全盒超過一百件, 跳樓貨只賣$58, 兩支Jet engine蹤切分成四塊, 要黐返埋一碌有好多位都對唔準要修正, 仲有D夾口o係正detial中間, 將會好難搞下.
左邊引擎算係搞掂, 仲係有D高低級, 對唔o岩位的只是拉上補下, 唔多覺就算.
唔打算改內部...同埋可能唔會要隻人仔, 因為太樣衰
塊擋風玻璃只係一塊pre-cut透明片, 要掘起佢黎set, 經過風筒同介刀處理, 可以就咁拍入去定位, 我諗緊上完色可以用 女人黐假眼睫毛既膠水黎黐, 好處係水溶性, 仲要係乾左之後先黐, 即係乾後變成雙面膠紙一樣, 唔怕黐錯黐衰。
括分模線....呢度只係三分一...
呢個位完全唔fit, 個扣都同電影唔同, 應該駁去前面, 唔係扣去側邊
假組度好長度, 改成咁, 之前果個玩具feel既扣好明顯係起模前最後一秒改動, 一係就係整錯左.., 因為其他位D件, 改完後係fit的
每隔兩吋就有一個呢D注口
雕走了
跟住成條兩邊都有分模線, 試過刀+沙紙, 搞唔掂, 後來諗到蝕刻鋸, o岩o岩好入到, 好似罐頭刀咁一行行打圈介, 容易左, 但係都搞好耐
噴底色, 主要係有甩青既部份, 噴住一部份先, 一次過噴晒底色的話好悶...依家噴下又mask下咁...
mask鐵色線同黑鐵色線, 等後來會多D層次
用牙簽半乾時搽masking sol R 做甩青, 少少算, 之後會手塗其餘甩青(非金屬色為主, 少少金屬色o係零碎地方)
再噴灰之後入袋, 個袋就唔會黐到D masking, 同埋甩青會3D一點
今日噴三隻色, 黃、紅、藍
黃: 黃+木啡+白+少少紅
紅: 紅+木啡+黑+白
藍: 藍+白, 對返水貼既藍色來溝
黃色上面貼埋水貼, 聽日噴層啞光就可以起甩青, 再mask上其他色
好耐無用水貼, 生疏晒, 彎位搞好耐, 影呢張相時仲等緊Mark softer起作用
edit: 朝早起身, D水貼起晒白邊, 即係膠水無晒, 用白膠漿開水滲入去, 希望OK
一上完topcoat, 水貼竟然起皺...點會咁架
1. 用太多mark softer?
2. 用左白膠漿?
3. 未乾有水份?
4. 水貼品質問題?
嬲嬲地想浸thinner洗晒佢, 不過睇真D, 好在只係透明部份出事, 印左藍色既位置完全冇事, 拎把介刀沿住邊介走晒D皺皮
補返D色, 再topcoat之後就係咁, 如何? 要唔要洗晒佢? 之後果 D水貼我老虎蟹都飛晒邊先, 盡量唔用marksofter...等乾晒先topcoat
其餘件拆mask, D甩青效果出到"先後"感, 不過分佈上無說服力, 要之後再畫D野, 加D方向性之類..
再mask
噴左兩隻金屬色, 外層既Steel同內層既Iron, 另外加多一條黃色線o係藍色後面, 跟返設定..
刮花都可以扮甩青黎補救, masking漏油就接受唔到喇, 好彩得少少, 用打磨膏捽走, 後期可能會用呢個方法黎帶出D details
試下效果
用左幾種唔同既色噴D喉
銅+黑, 聽日再加多隻金+黑
再mask
成塊起. 正呀
DIY左呢一件設定冇 但劇情上有既part...
所以只係左邊有, 劇情需要掛
呢D parts上晒三、四隻色...之後開始整架車仔
唉, 水貼又玩野, 起泡泡, 又要再飛邊, 好彩未上topcoat, 飛完邊, 用舊六合彩介左D templates, 摭住拉花再噴返銀色上去...依家只係遠睇唔覺. 行近少少睇都好覺. 最後舊化睇下點樣又再摭一摭佢(我都明舊化唔係用黎摭醜既, 但無計喇.)
[
本帖最後由 大佬John 於 2010-12-27 06:52 PM 編輯 ]
分享
