年青人 : 我要買樓 !
政府: 「新一代太急進買樓，不應以買樓為人生目標」
年青人 : 我要公屋 !
政府 : 「有能力的大學生或年輕人不應霸佔公屋或以申請公屋為人生目標」
年青人 : 我要居屋 !
政府 : 「居屋的歷史任務已經完成」
年青人 : 我要夾屋 !
政府 : 「夾屋破壞房地產市場供求」
年青人 : 我要打份好工 !
政府 : 「年青人不要心頭太高, 要捱得苦, 累積經驗最重要」
年青人 : 我要創業 !
政府: 「年青人不要好高騖遠, 要腳踏實地」
年青人 : 咁我做小販算 ...
政府: 「香港市容整潔很重要, 不準做小販」
年青人 : 咁我去掃街囉 ...
政府: 「年青人不求上進, 毫無理想」

年青人 : 我去死算啦咁!!!!!
政府:「骨灰龕位 供不應求」

自己係90後
我覺得香港人將80後90後等等既字
變相係一個貶義詞
有咩衰野都係推哂落呢d度
做乜都會俾人反

政府已經成為左香港人第一投訴對象
無錯, 政府做左好多錯野
但係唔等於所有錯野都係政府搞出黎架嘛....

一唔满意就政府乜政府物
淨係怨天尤人, 咁自己又做過d乜呢...??

得你自己對號入座.......第一.邊隻字係用黎怨天怨政府? 我就當段野係新聞回顧咁睇,只係你睇到d對話係負面炸wo,
第二.雖然成段野copy自uwants,但我記得d對話 只係來自舊年政府宣傳叫市民俾意見,年青人講左自己想法,跟住又有政客回應而已
第三.80,90後都有好多努力上進,勤奮工作ga人.......就算佢地出黎俾意見.....作為批評ga你都係可以講句"淨係怨天尤人, 你自己又做過d乜??"
所以佢地ga訴求係咪完全廢話呢?我唔認為係囉

唔好話80後, 90後
60後-70後, 邊個唔係靠老豆/靠自已/ 靠馬會?
政府同你好熟咩?(政府同誠哥就好熟!)
要靠政府, 攞綜援啦!

中五0分: 我要讀中六 !
政府: 「0分讀不到中六，你可以用其他途徑，如ive」
中五0分: 我無錢，你借比我？
政府: 「你可以選擇半工讀」
中五0分: 得0分，無學歷，無人請………
政府: 「無學歷，就要讀書，唔可以做雙失青年等人養」

點講都係$$$$$$$$$$$
(其實有好多問題都唔係政府可以解決)
(不如政府衰仔D講句：lee 個問題我地解決唔到)

[ 本帖最後由 Z-Destiny 於 2010-12-28 12:41 AM 編輯 ]

其實60後70後邊度有怨天尤人架？邊度會話要同政府對話求D乜野架？
當時既政府亦都唔會回應或者徵求意見話要乜，
想要乜？自己爭取咯！嘈咩姐？60-70後果 D個個都係唔洗挨就成功的？無經過而加80-90後經歷緊的階段？
所以我地果代人，成功果班無邊個係怨天尤人而成功，而係因爲肯拼博肯挨苦肯用腦。

我朋友之中都仲有兩三個係60-70後而怨乜怨物的，
一個係老豆有樓收租，自己做親份份工都唔長。
一個係吹水好叻，做野好差，懶散，樣樣野都有得賴，非常瀉膊。
總之，就係缺乏埋頭苦幹的精神，缺乏承擔，同對成功的遠見，有野賴得就賴。
樓主，你認同甘樣怨係有用咩？甘就繼續啦!

就算係新聞回顧就唔可以睇到負面野, 有d怪

你話我對號入座, 可能你都講得岩架
的確一睇以上對話, 點睇都係諷刺政府, 得個卸同無能
但同時我即刻諗起d人淨係識靠政府, 想政府做d野黎幫佢
其實想同政府講訴求?? 你有社會地位, 你係李X誠你咪有得講law

其實我想話, 我地唔應該乜都靠政府
與其同佢糾纏, 不如自己努力d去捱
唔駛捱有得食就唔係香港啦

你話我一樣會批評努力上進,勤奮工作ge人, "怨天尤人, 自己又做過乜?"
何以見得呢?? 我從來無咁講過喎, "努力上進,勤奮工作" 同" 自己又做過乜?", 以經有contradiction la
樓主你係咪諗多左??
我告你誹謗架  (講笑...)

討論討論, 別變罵戰.....

如何在現今社會生存?

由30到90後, 大家都生存緊架, 生存唔到咩?

邊個唔係要自力更生, 邊個唔係經歷失敗挫折去打拚架? 除左含金鎖匙出世果 D . . 邊個唔想一步登天, 我都知阿媽係女人.

