強貼留名
期待成品！

之前上嗰層色太硬太假，索性再噴過，再滲凹線兼打些少高光，效果好好多，遲下加少許隕石撞擊痕跡及加層啞油，艦身上色大致完成。

好嘢! 好嘢!

等你update等到頸都長喇，
重噴過的而且確比之前好好多，

[ 本帖最後由 master_roshi 於 2013-3-22 04:26 PM 編輯 ]

收到！多謝 roshi 兄寶貴意見。上得聯網論壇，就係望大家指出製作時不足之處，咁先有進步！
誠如你所言，目前隻嘢在打陰形和舊化方面未足，影出來顯得平板，立體與真實感不足。 我會繼續跟進研究，在陰影及舊化方面多下功夫，希望完成時效果會較好。

未見有座喎?希望今次有個仲靚D嘅座.......

本來最初諗住整個船塢，整到隻艦埋站咁款，但以小弟的蟻速，咁攪法恐怕出年過年都未整完，所以都係整翻 Takara 盒面咁，追住主角架 minerva 算，我遲下會整架同比例嘅 minerva配合，故此個座大概同上次果個唔會太大分別，至多改良下支撐腳架。

原本諗整主砲管會好快，點今朝整咗粒幾鐘都係車咗幾支砲管，認真唔易攪。

hope this helpful to u

http://chibashibo.web.fc2.com/yata/yata.html

製作精彩,艦身曲位製作方法值得參考學習,精得!!

雖然未加 details（要度下點整先夠精密），但粗粗地總算整咗原著中嘅炮塔。

師兄有心有力,要重復做咁多個炮台,真係要好有恆心,加油

又有新update,炮塔做咁多個,點解唔做一個然後覆件?

唔通HAL2012兄好似我咁唔識復件 ...

多謝各位師兄支持。點解炮塔唔覆件整？
正如斧兄話齋，我啲覆件技術屬「非常有限」公司，我想響啲炮入面裝埋燈（光纖），所以炮塔是空心的，倒模更難掌握，以我啲咁嘅技術唔荒倒得好，盞浪費材料。
另外我之前買果罐矽膠其實自從上次整個 star destroyer引擊以嚟都冇用咗成幾年，我諗依家應該用唔倒...
所以不如索性逐個整仲快。

圓柱/通型嘅野真係車出嚟靚過複出嚟 ......

.師兄有車床?定係用電鑽代替?

睇到呢個post，終於重拾返初入HKML的感覺
久違了的高質素製作
HAL2012 兄，加油

AVENTADOR 兄，唔好意思，其實係我手文之誤，啲主炮管並唔係「車」出嚟，只係由銅管 cut 出嚟，不過真係要花些時間打磨至攪得掂。其實我呢聽業餘製作，邊有車床呢啲專業設備。

至於銅管分別為 3mm 及 4mm，千里達有售。

[attach]414582[/attach]

而 cut 銅管嘅工具，我就用以下呢隻嘢，鴨記有售，售價廿零皮。不過要注意，支銅管3mm或以下幼呢隻嘢就 cut 唔到。

[attach]414583[/attach]

[ 本帖最後由 HAL2012 於 2013-4-7 09:47 PM 編輯 ]

感謝 Devil 兄嘅支持同鼓勵。
其實我都係邊整邊研究，如果有乜唔掂，請大家指正。

銅管去新填地街賣銅嘅舖頭買平好多架.

多謝 roshi 兄介紹，一於遲啲走去睇下有無啱使嘅銅支銅管執。