話說小弟想bid一盒FSS模型,
見到有個叫bulkymilk 既賣家, 開$99起bid,
我就bid到$150左右, 但有條友高過我之後,
我就唔bid由佢俾人算了,
點之到剩下幾分鐘呢,
賣家bulkymilk 無端端取消哂所有人叫價,
仲將我列入黑名單,
唔俾我再bid,
我心諗, 唔0岩價唔想賣未出聲lo,
再加上勝出者又唔係我,
唔使用咁cheap招wo,
跟住我就八掛下佢D評價,
點知發現到佢好多AC用來bid自己, 我點解知?
佢同一件貨可以賣咁多次佢都算叻仔lo,
模型就可能有好多盒0姐, ニ手漫畫無可能有幾套一樣0瓜
各位模友小心呢個賣家bulkymilk 了

買賣要你情我願, Yahoo 好多賣家都用 $99 起 bid, 眥因拍賣費用問題! 通常都會設個"直接購買價" 參考一下就唔難決定落唔落標, 上拍賣場一段日子, 咁既事見怪不怪, 賣買做唔成咪算數囉, 唔駛開名叫人"小心"既, 真既話未必要你"提醒", 如果無實証 (我相信你都無) 就叫抹黑, 何必呢?

我試過同你一模一樣既情況, 我結果都係以我最後出價同佢買左, 雖然我估佢九成係搵人托價博我追, 但始終個價係我覺得值先出既, 而且搵人托價呢樣野喺拍賣場好平常, 覺得唔值就唔會追落去~

我都同你一樣,  不過我係落價投盒裝甲騎兵重裝型, 見開 $99 , 我求其打 $105 算, 臨到完bid 前個半鐘 , 佢就好鬼鼠咁delete 哂 d 相, 唔想比人見到佢盒貨, 驚再有人出價, 我都估到有問題,   之後有第二個人叫到 $129 , 我就睇下點,   

哈!!   臨到完bid 前半小時就取消哂所有人叫價. 之後又重新再拍賣過 ,  佢重有盒mpc千歲鷹都係玩呢招, 同其他人交收吹開水話佢幾隻野都已經放左成年... ..完來玩開拍賣圍內通晒天, 所以你見佢d模型得一兩個叫價就知咩事   

我就覺得奇怪 , 佢又無底價,  又無話可以取消負分人仕,  驚蝕本既大可以定個底價.

總之有人出左價,  到期夠鐘就要賣比咁多個出價之中最高價個位, 就算只得你一個出價,  夠鐘你就自動勝出,    唔係咩叫拍賣呀    佢連拍賣定義係乜都唔知佢話L哂事...

投佢野真係浪費時間

[ 本帖最後由 ▲▲27▽▽ 於 2012-2-4 07:08 AM 編輯 ]

佢咁搞真係做壞拍賣既精神....

香港都應該改制.......日本YAHOO 如果有人BID 而又取消拍賣既話賣家就要付525YEN.....

香港YAHOO 要諗諗

我就未試過~~但呢D人跟返上面D師兄咁講~~~咁做根本就唔知咩係拍賣囉~~
話說~我都想放野上去賣~但係佢要信用卡登記......

話人唔知乜野系拍賣有D片面, 怪就怪拍賣場的收費制度, 拍賣刊登費根據起標價 (包括底價)作為賣家, 當然想個成本愈低愈好, 你可以不同意以上各位所提到某D賣家既做法, 但我會話我理解

以前有拍賣場 (Go2HK) 免收拍賣費呢種情況就少好多

有時持平D咁講, 買家亦應該對拍賣物品既價錢有個概念, 特別系在外面亦有出售既野, 如果你以為$99可以買到出面賣幾百蚊既野, 咁想法系天真定傻? 又怪得誰? 我覺得唔可以完全話人唔o岩!

托價呢樣野, 全世界都有, 覺得值就投, 覺得唔值就走, 呢個先系正確態度

而家賣貨要手續費，就有樣叫網用錢。
你可以用信用卡俾，或者便利店買code
最少$50

網用錢最少要買$60

bid完~~吾岩價唔想賣~就話整爛左吾好意思個d最狗....
輸吾起就吾好學人1蚊起bid啦好心....

Y拍咩人都有, 不過係bl你呢樣就過火左少少.

哈∼呢個我都試過，bid完先拖你兩個禮拜，再追佢就同你“壓爛左吾好意思”..... 我同佢講 “爛我都會要”，佢就無再覆我，擺明唔想賣啦∼
咁我又無咩損失只係浪費左D時間，請佢食個劣評就算啦。

[ 本帖最後由 alexnt1 於 2012-2-4 02:30 PM 編輯 ]

你點知佢blacklist你?~~  正常如果賣家取消買家出價之後，該位買家係唔可以再對該拍賣品出價~~~

依家唔係托價問題, 又唔係買唔買到的問題, 係佢取消完拍賣仲要blacklist我lo, 呢樣先過份,
你只係不停講賣家的角度觀點, 我也唔想話自己可以理解呢種人, 因為交易最緊要係誠信 lo,
無誠信既人, 有乜角度觀點都係假

我事後想在"貨品詢問" 問佢點解blacklist我, 之後就彈左句" 由於賣家已將你加到黑名單中 ，你不能提出詢問。"