因小弟在北京工作, 尋日好似聽到新聞講 .... 不過馬上被cutted ....上網都 block ....  VPN都無 ....有無ching 可以 update 一下 ..感激,感激

塗 vs 郁文大舊...........not a news la

根據我睇左討論區好多師兄貼文，歸納如下：
亂吠癲狗同冇腦大舊話搞集思會，請左幾百個街坊，即場數臭黨内對手，然後話退黨。
有說幾百個街坊只有百幾個係癲狗忠實支持者，其餘是被號召唔知未乜來的，多數係西九同新界西的。
中間講到好多恩恩怨怨，youtube大把link，我都無心機睇嗮，總之對毓民無嗮希望，絕對唔會再投票比呢种人。

郁文大舊退黨另組新黨為的是狙擊民主黨

有名你叫, 癲狗自然會亂吠. 而我對呢隻狗係垃圾堆既作用都只係想佢到時到侯會吠. 從來冇其他野會要求同想佢會做到出來.

thank you ching ! agreed !!!

我覺得啦, 大家唔同政見係好平常的事, 做乜要講到狙擊唔狙擊呢?
等於我係 nike, 人地係adid, 我唔通sell自己要sell到話adid d 鞋好唔得, 大家買我o個d, 而唔係應該只focus自己有幾咁好, 大家多d支持? 咁如果出來結果佢地輸o左, 又會唔會認輸, 定係keep住話市民"被騙"了?

ps: 真心想睇到時有幾多人投佢票

如果有機會既, 就睇返今既既亞視新聞啦. 有長毛, 大舊, 阿牛 既interview...

唔該鬼爺,不過啱啱先收工返到屋企, 而家亞視播緊"我和春天有個約會" .....希望聽朝仲有得睇啦....不過都係8掛下啫,而家嘅社記己經唔關我事

唔使阿爺出手就自爆, 唔同係有人出"反間計"?
唉, 民主黨, 社民聯, 公民黨...不是招安, 就是內鬨....睇黎香港既所謂民主發展, 最後下場都係同水滸72路好漢一輪樣

香港人所謂o既文主就係你聽講就叫文主,你唔聽我過講就....

我覺得全件事陶生串得癲狗佢地應一應果句係 : 何必做d 事出黎令到親者痛, 仇者快呢... 呢d 先係有理性既人講野 ma~

香港人很多也只看表面 不求甚解 犬儒
也許根本就不配有民主 不過是葉公好龍罷了

我從來都唔覺癲狗係為左香港民主出力, 佢只係靠民主而不斷撈油水, 做電台如是,選議員如是.
佢知道左派既鉄票係冇得諗的, 民主派既票係得咁多,佢要生存只可以攞民主派其他同路人既票 (人地當佢係,佢唔知有冇當人地係). 當日選立法會搶毛auntie票,今日搶民主黨既票,同一道理.

當日佢衰左,自己要落台就捧阿陶上位,諗住自己垂簾聽政. 唔滿意佢唔聽話,又再捧阿哥, 一次又一次想推番黨領導層換自己既愛將上台. 咁似當年鄧小平捧胡趙上位, 自己幕後話事, 二人唔聽話,就捧江李上台.

我就不忿係咁多八十後被尼條政棍教壞晒.

連 "長毛" 做咗反對派咁耐, 都認為單野有問題, 所以冇跟癲狗過檔~

可憐 "大舊" 傻下傻下一味死跟, 仲話唔認識長毛 (政見分歧就連朋友都冇得做~?), 佢好似已經唔記得自己d 鐵票係荃灣 / 葵青區公公婆婆, 今次搞一搞下屆都唔知仲有乜人會投佢...

大舊就畢嬲都傻下傻下, 而且氣度窄脾氣差, 簡單d講iq低eq更低,佢都唔係第一次因為政見分歧就連朋友都冇得做,  佢係質素只係適合做區議員, 立法會議員就差d啦!

(當然立法會入面就有更多比佢更差既"議員")

陳廢孽只係莽夫一個，成事不足，敗事有餘，親眼見佢排解一單糾紛，結果係一拍三散，三輸局面，面懵懵走人，正廢柴 ，臨老黐埋癲狗長毛堆，學人扮激進，扮大聲，畫虎不成，十足一條跟尾狗，後悔當年投佢一票

由一開始 "黃大聲" 係電台就只是得把聲嘩眾取寵, 不停話呢個唔好那個唔得學人民主.
民主係要爭取但唔係好似佢咁鬧出o黎, 用破壞的手法攪出o黎, 只係利用人民的不滿
提高自己知名度, 佢有無做過d有益有建設性的事? 真係十指可數.
另外"陳莽夫" 就仲衰, 人大無腦乜都唔識真係無乜好講, 可以做到議員, 只能說好彩.
而佢兩個因為有不同的意見不能包容, 就連佢地自己一手創辦的黨攪到四分五裂,
走之餘仲要唱衰人地, 講真佢都係高層成員之一, 攪到咁好似所有問題都係在其他人的身上,
一言堂至此仲利害過中共, 民主在佢心中係工具定係目標?
下一次立會選舉時真希望有選票在手的各位, 真要小心去選擇一下.
上一次補選時, 選擇投白票時給人笑是"白票(痴)仔"時真慶幸自己並沒有投給這的人.

你記錯 la~ 癲狗係未選倒入垃圾局時講野好動聽 ga~

乜鬼民主光譜好闊, 同一件事大家可以有不同意見, 只要大家都係為爭取民主就可以企埋一齊...

但當選倒後態度開始改變, 行為越黎就越霸道, 不同政見一定俾佢係節目數到臭, 最正係條友專攪自己友, 鬧民主派 & 公民黨最是落力, 成日講痛心民主派唔團結, 但佢所講既團結只係聽哂佢指揮, 要奉佢為大... 就算係佢一手提拔出黎陶生, 唔聽佢指揮一樣搵人掃佢場...