好耐無見到D咁岩睇既文章喇!!



http://hk.kpost.yahoo.com/messageBoard/topicPageDisplay?selfURIEncoded=v1/mb/board/3045355c-ae0c-45f9-8765-e1da71b98bd7/thread/1299938538098-770f163c-f98d-4494-8b81-be2bc458f359



仔，當我到警署為你保釋的一刻，真的令我百般滋味在心頭….

仔，爸爸並非怪責你要我走一趟，反而我是擔心，你是否明白自己的所為。因此，回家後我與你討論你的所為，我問你為何要去遊行示威，你指示威是因為財政預算案做得不好，預算案幫不到老人家、無退休保障、對13歲的我又無甚幫助、我又無六千蚊派又無什麼津貼。一方面，我對你關心時事的態度非常欣慰，但另一方面我對你對社會或者政府不斷的訴求就覺得很擔心。

仔，當你對社會不斷的要求，某程度上加重了對社會的依賴。阿爸讀書不多，18歲巳出外打工，正如好多香港人一樣，自食其力，靠自己的一雙手及努力，為未來捱下去，當然我得承認，社會上天生不是個個都可以靠自己既努力而生存，所以這羣人就必須社會的幫助，但13 歲的你，為何不努力去改善自己既生活，反而去問政府要更多福利呢? 為何你未對社會有何貢獻，就去問社會要更多呢? 現在我們的家只是平凡，但三餐都總算溫飽，總算有基本的條件、可以無牽無掛地去拼，你的人生只是剛起步，可以透過讀書、進修、勤奮、智慧、機遇等等去改變或者改善你的未來，你對我說: “沒有革命，那有改變”，但我反而認為”沒有努力，那有改變”呢!!我希望你可以靠自己，去創造未來呀!!

仔，阿爸都開始步入中至晚年了，當我聽到你話要全民退体保障，我的反應不是喜而是憂。記得我的爸爸，你的爺爺曾經對我講，他老人家唔希望依靠我去養佢，不要為仔女加重負擔，我很感激他，令我以後的日子負擔得少，自己能享受得更多，所以爸爸都希望能繼續依個”傳統”，情願自己少點消費，多點儲蓄，不希望我自己享樂完又要你或者社會為我負擔。講件事你知，有一次，你伯父到澳門賭錢後來問我借錢，我就同你伯父講: 你賭不如我賭啦!你去賭錢去博去享樂，點解要我幫你埋單呀”，最後，我一分錢也沒借給你大伯。雖然有全民退休保障，我應該開心，因為我都差不多退休，可以即刻享受到，但以後的你同埋納稅人起不是要付出多!!

[ 本帖最後由 ccfai 於 2011-3-16 10:42 PM 編輯 ]

仔，社會上開始漓漫著將自身既責任推向別人的現象，每事都要人家提醒或者要人比警告。記得昨天我地去超市購物，有個顧客不斷責怪超市職員沒有提醒他為購物儲積分; 又例如，有家長投訴學校老師，沒有提醒學生要交準時交功課; 政府又要將人民既所有事都要負責等等，試問政府那有能力做到咁多呢? 當大家將自身的責任推向別人或者政府時，只會令自己變得更不負責任，依賴性強與及警覺性更低，其實這是個很危險的現象，我地埋怨有沒有自理能力的港童出現時，其實緣於有怪獸的父母，如果我們繼續將自身責任推卸給別人或者政府，恐怕受苦的只會是自己呀!!”待人巳嚴，待己以寛”這種心態巳經在流行了。

仔，坦白講，我對你激進行為表現得很擔憂。如果我們是身處利比亞或者埃及的極權政府，我會為你的激進行為感到很自豪，因為我的兒子不畏強權，不惜犠牲生命去爭取民主自由與及對抗極權。但身處香港的你，其實有好多渠道去表逹你的不滿及訴求，包括遊行示威以及用選票去表逹對政府的不滿，但為何要衝擊警方，阻塞道路呢? 我地易地而處想想，被你阻塞馬路而令其他人出入不便，這又是否剝削他人的自由呢? 而被你衝擊的警察，只是個執行職責，為何你要衝擊他們令他們受傷呢? 為何不能易地而處呢!!

仔，社會上要用法例去維持秩序，更要我們的品德去令世界變得更美好。記得有一次與你一同乘電梯時，我們最先進入，我叫你按著開門掣，好等後來的人可以進入，但你反問我”為何要我負責按著掣呢?其他人做不可嗎?”那刻我很錯愕，當然我有向你解釋這是為人設想的行為吧! 禮讓、尊重他人、禮貌、推己及人及為人設想等等都是良好的品德，但社會變得放任自由令人好容易失去這些德行，只顧自己，不理他人的感受，那麼社會只會變得越來越自私自利呀!!

