突然奇想, 可不可能有1個月, 半月, 或者一年刻意唔去MK?
坐車經過唔計數, 但就是雙腳不入MK之內 (南北:由旺角道至窩打老道, 東西: 由大平道至渡船街)

靈感來自一本叫"沒有中國製造的一年"的小說, 講的就是全家不買中國製品的小故事.
現在生活上可能做唔到不買中國貨, 然而自己都想做下相似的事.

唔係住九龍既, 唔難.

唔去某一個區我唔覺有難度.

問題係為乜要咁做.

佢意思緊係講, 忍住唔去模型舖得唔得

我就冇去好耐, 其實現在本地的模型舖都冇乜好睇, 落去主要係睇下, 某件模型返左未, 同睇左唔同舖價錢如何, 反正都唔俾開盒睇, 你地話其實有乜野好睇?

自從搬左入屯門住工作都係同區，真係好小出旺角區，車費貴又浪費時間，加埋一街都係d自由行，買模型都係出上網或者出元朗買，無必要都唔去旺角

港島人表示無難道...

好多時若果只係去買模型,車錢都輸左
反而係富聯冇咩代替到既地方

樓主師兄可能想出返本"沒有模型玩具玩的一年"
其實如果本身住新界/港島區, 基本上日常生活可以出旺角都無問題~
落得旺角無非想買野者

[ 本帖最後由 密斯威爾 於 2014-1-27 10:20 AM 編輯 ]

又唔只係模型   我都係港島人
平時太多野都係第一時間想起MK, 簡單的約人, 出來睇下軍褸/衣著, 工作上幫公司訂五金野/牆紙之餘此類
約新界人好少到港島, 同樣地自己又好少入新界. 屯門對我而言更是有6-7年未去過,
有少少想睇下MK有無可能被取代,  同望下MK係唔係真的甘重要.

MK 宜家都淨係得番D自遊行同水貨客 ,  MK仔都少去喇

Internet 時代 , 新舊產品資料快過街舖 , 開盒報告 所有板件 , 乜都有得睇....
模型舖睇box art 就得 俾開盒嘅就可以睇兩塊板件 (一大包pack埋底面 塊)
要買野亦可以去丫烏 MTR交收唔出閘 放工順便車$慳埋....

個人而言 , 依家想0係MK揾d驚喜 : 下欄、特價品 好困難 , 行街舖主要為油水補給或者買野,
唔會話特登去行。 呢幾年都係3, 幾個月先去一次 .

我朋友咁講 : 成個商場靜英英 , 唔好話幇襯 , d人直程行都唔行 , 唔行更加唔使買野..

我已經盡量做, 但真係幾難

我剛剛今日先出去, 但係對上個次應該係3個月前
出去擺鬼咩 ! 全部都係啲大陸 人

完全同意~
可以撰擇我想出灣仔OR銅鑼灣多
每次出MK都係蹴朋友OR買油方便D

係呀！上網可以睇埋開盒報告，有D仲砌埋寫埋心得，去模型鋪盒盒都封死嗮！睇咩呀？段估呀？

旺角我都係1-2個月落一次，超過一半係買唔到野白行，楂車都要塞一輪至到，特別自己方便的時間（例如禮拜六下午）大家都落去，塞到死，放棄！

我屋企人更係可能一兩年至落一次，我地有鋪癮要逛模型鋪就話姐，一般人得閑無事都唔會中意去逼啦！