主.

見到支rapid上面寫(メタル)金屬色都岩，但係金屬色通常都要令面，咁咪有衝突?

未必，因為好多金屬油係應該要好薄好薄咁噴，根本就薄到唔流要做流平。所以變成合用。

師兄唔駛咁勞氣

我都仲係新仔, 知識都流於表面都好正常, 唔係都唔駛成日發問

另一方面, 我唔係話郡仕咁大間公司係奸商

我只不過想確定一下間模型鋪有冇錯啫, 個老細話<藍樽係舊貨, 黃樽係新出改良版,  咁有新嘢你用唔用吖>, 仲話已經冇乜人用藍樽, 同埋話唔駛用rapid thinner, 根本冇用

有什麼得罪師兄請見諒, 冇心冒犯, 有怪莫怪, 細路仔唔識模型世界

呢個正係我想知道嘅問題too

多謝師兄幫忙導出

[ 本帖最後由 村上麗奈 於 2014-5-15 06:06 PM 編輯 ]

你或有誤會，我絕冇勞氣。正如剛剛係另一個關於語氣既 post 講緊，我只係一個冇品缺德粗鄙小人又八掛好管閒事之徒而已。

反而，香港有唔少模型舖既說話的確唔可以盡信。
有時因為店員根本唔知，或只想做生意。
我講知識流於表面係指如想更易明白或更上一層，就要多去了解原由。

明白了, 多謝師兄指教