唔知有無C兄有收藏以前的LS牌子1/1 MODEL GUN同砌了出來呢?

80年代時, 的確幾流行~  行親入去洗衣街某店, 都會見到有多少款這廠的模型槍發售

冇記錯我好似砌過M16, 不過如果要來把玩塑料強度不足, 當年要慳到乜咁, 先儲夠錢買盒來玩

以前有,砌好多 LS 廠既1:1模型, 問題系全塑料, 好容易損壞, 多次搬家. 搬下少一件. 搬下少一件, 差不多所有LS既都無曬, 之後轉玩 Marushin 既 Cap 槍, 都系買模型自已裝組, 玩就好玩, Blow Back Action! 不過玩完抹餐死, Cap 又難買, 當然又貴! 後來跟大圍, 玩汽槍~~~

依家無幾多間廠淨, 我仲存有十幾件, MGC AR-7, Marushin UZI 全金屬,,,,,全部變成 collector's items

LS既長槍就無啦, 短既重存有幾支, 睇到LS唔同時期既產品, 第(1)南部14年, 全塑料, exact 內構, 之後 Cap 槍興起, 佢都有搞, 呢支 Automag (2)  就系其中一款, 不過唔得既, 可能買到既Cap唔夠力, 無辦法完成動作, Colt Woodsman (3)  系可以發彈既, 每個cartridge 內有彈弓, 裝上彈頭, 手拉上彈/退cartridge, 射程嘛, 當然系意思意思啦, 只系模擬真槍既動作, 比你過下癮

[ 本帖最後由 sundaymodeler 於 2014-3-5 09:08 PM 編輯 ]

Marushin的我都見過, Cap槍結構上, 已經有些類似實槍, 不過始終係玩具, 槍身都仲係用塑料製, 外觀上一般都"好膠", 而槍管出口是"掩"左 , 撞針位置跟實物有別

是的~~~所以以前都有"補品"買, 當然無現在成行成市咁多選擇, 有金屬塗料將膠染成金屬質感, 缺點就系好易甩色, 針對重量問題, MGC 後來都有出 Heavy 版, 亦有改件買, 試過買一套零件將  MGC Ingram M11 改半自動 (即單發), 無錯佢地始終系玩具, 但Cap 槍玩起來都好好 Feel, 有聲, 有味, 有衝擊感, 對於我輩無機會接觸真槍既人黎講, 確系好難得既經驗, 試想想一個 32發既 Magazine 幾秒就打完 (真槍更快)

有軍事專家說自動槍械是世界第八大奇觀, 從機械結構角度睇, 也未為過

我有CZ75
http://automatic.bz/shop/shop/detail.cgi?code=2128

好正呀...好想看下C兄支AR-7, 呢支WA都有出過。

WA 同 MGC 應該有關系, WA 既 AR-7 我無乜印象, 不過佢都系用 MGC 既 Blow Back system, 我諗兩間廠既AR-7 可能會系一個模