我以前一直只係素組高達模型
近來想認真開始做下打磨同上色
因為睇過d教學個個用具同用法都有d唔同
所想問下幾樣野,方便去買要用0既野

1.新買番黎d件係咪要浸洗潔精加水?要落幾多同浸幾耐?透明件同光刀parts有冇特別要處理?

2.水口用完銼磨走多餘位之後要用幾號砂紙磨?最好買幾張?(好多post個砂紙號數都唔同 )

3.透明件同光刀parts打磨方法係咪一樣?

4.我而家只係得幾枝gundam marker,之前油個陣好易出界,見過有人用透明膠紙黎遮再油但我自己試又係會滲左小小入去,其實呢個方法岩唔岩,仲有冇防出界方法

5.一般細細罐模型油係點用(未買過==),係配合噴槍先用得?

6.細面積我可以用marker油,但較的地方除左用個d噴槍噴之外有咩方法or有冇直接噴得的罐裝賣?

新手一次太多問題sorry,但為左日後唔使開太多post一次過問哂

1.新買番黎d件係咪要浸洗潔精加水?要落幾多同浸幾耐?透明件同光刀parts有冇特別要處理?
浸洗潔精目的係要洗走模型上的離模劑, 通常首辦樹脂件先會噉做.
透明件同光刀parts的水口位由細號砂紙開始打磨到大號砂紙

2.水口用完銼磨走多餘位之後要用幾號砂紙磨?最好買幾張?(好多post個砂紙號數都唔同 )
由細到大. 雙星有一包三款砂紙400/600/1000. 已經夠用

3.透明件同光刀parts打磨方法係咪一樣?
係

4.我而家只係得幾枝gundam marker,之前油個陣好易出界,見過有人用透明膠紙黎遮再油但我自己試又係會滲左小小入去,其實呢個方法岩唔岩,仲有冇防出界方法
要用專用遮蓋膠紙, 黃色個隻

5.一般細細罐模型油係點用(未買過==),係配合噴槍先用得?
用專用Thinner水溝稀, 手油都得

6.細面積我可以用marker油,但較的地方除左用個d噴槍噴之外有咩方法or有冇直接噴得的罐裝賣?
雙星, 郡氏有好多顏色噴罐. 直接噴得.

再想問下,用噴罐底色再手油可行嗎?

另外噴罐同油要儲存係咩地方?

你冇危險倉可以放既, 就放係陰涼, 乾爽, 通風, 遠離火種既地方就得啦. common sense 既野來姐.