我自己經常被流放到塞外邊疆（上海），但都好少可淘寶買呢類野，通常都係留港消費多

係淘寶買新返既貨的話，無錯個淨價係平香港少少，但仲要計埋運費、匯率，同埋……風險！走數/拖數唔在講，如果有爛/欠件，莫講話商家未必負責，就算當商家肯負責，一來一回左等右等+額外運費，最主要係煩都煩死！加上上面D運輸同速遞真係好勁，乜野貨/點包得靚都好，佢地都有本事整爛既！

雖然最終總價都可能平過香港幾十蚊，但為左慳果幾十蚊而要搞咁多野同冒上述風險同心煩，我彩你都傻！幾十蚊就可免去上述麻煩+支持本地消費，我留港消費見貨買貨唔好？

買D出左一段時間既舊貨就仲濕滯，一來通常淨價都已經貴過/等於香港價，二來除左上述麻煩之外，仲要冒可能有假貨既風險（熱門有出老翻既型號）

其實可以冷靜諗下，中港商家大家都係咁樣番貨，但大陸有關稅，唔理D商家係打正稅入口定搵人走上去，總之成本係貴過香港返貨就肯定咁滯，咁點解佢地可以賣得平？一來大陸出貨量大過香港N倍可能折頭多D，二來唔係香港商家食水深，而係大陸商家寧願唔賺都要搶生意（大陸佬呢家野真係見唔少），搶完番黎有乜濕滯要點善後另一回事，總之搶左番黎先算

唔係的話點解咁多強國同胞過黎香港果陣狂掃貨？點解淘寶既萬代旗艦店貴其他商家咁多依然其門如市？你當強國同胞唔識上網定係精神有問題？唔好玩啦…



純粹個人見解，不喜勿插

其實你所講既, 我早前都係自己個fb 住講過同一樣.  完全明白.

不過, 呢個世界總有d 人喜歡計埋d 婆仔數.
仲好喜歡張計到, 省到果少少雞毛蒜皮沾沾自喜咁炫耀, 甚至奚落買得被他貴既人.
但當中如果出左什麼事, 佢地就啞子吃黃蓮.

我唔太在乎係大陸買, 定香港買. 用自己負擔得起, 又覺得值既價買就可以了.
不過對於叫人去邊度邊度買會平, 但唔交返出其他應該要考慮因素時, 我會覺得時有點"不完善"啦.

就好似, 當年貪曾叫人生三個去增加人口..
好, 我生, 但我唔洗俾錢養架.

其實, 經常都會有d 關於北區模型舖比市區平一段既報價. 但大家都知, 要山長水遠走入去, 未必化算.
可能因為"山長水遠"係能夠切身體驗, 所以即時計到"成本+風險"啦

福姑575 (中午時候仲有3盒

香港係所謂既自由經濟( 當然睇你咩地位)
上面講既唔賺去賣香港都有. 自由經濟r ma
樣樣野比到呢一代既概念, 唔係等下先平好多(唔係小小), 就早買就傻仔
賣得貴既鋪頭就係奸商, 當然模型果d唔係必須品. 唔洗急於一時. 但又唔係個個掛住精明上晒身去睇每個時間既模型價格.
問題形成後果.成日都有人話d模型鋪買小見小. 比著你係老細, 又要請人, 又要租, 個價唔arm 各位大少心水又唱衰, 又要買到賺唔到. 仲做來做物呢
可能呢d先係傳統中國人既特性: 一窩蜂, 執輸行頭, 慘過比人笑76

d鋪對手又樣樣野鬥到: 唔係你死, 就我返唔到屋企
以為做底左當前對手, 就個市自己食. 點知咁多人見帳面數好多,又入市
挑戰者不斷....結果.

我覺得錯左無左透明度高既合理建議售價, 做成鬥身家

[ 本帖最後由 juno11 於 2013-12-22 03:49 PM 編輯 ]

剛剛買左，但冷静左想，點解今早買呢!

[發夢中]:會唔會有店舖將KA NU + KA鴨比一SET咁賣,只售900大元 [/發夢中]

嘩！真係以為自己對眼有問題！英X做咗良心企業呀？沙殺比都係580！重平過褔X！

元朗見到賣$559呀！！

因為人搶我又搶, 怕蝕底心態...

終於肯減, 但.....太遲啦

老實講句, 油錢, 噴槍錢, 各位師兄每個鐘既人工, 加埋遠遠超過三幾十啦, 盒SAZABI唔同地方賣最多差一舊, 格既時間都要錢架

正所謂:早買早享受 ! 遲買平幾舊 !再嘈被人打餐夠 !

PS:講笑架 !咁多位師兄見諒 !

你說得對，中左，這合是我有生以來最貴一合，以近期也是剛出左最快買的一合，
對上一次今快剛出就買係，F91的RX44及死亡先鋒的機類！
下次會冷静D！

[ 本帖最後由 Hesen 於 2013-12-23 10:33 PM 編輯 ]

正！今句王！留用！.
我寫信總統命你為“鐵咀之鍊金術師“illuka

成合野重大合過Exs，Hi Nu！勁！

PS:隨口亂噏24 !唔好當秘笈 !

[ 本帖最後由 illuka 於 2013-12-23 10:46 PM 編輯 ]

低處未算低，今日頑X $480再度入手！

尋晚頑X係FB預告今晚七點開波，有佢地既訂貨單係手的話就每個tel no可以買一盒，有袋$500、無袋$xxx，仲話個袋唔平咁話

橫掂出開去，我又有佢地既訂貨單係手，帶埋巨型購物袋出去，夠鐘就上去睇下有無運行，結果原來自備袋只係$480不特止仲要送渣古香口珠，抵L到爛！

今次唔使驚比我個仔同我搶模型，兩仔爺齊齊過一個紅色既聖誕，哈哈哈！

頑X, 係咪頑童? 係就入多隻, 一紅一黑

咪就係X童囉，咁既價錢等多一年後都唔知做唔做到，所以我都忍唔住手再入，費事我個仔成日煩住我話我有佢無

但唔知仲有無/幾時再有

車！訂貨單先有堝！分分鐘訂D野貴D的人地都已可補数.