十幾二十年前嘅環境好過而家? 以前有樓嘅人多過而家? 以前從來未聽過大學生一畢業就有樓住, 同屋企人住好無面 ?

政府福利好過而家咩?

我睇見果 d 港孩早排係倫敦滯留果種 形容嘅 "慘況" 已經收到 . . .加上d老豆媽媽果種無理取鬧, 政府又同佢癲話派包機果 D做法真係 . .. 世界變 . . .做就而家少部份 80-90後 . . .

無野架, 你有你怨, 你有你繼續碌地沙, 吐口水, 賴地硬囉, 你可以呀政府唔餵埋飯比你食嘅, 你有你自由, nevermind . .

其他有上進心, 肯面對困境, 逆境自強果 D, 就扒晒你地頭, 得到佢地苦盡甘來嘅獎賞囉, 所以點解我地可以見到一d 類似深水步赤貧戶, 每每見品學兼優果種年青人出現丫? 政府照起晒佢地 ?  

咪玩啦, 自己都未係呢個社會有貢獻就一味搵好處, 好野 !! 呢個世界原來有free lunch !

[ 本帖最後由 tailoxxx 於 2010-12-28 01:52 AM 編輯 ]

你明我意思就好了.....我都費事再回其他人la~
有d人一見"80","90"哩兩個number就要開destroy mode狂插...真係無事生非.....

句句 都係 我要!!
政府係你阿媽 老奉要俾你
俾左稅果 D 人享受唔到唔洗交稅拎綜援果 D人 d福利
e個先好笑..
早前睇新聞 有個拎綜援既 話唔夠洗 去個旅行都唔得..
我@#$%^9你 我地ed做地隻狗咁都冇錢去 你話你要去!?
上腦丫???句句都話要要要 俾條毛你就岩

講得好~!  

人係有適應能力架,唔係要社會去適應你,呢個世界係弱肉強食架喇,咩都要靠自己架喇,關政府咩事阿,總有辦法生存既,唔好灰心,努力向前進吧

PS : 最緊要記住,已經輪到你去養父母啦,你已經唔係小朋友啦

[ 本帖最後由 Figuration 於 2010-12-28 07:50 AM 編輯 ]

小朋友，甘快就發晦氣拿？講D你唔岩聼的說話，唔係插你，係為你好，想導你入正軌，想你知道個個人都要發奮，唔係乜都靠嘈。

你經歷的階段，個個老餅都經歷過，怨下咪算咯！明天還是要繼續呀！

想老點你害你就簡單啦，附和你話：“係啦，政府要比多D乜乜物物！”

你句 "附和" 咁似某社團既囗號... 係某 "政黨" 囗號先啱...

講真，今日香港的條件感覺真係唔同，我細個時都仲有好多機會，仲有工廠暑期工做，當時你生存唔到就必定係你個人有問題，唔駛多講．

但今日未必係半斤足八兩，要比起當年更多付出，但唔止生存在香港的你，全世界去到邊都係一樣．

另今天的官商勾結實在嚴重，唔係話舊時無，不過比較少賺到盡，食到低．

係咪“你啅人”果個？？

我會用另一角度去睇

點解以前唔會有呢d聲音:
因為以前"殖民地". 政府既角色係為"主權國"行先. 當地民生為後. 而市民亦清楚政府既方向.

回歸之後. 政府既角色開始轉變, "自主權"多左, 市民既公民意識亦增加左好多. 對自己既權利亦同時增加左. 相對地對政府既表現水平要求亦提高左好多. 可以講係市民開始明白"政府/國家"係人民既, 而唔係中國千年歷史中, 國家人民係"君主"既所有物, 任何政策, 只要係由上而下, 所有都要逆來順受.

亦可以講, 依家既80, 90後. 同上兩三代既香港人唔同. 上兩三代既, 大部份都係由"外地"既移民, 好多都係因為2次大戰或者國共之後先來香港. 可以講佢地/佢地父母既根原先唔係香港, 到左依家既80, 90後, 就開發變成真真正正連父母都係土生土長既香港人. 再加上佢地有已上兩三代冇既公民教育, 自然令對80, 90後香港既歸屬感, 對政府既角色同上幾代唔同.

講到底, 核心問題就係 "政府既角色係咩?" 係人民既反映, 定係管治者既集團

"另今天的官商勾結實在嚴重，唔係話舊時無，不過比較少賺到盡，食到低．"...
簡單至極.. 因為香港既"股市", 上市公司既股價係就盈利既直接反映. "為股東作出最大利益" 可以講係上市公司吸引投資者既最有效方針.

不要問國家為你們做些什麼；要問你們能為國家做些什麼 – 甘迺迪總統