老實講, 好多低收入/普通家庭真係望個六千黎買多味餸同儲多個錢,
係電視報紙成日去中環訪問d疑似"低收入"人士先攪到好似人人用個六千飲飲食食咁。

任何地方o既永久居民福利一定多過非永久居民, 一個照顧外來人仲多過本地人o既政府係唔會存在。
至於大家講d新移民通常都係指某個地方o既人, 佢地點解咁得人"關注"絕對同佢地平時所作所為有關。

講得好!

同意!大家都係中國人, 以前就話做假英國佬啫, 宜家回歸左都十 幾年, 點解仲要分 "香港人, 大陸燦"? 老實講句, 唔係人個個有三粒星既都有交稅, 冇三粒星既, 就算唔使交稅, 都直接間接貢獻香港。再者, 新移民分唔分到6000蚊根本同我地無關, 庫房慳到既錢唔會俾你, 唔會俾我, 只會益有關係, 有能力搵著數既大商家/高官(大家仲記唔記得千億豪宅區貝沙灣係政府賤價送俾李柒楷?)
如果只係因為派6千蚊而令社會更分化, 咁呢6000蚊真係比夏娃食既萍果更惡毒!

大家冷靜d, 唔好為雞水咁多錢而出賣人格!HKML既, 都係有識之士, 千旨唔好被分化!

你係咪引用錯左,佢段嘢同你立場唔同喎

為生活有錯咩,為下一代有錯咩??
好多香港人上一代都係大陸來,如果個果係你啊媽,你仲講唔講得出....
大家都係人,唔好咁絕...
我都有$6000,但我唔明D人可以抱人冇我有心態,即使佢地比你更有需要...
香港既制度係想比佢地, 但你地係到不滿...
比D同理心,比返D人性來...唔好咁自私啦香港人,生活冇罪....

首先
6000 入晒MDF 真係離譜

但係依家真係好似你咁講可能要既人無

其實D錢羅去改善機層係最好

例如話回購隧道之類再減價連帶減交通費(我都聽人講)

不過政策係咁...就等佢出埋睇下佢有無幫下D新移民啦

當然有錢收,有得收都開心,不過真係唔好笑人窮,

如果連比人爭取下都唔得,就真係過份左D

到底比唔比,未由社會決定返,但係又唔駛話到要敵視既

怕養到懶蟲未去改制羅

怕D議員亂黎,自己去參選羅

香港既制度? 乜野係香港既制度?
理論上係法治, 言論自由, 一國兩制, 馬照跑舞照跳, 五十年不變
現實係人大釋法, 媒體內既自我審查, 一國先兩制後, 香港馬香港足球係國內有外圍, 跳舞既都北上喇, 五十年一萬年都唔變(人性)
邊套先係香港制度先?
本來有MPF有$6000, 財爺打死唔肯改, 泛民既唔見, 淨見建制派, 一講派錢, 就週街出來領功; 有MPF戶口, 即係有打工, 唔係齊攞綜緩, 一轉有3粒星(即係有票既)就有, 冇3粒星有MPF既就變成乜都冇
香港唔係有言論自由既詳, 嘈下都唔得? 3粒星滿18歲既攞好多著數啦, 點解冇3粒星既嘈下都唔得? 咁即係跟現實既香港制度, 阿爺話乜就乜啦

點解咁多單親? 男人同女人要結婚生仔, 香港男人係香港搵唔到老婆, 返大陸搵, 再唔係就二奶; 落到來, 原來唔係窮鬼, 就係老坑, 再唔係就暴力, 就係有老婆, 咁點?
社會既混亂係由歷史做成
本來已烏煙墇氣, 做官既越來垠6唔知做乜, 從政既就抽水多過做 (其實現實香港既制度係乜都做唔到), 有$6000收既香港驢仔仲要仇視新移民
或者中國人既DNA真係有問題

講得好!

第一 呢度唔係天堂，無可能做到人人照顧到
我反問一下，當新移民可以收錢，今個財政年度如果有五十萬人申請落黎，係咪要用30億去派都要派呢、到頭來cut教育、醫療等等其他開支，或者要赤字呢?
唔派俾佢地唔係無人情味，為政者既考慮係唔可以太感性，過份感性既會得出咩後果? 綜援就已經係一個好好既例子

用規則去界定並不能每個人都照顧到，但係可以達到一個比較合理既水平
底線已經拉低左一次，如果一有人嘈就再拉低一次，咁要法規黎做咩

新移民攞得，咁菲傭呢?佢地又嘈埋一份?咁出trip黎香港做野到時又嘈埋一份?咁黎香港旅遊消費既旅客又促進經濟，駛唔駛攞埋一份?
而且咁樣永久居民既身份要黎做咩，我放棄佢攞完"綠卡"再過黎做野啦

朋友，到你做到一個要管人既時候，當你太過感性對呢班人，到時你就要睇佢地面色做人，明白未?
但係你用規則去管，得閒請表演好既人(總有主觀成份)，你會發覺同用感性管人效果完全唔同

[ 本帖最後由 ch_lycab 於 2011-3-4 12:12 AM 編輯 ]