仔，其實爸爸忽略了與你討論時事，是我個人的好大責任。社會上有許多意見及報導，可能未必全面，作為13歲的你，可能未必得分析得清楚，而作為父親的我，更應有責任為分析，令你思考問題時可以更多方面同更立体，當然，以上的也只是爸爸的意見，也是給你參考的，我並非想將自己的一套加於你身上。
人生許多事情，要自己去感受同領會，今次經一事長一智，今次事件正好作為你人生寶貴的一課，為你未來下殿下基石。

又係共產黨嘅洗腦招數，不要政治要經濟，俾後生仔睇就害咗佢。

假到你呢共產黨

絕對認同...

好認同，十次入電梯幾乎十次都係我襟開門閂門掣，d人好似等運到，又或者最好唔俾人入去
當去過幾次日本，完全感覺到
香港人同大陸人根本沒有分別!!!!

有分別，香港人都仲未可以教到d仔女光天化日响地鐵站大堂/月台表演痾屎，我一次响旺角站大堂，一次响青衣站月台，d自由行家長好似放狗一樣，墊張報紙就可以開show，佩服

唔講真係唔知原來有需要既時候可以問佢借廁所用tim


原本都幾認同呢篇野,之但係見到呢句..
最高權力既冇資格選...有資格選既影響力又唔大,又加上當中又有一半唔關自己事...
香港既選舉制度真係有咁大影響力嗎....

[ 本帖最後由 ＊呀浩_∼ 於 2011-3-16 11:43 PM 編輯 ]

佢硬係中意不理場所，急起就痾，d職員收到通知跑出嚟叫佢忍一忍都話唔得，咁點吹得佢漲jet ，直頭連個碌柚都唔抺，抽起褲頭就行人，個職員都唔知可以點

有個Friend之前比我醒了佢一獲，有次佢係咁鬧啲80後不斷鬧政府唔和諧，但我話佢如果真係咁喜歡和諧，就唔好成日小小事就同人炒，搭的士同司機炒、食嘢同侍應炒、買嘢又同店員炒...
咁點解佢鬧得人哋唔鬧得呢？


因為我個Friend係公務員。

對. 香港仲有好多表達立場既方法.

而其實, 表現激進既都只係一少數. 大部分去了遊行示威的, 都很和平地散去....

當然, 我自己會覺得因為香港一直都以填鴨式教育, 而且某程度訓練學生不要思想, 只要公式答案. 所以當有人出來講一些似是而非既說話去煽動一些思想同考慮唔全面既青年時, 就會有很多青年跟隨了.

亦當然, 我亦不過得現時既政府做得好, 做得夠, 但的確未去到要激進既地步.

年輕一d 既朋友可能不知道. 80年代時, 韓國大學生是非常激進的, 差不多日日上新聞, 投汽油彈. 真係唔想見到日後香港會發生咁既事..

我以前腸胃唔好, 真係借用過地鐵既廁所好幾次架...

只要找個staff 有禮拜咁同佢講肚痛就一定借俾你的. 仲可以唔洗do 飛出閘, 要入返閘就同d staff 講返就得.

我只係覺得,依家果班話要幫助少數受壓迫的人,但是佢地做緊的事係犠牲人地的利益,例如瞓係邊街阻住人地返屋企,又或者無中生有的時候,我地係未要諗諗佢地係利用緊我地市民的同情心?

人地老豆,諗下你自己呢13年點教仔啦

.....只顧自己，不理他人的感受，那麼社會只會變得越來越自私自利呀!!

若果我只係引用呢句,就係有呢D人,"社會才會變得越來越自私自利",
因為論親情,論私德,這封父親給阿仔的信完全無問題.
僅僅,如果這只是一封私人信件.

的確 政府 / 暗報 好想盡快 熄左d  民忿, 年輕 無6000嘈都蹝氣

老人家、無退休保障 長遠都唔會靠立法/施政 幫助.

示威 搏拉的人 知道自己犯法 / 警察濫傷無辜  下次仲出位

c p
有示威者在facebook中說，他在被拘留期間，遭PTU 786x車輪式言語侮辱，說對示威者點拉點打都可以，因為上司會「照住」，「攞正牌」唔使客氣。的確，曾偉雄能如此囂張，也許是得了雞毛令箭。中央現在草木皆兵，不惜一切維持穩定；今年中國的內部維穩費首度超越軍費。

咁屈機

我身邊都有個, 佢成日話有道理所以鬧人, 我成日都暗串返句... 每個人講野總有每個人道理...