會唔會好難搞？

個人意見是唔會，不過需要十分有耐性。

要睇睇部件有冇變左形~~

松兄講得絕對正確。
避免一些品質惡劣的品牌，例如 AEF.
Legend的品質亦不太好，縮水情況十分嚴重。
Accurate armour，Cromwell為水平比較高的樹脂商號。

謝謝！

BRACH MODEL 有幾款 意大利坦克，似乎品質很好

不過未砌過樹脂件

Branch model小弟有幸見過一隻，啲件倒得都ok，不過組合水平方面，未實際砌過就唔敢妄下結論，不過呢個牌子出嘅意大利軍坦克又真係幾特別，總好過玩來玩去唔係tiger,panther就M4，T34。
其實如果杜兄未試過玩resin，一試無妨喎，雖然價錢可能貴啲，但係resin嘅味道始終和普通模型有所不同，輸盡未一盒模型，起碼玩過嘛！

跟砌injection molding kit比較, 樹脂件係用快乾膠黏貼, 而模型膠水(流縫膠)係唔work的

另外樹脂件亦會有合模線, 因為很多樹脂件係用矽膠模倒模模造的, 如果矽膠模本身開得唔好, 又或老化左出現些收縮, 可能部件的合模線就會明顯些, 我見過有些樹脂件合模位置有些明顯落差, 這便會相對難收拾

另外樹脂部件注料口一般面積比較大, 就唔係用剪鉗剪掉咁直接, 可能要用手工鋸或蝕刻鋸片來裁掉~~

我口味比較怪，特別鍾情 D 輕／中型坦克，有時會比較冷門。

前後砌過兩架意大利坦克 （I 廠）， 不過品質直係好麻麻

早兩星期見過呢隻坦克，精緻度高，真係好吸引， 心想，都係一盒姐， 試下都好

但如松兄言，只能用快乾膠，部件裁剪比較多功夫， 所以 15/16

杜兄，小弟建議用一些硬化時間比較普通快乾膠長的（快）乾膠，去新填地街的舖是可以搵到的，因小弟多年前開始玩resin時，經驗不足亦用呢招，到習慣之後慢慢就可以用回普通快乾膠，到今時今日，resin 改件同full kit都完成超過20隻。請別忘記砌前把所有件先開盆洗潔精水浸幾個鐘先，然後再開盤清水過過，去晒啲離模劑先開始砌。
至於松兄提及的注料口問題，好的牌子出的resin係十分user friendly，不過就算注料口大亦不是問題，多花小許時間和心機就可以解決，這樣重可以改良自己的手工藝。
Good luck.

松兄，Legend的開模十分之差勁，基本上同之前的coree完全無區別，我甚至懷疑係同一班韓國朋友做。
這牌子的小改件還可供食用，不過大型改件和full kit就千祈咪晒錢，例如他們的merkava 2D，個resin上身竟然小（唔止短，係整體縮水，變細！）過academy的injection下身，M60的炮塔比正常小，都後期可能比人妖得多，隻nagmachon改件竟然敢死到比埋個resin下身你等你砌得埋，但係整部車就變成1/38左右，問你死未？當年小弟晌x星拿呢盒野同AFV club的centurion比較大小，suppose係同一個centurion底，legend個隻係成隻比afv club的細左，所以我話係1/38！！！

真係冇唸過... 睇相佢的改件細節似乎都不錯, 但如果尺寸不合拼唔埋, 就真係得物無所用~~

多謝erichylee兄的解說~~

依家injection 模型幾冷門都有 , 不如等下啦

以前d冷門野只有resin , 变型、夾口唔準、勁多沙窿 , resin問題 , 部份parts日久會因地心吸力而變型
用料and 產量問題另價錢好貴..

為左解決問題有時要買返同型injection模型抽d parts黎用 如果樓主真係好想砌的話 , 或可考慮呢個方法

oj兄講亦無錯，以前啲resin野，品質真係十分參差，不過到咗今時今日，重可以生存嘅牌子，品質都唔會太離譜（韓國野除外），Accurate Armour,Cromwell,Model Victoria，Blast model 等歐洲牌子的品質都十分優良，至於杜兄提及的Brach Model小弟經已在上面提過。
砌resin同砌injection係不同的experience，如果未試過，一試無妨。