請問師兄們
當噴油時遇到噴水情況既處理方法
以噴上模式件上…應採取咩方法去補救?
又或者有無咩先兆？
小弟剛剛開始模型，買了一隻空壓泵，是蛇仔喉 台灣牌子
但用了約十五分鐘左右就噴水
小弟都明白平野無好既道理，但都想了解下方法
感謝各位師兄

天氣很潮濕,不宜噴油.

最基本就係加水隔,氣缸

你好似有兩個主要問題係度咁喎.

補救, 預防.

補救: 即時停手. 等d 油乾左用幼砂紙/海綿砂磨返滑過面就可以再噴過.

預防: 加水隔. 水隔同泵之間要有最少一米長既喉. 都仲會出水既就再係水隔後面加多條喉&水隔. 另, 盡可能唔係非常潮濕噴油.

其實, 非常潮濕噴油就算唔噴水本身都係唔應該的. 尤其係噴油性油.

ps. 噴水同平貴泵冇直接關係的.

多口一問:

想問問鬼兄,海綿砂係咪抵用過砂紙,小弟用雙星砂紙好似用得好快

定係海綿砂只係比較岩磨曲面~

個人: 海綿砂只係比較岩磨曲面同磨滑/平油漆面.

另. 絕少用雙星砂紙. 貴+唔抵.

海綿砂亦唔係抵. 所以我盡量只用來磨漆面. 曲面都係用砂紙.

而砂紙我用德國勇士牌. 因為近我屋企, 我係打磨專門店買a4 一張張, 要乜野號碼自己講, 而唔係有d模型舖賣緊既"盒裝". 而且一張張買計返area 係平過repack 既盒裝的

其實唔一定要買雙星D砂紙,去五金鋪買D水磨沙紙都得,而且兩三一張,比較平~

必須要加水隔
泵>彈弓喉>水隔>普通喉>噴槍
想再噴水都難

噴一個鐘已經隔到一兜水

多謝晒各位師兄既幫忙解答
如果一隻水格唔夠就兩隻?
目前我既泵係用  泵-水格-蛇仔喉-噴筆
如果我想改成泵-蛇仔喉-水格-直喉1.5米-噴筆
材料我係咪可能以係新填地行買晒?
我計算過 應該是買一條直喉.1粒泵出氣嘴同水格入氣既帽
出氣嘴同入氣帽  新填地街買唔買到?定要去千里達?還是英明?

唔洗用到兩隻水隔咁誇張
你而家差條普通喉o者，買條試下啦又唔係貴

材料就千乜乜一定齊，不過貴幾蚊

新填地街識搵實會有齊, 係怕你咁識搵姐.

聽日去買
反正要買工作

如果屋企潮濕 , 裝兩個水隔係有需要 , 一個裝係近噴筆位置


先兆？----> 如果見倒水隔後條喉內有水咁積積埋埋就會噴水

土製水隔....


[ 本帖最後由 oj 於 2012-12-3 11:44 PM 編輯 ]

加個筆尾水隔啦，旺角HK$3X 有交易，我加左個後無再噴水。

以保安全
加晒所有…
但筆尾既水格應該係既外表?
快拆中間有舊綿?


diy我都有諗過
但我研究過個水格其實係咪有個金屬網?圓柱型多層式