細佬剛加入模型世界，自己製作上色過幾個高達模型。 發現噴金屬色 同底灰後 噴筆有小小塞， 要慢慢“啷口” 洗返乾淨先順返，所以希望買支0.5噴筆。 以下有幾個問題希望前輩們能解開謎團

1.） 0.5噴筆 真有必要嗎？ 我手頭上有隻新安州準備要上灰， 金屬色 同光油 唔知用0.5會否比較合適
2.） 那個牌子比較好， 我現在用Mr.Hobby trigger type 個支 0.3 噴筆， 感覺良好 但價錢比較貴。
       （看到很多內地/台灣噴筆在價格上都比較平，很吸引。 看過噴筆的發展已有很多年，相信效果/功能應該都有一定水準。但唔清楚品質/耐用度如何 怕易壞又要買過支。 如果高價牌子真系比較耐用/性能較佳，
           我系願意多付出一點 希望能在工具上一步到位。 以上想法系細佬過往玩其他興趣時得來的經驗，我是願意消費的，但希望用得其所，買到性價比高的用品。）
3.） 有哪些牌子選擇呢？根據以下方向
           耐用/效果 》品質 》  產地 》 價錢 》外表

接受任何意見 希望前輩能開金口教路

萬分感謝

我覺得清洗噴槍係每次噴完 油/灰 o既必要步驟 , 同噴槍口徑無乜關係.

我自己就得兩支 0.3 噴槍, 一支噴灰 (台製筆), 一支噴油(Iwata).

內地/台灣噴筆 無問題, 但本地好多無良店家用低價貨充高價貨

常見 HD/ Holder (會疾氣, 滴油) < 葉紅 (YH) < Ustar (最好), 你小心, 多格價, 交收睇清楚, 就無問題

1)有更好，無都可以，睇銀包

2)我用緊mr hobby 0.5都ok,另外仲有1款係線咀既，噴大表面會更平均
噴槍呢d識保養有排用既，我會選擇貴少少都買支靚既

0.5係1/100級數以下都無必要.
就算去到1/60都唔見得非要不可,
除非玩到1/48或者1/4人形啦~咁樣無支0.5就可能會吃力啲.
當然你玩噴車殼之類又另計.

塞就睇情況,點靚架生都會塞嘅,
噴灰同金屬色之後塞塞地好正常,你換0.5唔見得可以洗少幾多.

問題係,你支筆塞得有幾嚴重.
既然係Mr.Hobby,多數唔係筆嘅問題
你個泵有幾大壓?你又開到幾大?有無試過調整下啲油?例如開稀啲試試?
好多時噴得出唔表示你嗰setting就為之好,多啲試下調整下.調到無計先諗架生.
咁唔係為省錢(雖然省錢好重要),係等你摸透手上工具特性,咁個人技巧都會提升.

[ 本帖最後由 Winson 於 2013-7-24 03:08 PM 編輯 ]

多謝多位前輩的指點。
我通常噴完後都會“大洗”一次，如拆噴帽，噴嘴，針 同 杯。上次噴完灰都系同樣，但可能噴灰後需要extra care而我又唔知搞到噻噻地，後來啷多幾次口就無事啦。

個人比較喜歡1/100或以上模型，1/144反而未玩過。
最重要都系了解自己的器材，我無氣壓標 唔知道現在幾大氣 但我以把氣壓調到幾細， 油的濃度系大概1比2.5∼3， 以前1比2 但發現效果唔理想，後來開稀小小噴多兩槍效果好好多。

大體上應該系我自己調起條斤想買野jee.

我知道每人在牌子上都有唔同preference，但對於我裡個新手來講唔同牌子的特性都唔清楚，在1000零蚊以下個range有哪些好選擇呢？ 希望前輩比D意見。

萬謝

1000好足夠，買iwata啦

個人經驗 好少因清洗唔乾淨塞槍

噴唔出 主要因貪方便 只想噴一兩滴油嘅情況 係在油杯直接開油

高濃度嘅油漆未被溶劑化開 但已經流至針尖同噴嘴

高壓氣一到 就把高濃度嘅油漆吹乾 變得好杰同起膠 結在針尖同噴嘴上

所以會聽到唧唧聲 而唔係正常絲絲聲 嗰種好順滑出氣出油聲,

呢個時候 可以用棉花棒點溶劑 抹一抹針頭 抹走起膠嘅油漆

多謝提供方法。

還想問下邊度有iwata賣呀， 想看看實物。 看完website 都有小小興趣。。。。。

個人習慣，如果唔系要十分精細，買支USTAR噶S-130已經好夠用，用咗幾年乜事都沒，只要多清潔就得啦。
自己買咗支田宮0.5噶扳機式噴筆，用咗幾次就沒再用過，因為好浪費油，如果要噴大面積，可能買支0.3噶扳機就夠啦。