結果就為左一家團聚而令香港更加多新移民
香港咁細, 養唔到咁多人架

依家派錢咪更多人仆到落黎?
香港有關口架, 同內地唔同, 要怪就怪英國啦

或者地球的PROGRAM中人類就是個BUG

人有一定要我有?呢d咪蝗蟲既心態,唔可以輸蝕比人囉
問心個句,你付出左d乜野,憑咩問人拎錢?
冇錯上一代好多都係大陸落黎,但係人地個時落黎係捱餐死,唔係落黎問人拎錢囉
以前要搵人援肋係一種羞恥,唔係必要都唔會去到呢步
但係而家個個一落黎就要人援助,真係醜字都唔識寫,面皮成尺厚
為下一代都冇錯,就係唔應該有下一代,
窮又要唔做野,你比到d咩野下一代?不如唔好生啦

根本一個地方政府優先照顧本地永久居民係好正常好合理,
係香港先咁奇怪會有人認為本地人無得食都要俾新移民食先。

冇言論自由就唔會比d新移民嘈,一句叫佢返屋企訓啦
打份工都未必有雙糧,仲要ot o到死,拎綜緩既就有雙糧
冇得拎個d又要出黎嘈話要每人同金額既錢?
冇話唔得架,只係合唔合理遮,咁合理就唔會咁多人都講
"新移民又要拎錢,唔係嘛"
比人仇視係好應該檢討下囉,人又唔會冇啦啦仇視你既
你合資格有錢拎,唔合就冇,就係咁簡單
每個措施都係幫唔同既人,點都唔會樣樣都剩係幫你既

澳門真係向非永久居民都派錢bor （不過少d）

佢上年夠話253億赤字
結果咪...

就正如一個例子

野草生命力點解咁強
一就係因為佢係惡劣環境底下生存
亦因為佢唔係路上當眼處，無人會想拔走佢

但係當野草日日都有人施把淋水，佢一日一日咁變得大棵，佔左行人路，第一時間就會俾人除左，重生存到咩?

派錢、綜援都係一樣，過多既協助
一. 佢地無自力更生既勇氣
二. 佢地只會成為其他人既眼中釘，拔之而後快，到頭來幫佢變害佢

正如我自己家庭，挨過窮，就算依家收入多左，4個人家用都係得2萬左右(阿爸9千、自己5千、細佬5千)，
供樓已經去成9千，1萬我地都用到開開心心

我有時會奇怪好多家用比我多既家庭點解話唔夠錢用
無他既，
做阿爸既酒啦、煙啦
做阿媽既打牌，人老珠黃重要身光項靚咁
做仔女既iphone、ipod、ipad啦
咁4、5萬一個月都唔夠你洗

[ 本帖最後由 ch_lycab 於 2011-3-4 12:47 AM 編輯 ]

第一  好明顯見到你有好強既stereotype對新移民...
再者你當香港入境處廢嫁?? 係人申請落黎都比

你呢D係假設性既極端例子....明白未?


第二 我唔知 "咁出trip黎香港做野到時又嘈埋一份?咁黎香港旅遊消費既旅客又促進經濟，駛唔駛攞埋一份?"
呢兩類人同新移民有咩共通點或有關...
新移民係有香港身份証而同香港有關既人,同我地一樣都可以叫香港人,同好多上一代既父母一樣永久居民既身份都係住到七年,只係佢地未住到七年,未有三星住...同"出trip黎香港" "旅遊消費既旅客"有咩關係,根本不可混為一談
而菲傭係叫拎工作簽証來作張期工作,一世都冇三星,佢唔做係要返國嫁
你D 反例根本就不可混為一談

第三  唔係咩感性...呢D可以叫做基本的人性
依你的管理綜援,生果金都可以廢,你咁樣叫分化緊香港人,有三星同冇三星
好似你說"咁樣永久居民既身份要黎做咩，我放棄佢攞完"綠卡"再過黎做野啦"
澳門派左錢幾次,你又唔去做澳門永久居民??


我只係希望香港人唔好人冇我有心態...新移民都要生活
做人逆地而處,有返D基本的同理心!!

[ 本帖最後由 mauchingc 於 2011-3-4 03:47 AM 編輯 ]

我認係有D咁既人,但自力更新既新移民呢...
唔可以以偏大概全,依家係派糖啊...我地自己拎左都唔好沒殺人地機會啊
損人而不利己...

冇人咁樣認為本地人無得食都要俾新移民食先!!!
但係你拎左就唔好沒殺新移民既機會

你既例子令我諗起上星期既 "星期日檔案", 佢係裡面訪問咗兩個單親赤貧家庭...


第一個家庭阿媽係老人院做, 堅持自力更新唔領公援, 返工寕願行路慳五蚊 (佢話當晨運), 而個肥仔成日因為零用有限而要作出選擇, 去 Seven 買撈麵食就冇 $ 搭車要行 45min 返屋企, 為咗慳錢行哂全區揾最平旦撻食, 但從中發掘樂趣好樂天好開心...

第二個家庭領公援, 但說話行間埋怨政府對佢地資源唔夠, 個女努力讀書只為 "獎學金", 係鏡頭前成日一副 Sad 樣亳不快樂, 又說想有部鋼琴, 母親希望政府會幫佢云云...


乜野父母就會出乜野孩子, 成人日日埋怨希望不勞而獲, 孩子亦只會對父母需索, 相反父母堅持自力更生, 子女亦會被感染學會利用有限資源解決問題及得到最大回報, 更易於生活中得到滿足感 & 成功感, 令自己人生變得積極 (睇住個肥仔感覺就似睇緊兒時既自己)~


星期日檔案 2011-02-27 - 貧窮線下的孩子... http://mytv.tvb.com/news/sundayreport/116244#page-1

[ 本帖最後由 twinsa 於 2011-3-4 02:11 AM 編輯 ]