http://youtu.be/NYzcufASZhI

4:13 拎水貼果到...好神

[ 本帖最後由 ALFRED0083 於 2013-12-31 12:20 AM 編輯 ]

tricks of the trade 係界刀+綿花棒當筷子

所以話呢! 千奇唔好輕視"熟手技工"
我信奉 : 熟能生巧

包括砌模型..........( <== 有少少政治不正確? )

我以為D拉花都係印上去
原來佢地都會用水貼

片中在55秒你見到是有用頂置機械印上去. 那個"噴咀"像棉花球般有些少彈性, 容許印在平面或少少弧面上.
但像那覆蓋頭冚側連沙板的馬天尼拉花, 那個機械就印唔到嘞. 便出動人手操作筷子神功!!

佢貼水紙叻過我好多!!!

正在觀看其他集數
http://www.youtube.com/user/mmyyee1033/videos

特別推介The assembling of 1/43 Signature series die cast models
http://www.youtube.com/watch?v=RrkVZioAWkw
請看1分16秒 : 用枱邊, 人手"調教"車門開合位置!!!
請看4分40秒 : 用螺絲批柄頂, 人手"調教"尾冚密合度!!!

以上絕非取笑!!! 少d經驗, 你整吓吖! 絕非亂黎架!
以前維修車身(指真車呀), 師傅都係用槌揼返原形後跣灰.....而家乜都是換零件. changineer大把. engineer? 所剩無幾矣.

獅兄, 55秒果部叫移印機 (TAMPO)...上面軟果件係矽膠頭..片內部機係4色機, 即係一次可以上4 個套色..

用水紙有時係因為同一個LOGO 太多色, 有時係矽膠頭落唔到啲位, 但通常都係太多色先會用水紙, 如落唔到大部份廠都係情願用銅模手噴完再移印壓邊(用水紙太慢相對), 因手噴好多時會避免唔到有飛邊.

至於你講調校, 因為鋅合金啤出嚟要再用沖水口,人手銼披鋒同石仔洗水先可以上焗漆, 所以有時細件變形好難避免, 變左裝配時有少少回形工作好難避免, 又因為變形隻隻唔同, 好難做一定形狀回形, 所以咩工具都會用, 有時布呀, 徒手都會...通常 1/18 都係男工做, 1/43 咁細就無所謂, 因為一嚟較用力, 做得一百幾十手指赤赤痛...都幾慘架...

交流交流吓... 上次車師兄都不厭其煩指教好多, 今次知少少, 又多口講幾句..

[ 本帖最後由 kc40342 於 2013-12-31 09:34 AM 編輯 ]

其實autoart可以考慮出 metal/resin kits, 應該有market

OCEAN 兄, 都係之前獅兄指點指點... 分享唔敢當, 呢度好多高手大師, 專業人士...不過知道多口講幾句...

可能好多 ching 想去呢啲廠 working holiday

多謝kc40342兄的講解, 又學到嘢!

睇完片先至知道, 先至開始識欣賞, 先至覺得自己又再次做井底蛙.....

我相信唔只我. 從各 youtube comments 中就有不少類似的:-
".... I collect model cars and always thought to myself why Autoart is so expensive. but i see now. I want to thank all the people..."
"....ill be taking extra care for it after watching the effort put in by these follks!"

以後要好好改善自己的欣賞力

獅兄，又唔駛諗到咁神奇嘅，老實講佢地都係生產線作業，你地唔係呢個行業會覺得，嘩！好多工夫噃，咁，相反我唔係做電子嘅，我買部腦返嚟，我都會覺得好神奇，道理一樣。

況且放得條片上嚟， 可能都係想咁效果，等各位俾錢俾得爽手啲，總之都係一句，有供有求，啱價，鍾意款咪買，無錢賺嘅邊係生意。

買得開心，玩得開心就可以啦。

漏左最緊要個要字添

好耐之前，喺旺角新世紀乜乜車會，我都買過幾架玩, 但實在接受唔到d瓦色水貼在光油之上, 唔知而家改善左未?

不過工作越唻越忙
發覺千幾蚊買到架咁既diecast車真係唔算貴
自己整到咁上下真係要唔少時間
同埋而家砌車都唔係平,買下油買下補品,買下水貼,分分鐘已經成千蚊
不如買架現成diecast,又玩得,又唔駛砌
對上砌架車仔都應該有2年

留意吓... 全部都係放AUTOART, 點解無其他? 一嚟自己品牌, 二嚟大部份其他廠係來料加工, 跟本唔會響出貨前俾你係咁影...

所以可以講係一個曲線宣傳, 但不論如何, 當係一種新知都幾得意, 知多樣嘢無壞啫, 但無論邊個廠牌, 做法都係大同小異, 基本工序流程都係一樣架啦 (當然依家RESIN 嘅做法響車身處理有唔同), 質量分別好大決定響模具, 加工及工人意識, 管理, 品檢等因素.

其實我地一班模型應俾掌聲自己, 因為以合金車仔為例.

1.  焗油本身硬度比之後嘅手噴油硬, 即使之後嘅工序出錯可以抹左重做而不影響焗漆表面, 唔同我地一衰就玩完, 要重新嚟過執過哂.

2.  合金車身嘅流平第一次焗時已做好哂, 唔駛好似我地咁死捽爛捽, 後來片嘅拋布碌及臘都係因為可能, A) 之前的焗油流平唔靚, 補鑊用, 或 B) 真係為左做俾你睇... 通常都係生產線尾QC 睇左, 再臘水+乾布捽吓, 風鎗吹吹就入盒...

3.  生產會用噴油模 (電銅模), 一OK 噴幾多都係一樣, 相反我地黐膠紙, 一個個位慢慢界 (廠都會黐紙, 做辦5, 6 隻果陣囉).

所以我地一班模人已一腳踢哂成間廠嘅嘢, 由剪水口去到裝配, 重唔應該俾掌聲自己?!

玩玩吓吹左咁耐...

[ 本帖最後由 kc40342 於 2013-12-31 04:46 PM 編輯 ]

照計咁耐世紀應有改善啦... 再唔係可以再加工序手噴一層啞油, 都係果句, 成本問題啫及次品率考慮啩.

diecast車黎講, autoart的細節係比較好, 記得當年架altezza好想買, 但1:18又實在比較阻地方

擺得幾年重會有合金霉,  由入面發出嚟, 無得攪... RESIN 啲吸塑窗又會發黃... 都係玩得一陣, 死症...擁有過就算.