噴灰、金屬油同珍珠漆，用國產扳機式噴筆就得

呢款有齊03 05 08 針咀同針，建議買埋個"牛角"

因為05相對03出油量會多咗，噴大面時原裝外帽容易"即"油，换咗牛角就=除咗外帽噴

如果選hobby 或者iwata 建議配多個"加長手柄"


國產亦可~
咁樣用起上黎就揸稳D

[ 本帖最後由 silas 於 2013-7-25 12:22 PM 編輯 ]

太感謝你的回复啦 簡直目定口呆 我就系用緊Hobby0.3板機式噴筆如果可加長 就好啦 但唔知邊度有。

另外個set 0.3 0.5 0.8 我都好有興趣因為平 又有 0.8 方便噴 大件野。 但唔知霧化好唔好，因為技術未到家所以希望用工具補救小小。

但都系多練習先得。

小弟用左幾年噴筆,都用過幾支
第一支係台灣0.3
第二支係支成日都唔work 既0.5
第三支係國產 0.3 F470
第四支就係個set 0.3 0.5 0.8
第五支係 IWATA HP-CH
基本上,由一開始,我都只係用一支0.3搞掂晒所有上色工序.因為支0.5真係用唔到.
之後多支國產0.3就用黎分開金屬色同常用色.

回應返CHING有興趣既個SET 噴筆,我係淘寶訂既,但係好不幸地我果支出唔到油亦漏氣...
所以基本上廢的,除非CHING買之前試到筆係work既,否則無謂冒險啦. 雖然個價錢係幾抵咁,但唔一定用到...

如果CHING budget OK的話,IWATA真係 無得頂~
我都係呢度師兄介紹去買既.
香港代理好似係太子大南街(如果無搬), 時茂,

真係可以一筆走天涯, 就算你想RG噴陰影,高光果D細節處理都綽綽有餘~(不過我唔推薦...小弟功力低..)
上光澤真係好光滑,我之前用既都唔太理想.
可能係我手勢問題,但係我用左IWATA就冇試過上光澤係唔得既
我覺得霧化都唔錯, 有時間可以睇睇我之前整既HI NU,我做左少少漸變.
因為我成日都大洗支筆,所以噴灰同上色都係一支IWATA搞掂,已經好少用返第一同第三支筆
而且我個人覺得IWATA上灰都係滑D

所以我都係推薦
IWATA HP-CP (筆上冇出氣量調校) / HP-CH(筆上有出氣量調校)

上面同你講o既，都係自己一D心得 (改牛角帽呀~加長枝筆呀...)
呢枝國產筆，我自己都用緊，情况都係噴灰用同金屬漆用
OK 的


Iwata 枝加長，你要問一下時茂有冇貨，我係大6做野(淘寶買~)
你係香港揾到o既話，一定平D

收PM

收集左多位意見終於決定左買iwata.

禮拜6出發購入 iwata revolution series HP-TR2 0.5.

該系列系小弟的喜愛trigger type， 手感老實講同Mr. Hobby 差唔多，無用過其他牌子所以不能評論。但噴筆尚未下海，開光日大概會系噴已90%完成的 1/48 RX78的消光油。 應該會在噴新安州的的底灰/金屬色/光油 大展神威，對支筆都幾大寄望。

另外在代理處看到iwata的泵  o my god, 好像很正銷售員話唔系氣缸都得因為造氣夠快 氣壓同氣缸一樣平均， 搞到心癢癢。 但自知未夠班 都應該唔會暴斂天物了。

不算非常突出


PS  110V的

另外~時茂有冇加長賣?

時茂話無入加長賣，店員話可以去上海街/廣東道個頭個D五金可以配到aftermarket 幾十蚊就有貨 但唔太清楚個頭系邊。

師兄HP-TR2 邊到有得買??

yahoo seach 時茂 smooth  地址 大南街 14號

請問師兄 Hi-Line HP-TH  同  HP-TR2  有咩大分別??