我個部門最近請左個90後女仔做文員
返左2日工連通知聲都無就走左去
打比佢佢仲問無通知有咩問題呀?
問佢點解唔做佢就話超級唔好做,因為D文件多英文同有D野唔識做
仲要話唔鍾意做所以咪唔做囉
真係.......我挑........

呢種完全不負責任既態度  唔多唔少受父母 朋輩果D影響

我係90後.
"唔鍾意"係好主觀既. 一份工,啱就啱 唔啱就唔啱,
想做的就算幾唔識做同多英文都可以拆掂佢

但小弟覺得唔通知聲先係最唔好(咩人都係). 出黎社會係應該要有交帶的.

舊公司有個同事lunch之後好耐無返黎 , 跟住打電話返黎同我講話唔做 ,
我同佢講你反正都做左3日半 你返埋呢半日啦 ,
同adm 講聲咁你可以有糧出 , 佢唔肯 , 因為朝早俾ADM "guat" 左兩句唔老黎 ,
另一方面佢又覺得份工麻麻地...

又有個返左兩星期工我先見過佢兩、三次 , 其他時間係攞醫生紙請病假
last 一次佢請完病假之後就返黎辭工. 恭喜晒 !  其實大家大概知乜事 ,
但打工有時係應該好好睇睇嘅.....

[ 本帖最後由 oj 於 2012-10-14 09:58 PM 編輯 ]

我就試過有一個新人(80後)做到4點幾唔見左人,同其他人講行開陣,點知原來去左辭工,重漏底一大堆手尾我地跟(我地工作要日日清)
我心諗你去係決定唔做既可以早少少通知聲,等我地早d有心理準備走位頂埋佢....係要4點幾先突然行開陣,大佬我地唔洗收工咩,重要番底既量都幾可觀下

至於近來新黎既(90後),做野除左唔太夠乾脆之外都重可接受,但有次居然佢爸爸突然買一大堆飲品食物上黎宴客..有野食有野飲顧然好,但咁做真係odd左少少,唔知係佢自己定佢爸爸既主意

講真，我十幾二十年前都試過自己做左份新工兩三日，勁無癮、無人教野、自生自滅，
請我番去個所謂上司自己都係好Hea，無咩去見客，又無乜工作交帶我做，所以我好唔中意，
第四日朝早打個電話番去話唔做了，又開始搵過第二份。

工唔岩自己費事嗮大家時間，不過要明確話比人聼，自我消失當講左就老土D。

工作上成日都有呢D人
番親每份工都有聽過, 我D"上代目"都有好多係咁...

大家梗係無睇呢個啦

[url]http://hk.news.yahoo.com/blogs/journalist/九十後職場奇觀.html;_ylt=Asv6.eO_Ha9r_wfIL9Zlrt32Vsd_;_ylu=X3oDMTQxZHVydHF0BG1pdANNb3N0UG9wdWxhciBMaXN0aW5nBHBrZwNjMjNhMTk4Ny0wMjI5LTM0YzktOWJlNC1kMzRiZTQyNTI5NjgEcG9zAzE3BHNlYwNNb3N0IFBvcHVsYXIEdmVyAzkyNzVjNDkxLTEzNGMtMTFlMi1iYmFkLWEwNTk3OThmOTZhYw--;_ylg=X3oDMTJjMm5uamUzBGludGwDaGsEbGFuZwN6aC1oYW50LWhrBHBzdGFpZAMEcHN0Y2F0A.aWsOiBnummlumggXzkurrmsKPmlrDogZ4EcHQDc2VjdGlvbnM-;_ylv=3[/url]


開小店的同學最近抱怨請不到人，請了八十尾、九十頭的年青人，但十天有八天遲到，老闆苦口婆心勸他，還用勤工奬利誘，怎知對方說：我寧願不要奬金，請你不要逼我。老闆不再逼他，叫他走，「看看他可否找到不用準時上班的工！」

