我想係度同大家分享一下我戒煙嘅經歷。我最後一支煙已經係6年前嘅事,之後我一次想食煙嘅情況都未試過。咁你可能會諗:唓,你煙癮細吖麻。其實我之前都係一個不節不扣嘅煙鏟。
我從大學後期開始食煙,食左十年先戒。平圴每日15枝至一包煙。工作忙或壓力大會食多D ,最高紀碌50支。我有段時間住唐樓要行六層樓梯。深夜無煙時會頂吾佳為買包煙來回走12 層樓梯。我係好enjoy 食煙嘅。吞 吞吐吐吹下煙圈一樂也!同friend 一齊食更有一種共犯嘅快感。
咁點解要戒呢?因為我發覺身體真係差,成日咳。加上我係好淆底嘅人。我一路都驚老來有cancer。同埋我發覺煙仔control 得我大勁。有時訓吾著想食煙,食左又精神,再訓吾到再食。惡性循環感覺好差。
所以我開始有戒煙的諗法。從有呢個諗法到真係落實去戒都過左3年。
話說我有戒煙的諗法之後都有同朋友講下。有位有心人送左本戒煙書俾我。不過要一個煙鏟戒煙點會咁易吖。本書我放埋一邊。直到3年後才的起心肝去睇。點之真係成功左。個過程仲係零痛苦
你可能又 唓,妖!睇咁耐完來你係度賣書廣告。大家吾好燥先. 我係呢個forum 好耐,D 人都知我有份工吾係賣書 嘅 。 不過本書真係work 。我會簡略介紹下。不過最重要嘅係我之後同另一D 成功戒煙嘅朋友傾計。佢地無睇過本書。但我地嘅過程有好多共同點。我覺得成功式到煙嘅方法係有D野係相似嘅。呢D 共同點先係重點
本書叫Easy way to stop smoking , by Allen Carr. 我吾知佢有無中文版。首先最特別係佢叫你睇呢本書嘅時候要繼續食煙。因為你謬謬然戒煙, 你心態上未ready,會有好大壓力。好可能本書都睇吾完。呢度佢帶出個重點。戒煙最重要係調整你嘅心態。你先要真係真心覺得你係想戒煙,覺得食煙對自己好差。如果你戒煙係為左人地,為左男女朋友,咁你嘅心態好難ready. 如果你未ready, 倒不如痛痛快快食多陣煙。我睇完本書都係再等左幾個月先戒。
另外最最最重要嘅point 係戒煙係吾應該靠意志力嘅。坊間或者政府成日講到戒煙好難,要有強嘅意志力先得。不停洗腦,令人覺得戒煙要有無比意志。事實上意志力不可靠,任可人都好難勝過自己心魔。當D 人忍吾住食番煙時便有雙重打擊,覺得自己無用。跟住壓力再加大。各位煙鏟都知有壓力時會做乜? 食煙囉!
基本上你要跳出黎諗, 諗番食煙嘅壞處。聞下D 煙幾臭!問下自己煙仔係未control緊你。你有無覺得好吾free.你有無淆底會生cancer。基本上你一路諗。去到有一刻你會真心想戒煙。
Next step 就係找一個好良機。在我來講就係幾個月後一場傷風。基本上病痛令你比較無咁想食煙。我開始病得好辛苦,於是成日無食煙。一日之後第二日無食。幾日無食之後我同自己講。妖不如真係戒啦。咁我就戒左啦。隨左病之外我有朋友係係clubbing 時狂食一包煙,之後番到家中覺得好辛苦。嗰個moment佢覺得食煙好差好想戒,之後就戒左啦。
無論本書或其他成功戒煙朋友嘅經驗黎睇。戒左煙之後好重要好重要嘅係你要enjoy 新嘅生活。你應該focus 無食煙之後嘅好處﹣你個肺幾咁舒服。空氣香D。行步路都快D。慳左D 錢可以買好多野。你個人又free D. 訓得好D。你會開始好開心。係真係有重生嘅感覺。根本諗都吾會諗食番煙。你聞到其他人食煙會覺得好臭!
不過如果你戒之後成日心思思想食,你去食啦。吾好死忍。輕鬆D 對件事。當你真係ready 次後再戒啦。
[
本帖最後由 philipks 於 2011-4-6 08:14 PM 編輯 ]