Originally posted by micmiccat at 2006-1-12 12:34 AM:
個月曆夠為之(吹脹)可以咁真都有!
咪係囉?我就係想知點樣整到咁,會吾會係用印刷品既catalog度cut出黎?但諗諗下又吾多似,可能係用電腦縮細再print出黎...好難估呀!
不過模型真係要用腦諗,有時又要睇自己有幾多「普及知識」,要不斷咁諗「可以點用?可以點做?」我相信神人砌模型既時候,會有呢種諗法:「要整到咁,用咩野方法響scale down左既模型度『重現』佢呢?」
有個好幼齒既經驗:曾經砌過一架我真係擁有過既車,做到車牌呢個部份,想跟番自己架車一模一樣.但車牌d字太細,又想做得真,結果諗黎諗去:「刮貼同水貼都無咁細隻字,又吾係一模一樣喎,手油幾近無可能...」結果望下屋企,睇到一樣野可以幫到手...inkjet printer,拿拿臨響電腦做左個稿,印720dpi,貼上去真既一樣.之後我用同一個手段整架車俾一個朋友,佢一睇到個車牌就話:「嘩,好真,直頭係我架車呀!」(註:佢果架係保時捷既boxster,響當時無乜die-cast模型可以搵到,所以佢特別開心!)
好想親眼睇下呢位神人既作品,相信啟發會更多!