之後又請了個女的，見工時穿戴端莊，但上班後卻總喜歡穿短裙，老闆怕她和客人接觸時，她感不自在時，客人也為難，於是請她留意衣著，少女卻認為穿衣自由都沒，所以辭職不幹。

我做過的媒體公司，暑假都會請大學生實習，某天老闆請這班實習生在公司宴會廳午飯，老闆及幾名主管例必早到及準時，他們坐著等著，見到學生一個一個遲遲才到，當然臉黑，而最令人氣結是，學生亳無內疚，坐下來便舉筷吃。

我請人時，試過幾次約好了應徵者，結果卻無影，打電話給他(她)，有些不聽，有些說我不想做了。我即時知會相關同事，把這幾個人列入黑名單。

我輩朋友，不時交換有關這一代年青人上班的「奇聞」，大家只有搖頭，祈求下一個請的新人不會更離譜。有些公司就專門請人事顧問，訓練公司管理層，認識九十後這一代年青人的特質，繼而定出策略和這些同事相處。

父母、學校是緃容九十後的始作俑者，若職場還繼續遷就他們，世界會變成怎麼辦？

[ 本帖最後由 ch_lycab 於 2012-10-15 10:25 AM 編輯 ]

我二十出頭的一份工係Admin. + Account 文員:

做咗3日, 都係睇 files, office 得幾丁人,sales 又去哂街,  唔識又無人問

感覺怪怪的, 第4 朝我打番 office 話唔做, 老細閙我: 又唔早d 講

心唸, 就係唔想比你當面閙. 我3 days人工都唔敢追.

當年都幾無責任心, 年青嘛

調返轉黎講，好多公司炒人都可以唔駛預先通知叫人第日唔駛返

都唔系丫~~換個角度, 有條件選擇自已喜歡做既事, 無乜唔好, 可能佢既才能真系唔系呢方面呢!

所謂有無責任, 系唔系垃圾...呢D只系個主觀既 Label , 更加同 幾多十後無關!  如果你遇到一個 90 後, 你覺得系垃圾, 就Label 埋其他 90後, 咁就 overkill 啦!  

年紀大有個問題, 總系將自已個套 apply 去人地道, 自已以前受過既苦就覺個得人地都應該要試下
時代唔同, 做法, 想法都有所改變, 呢個好自然!

Get over it

父母、學校是緃容九十後的始作俑者 ----- 除了之外. 社會風氣亦有責任. "自由, 權利"無限放大, "義務, 責任"無限縮少. 日日就只會說 我有自由, 從來不說 我有責任. 反而"你有責任"就永掛口邊.

好基本的, 你既然接受左一份工作, 就算未完成, 但當你決定唔再做, 或者決定唔再請你, 就係有責任通知返對方. 咁只係對相方既基本尊重, 禮貌. 尊人尊已.

有條件選擇自已喜歡做既事當然係好事. 但尊重人就只係普通禮教. 唔係有冇條件, 要佢吃過返自己一樣既苦.

[ 本帖最後由 VampireA 於 2012-10-15 12:02 PM 編輯 ]

7日內都係隨時"即日仙", 你有打返去講唔做, 差唔多架啦. 負左"當時"既責任啦.

只有極少量既工無試用既姐. "7日仙"同時都保障老闆唔係請錯人的.
當然, 有約就自然要跟足啦.

不過, 好多公司都會等過左7日先交份約出來俾人簽.

[ 本帖最後由 VampireA 於 2012-10-15 12:19 PM 編輯 ]

張約好似一個月試用, ７曰通知.

好在老細無追番我轉頭

又可能老細覺得留多我一日都費事

[ 本帖最後由 simmonelai 於 2012-10-15 12:21 PM 編輯 ]

呢種分明一早搵你笨，等你唔做陪比佢...

通常要即刻比幾個月通知都唔會係咩低級職位，

即係新仔見工，見到呢種約都真係要諗清楚先好簽