咁岩另外一個post講開童年陰影

突然想睇下大家有咩唔同類型既童年陰影(定系無?)

老規矩, 先自爆
我細細個試過搭扶手電梯, 隻手扶住右邊條膠, d手指就沿住條膠邊咁"涉"系底
點知唔知系靜電定咩原因, 扶扶下痛左一下, 好似比針結咁
之後每次搭扶手電梯我都會攤大手板, 淨系用掌心扶
依家諗番起只右手都發一發麻, 打左個冷震


其實單野已經有10年以上, 只系成日都要搭扶手電梯, 搞到我不時都會renew番d記憶
久而久之攤大手板唔緊握扶手已經成左我既習慣

其實我仲有1,2個嚴重d既童年陰影 ga
等大家都講下先我先再爆

比較深刻ｄ既陰影有兩個：

(i) 小時候１家４口游水，我同家人走失左，一個人行到深池既時候，個水泡同時間漏氣，成個人沉左落水，好記得期間比個肥婆對胸重擊撞左野 ........接著就比個阿婆救番 ........事後到左小5至敢游番水     [依家係好熱愛游水的 ]


(ii) 小學五年班既時候, 有次小息比個小一既小學雞老屈我偷間尺 (因為當時我手上有一模一樣既間尺), 當時既老師又信哂個小一........之後當時既我就喊咁口搵班主任出頭, 最後件事當然係和平解決吧

[ 至從依件事之後, 到依家既我睇任何一件事, 未攪清楚都唔會亂咁下定論 因為自己都係過來人, 比人屈既感覺, 絕對唔好受 ]

[ 本帖最後由 龍千影 於 2010-7-4 10:36 PM 編輯 ]

最有印象都係尼單:
我當年(二十幾年前)有日踏單車的時候比十幾個飛仔圍  
結果我就攪到而家咁神神化
尼 d野真係會成為童年陰影架
我到而家仲好恨果班人,恨不得將佢地   
因為佢地攪到我的童年

不過因為佢地我至無做問題少年,安全過渡反叛期
但係代價好似大左dd

當年冇錢買玩具算唔算~~?

咁啱嘅！x2！ ...

....我試過以為人地偷我把間尺不過都冇野

筆刀刀頭插左人手
聯左四針
之後就唔敢再用

好恐佈！ ...

我有單同你好似......
小學4,5年級個陣去郊野公園玩, d大人叫我同細妹去裝d水番黎, 我就拎左個桶去
裝完返番去個陣想第一個番到去 所以係咁跑
點知p左一獲大k, 撞左落舊石到
舊石又咁岩尖尖地, 界開左我條牛仔褲, 仲界傷埋大比, 流左好多血
當時望住條褲咁多血嚇親
自此之後就唔著唔買牛仔褲, 到依家都係

門夾手指,碌落樓梯,頭撞椅角

我細個時本來好鍾意食一味「食送」：洋蔥雲耳勝瓜炒牛肉，阿媽每次煮我都會好開胃.......

但有一次食完後病左，係喉嚨發炎，我細個時粒喉核比同齡的其他人較大，好易有喉嚨發炎，所以其實唔關食完果味「食送」的事，但心裡就成日形住食到病左，搞到以後見到果味「洋蔥雲耳勝瓜炒牛肉」就有ｄ驚......  
曾經嘗試去再食返，但入口已經完全唔覺得好食，直情有唔想食的感覺........  

雖然我 ed 唔係同年陰影, 因為係上年發生....
個親戚老婆(佢唔係我親戚, 自己估下咩 relationship)走去買大半條生三文魚食魚生,佢用 Beer 洗魚生, 味道勁難入口, 到家下我係唔感食生日本野

1)小學既時候同 同學去沙灘之後比d飛仔蝦,屈完我都請野飲之後重搶左我條屋企鎖匙,比佢地打左一身先肯比番條鎖匙我....
升左上中學之後重要發現佢同我讀埋同一間...

有冇報仇!??

以前屋企家境差 果時仲係好多小學係半日制
每日12點放學之後 番到屋企食完飯阿媽就會出去番工
2~3 點我就會被佢鎖係又黑又細GE 屋企(無錯真係黑 因為光管都無 係用D 淡黃色果 D 燈泡)
我就得我喊幾奈喊幾大聲都無人理我
因為屋企同D 鄰居無交流 所以鄰居都無人理我
直到7~8 點老豆先番
我都吳記得感樣比人鎮係屋企兩年定三年
雖然而家大左無咩真係驚或者面對吳倒
不過我自己係屋企無論我睇吳睇一定要開電視一定要有聲
特別係如果訓醒發覺屋企人出哂去無人係屋企我一定即刻開燈開電視

無啦 廢事搞咁多野

1. 細個時,唔記得咩事扭親隻腳,痛到想爆粗-.- 我寧願扭親隻手,唔願扭親腳

2. 被 兇手男同學+玩具主人W冤枉, 縮骨棒(玩具)係兇手男同學玩玩玩,唔小心用太大力劈斷左.因我在場,睇佢玩玩,一見佢劈斷就"啊!!(指佢)"
跟住佢叫我收聲,我同佢都知W係麻煩的女生(但W同我識左13年). 突然 主人冒出黎,一眼見到 已經劈斷左的棒子,就發火吼"邊個整爛!?" 我想講真相,點知兇手 好快手指住我啊-0- 主人竟然...信佢...仲罵我tim, 我被冤枉就一路喊一路「唔係我牙!係佢!x!」...結果點樣我唔記得=3=

3. 某年學校籃球比賽,當時係男子組休場中,我坐係 紀錄入球d人個度(有枱嘛), 我隻手趴係張枱,hea ing...負責球證的W(都係佢啦)行過黎,諗住向我講某球員(學弟)的壞話,佢手上有旗子呢. 點知佢講到好激動,拎起支旗子(支棒係好硬竹竿造的),錯係佢隻眼盲左,睇唔到我隻手係度, 佢仲好鬼大力拍下去...好大聲「啪」, 我隻右手背中招, 一中即大叫「呀!!!!」 秒哭了@.@ 隻手紅腫...跟住 W發現自己大鑊...我去第2度敷冰ING...點知W好驚我唔原諒佢,因為佢啪得好大力~ 我行番去,見W,因等佢講SORRY...一見佢就呆,佢都哭左0.0(W佢唔會咁易哭,真係少見佢哭) 一路哭一路Say SORRY... 真係...-_- 畢竟我同W識了13年,做了13年同學. 最後原諒了佢啦=_=

3. 又係W的事A_A  記得當時係初中時+英文堂, 佢拎我把間尺整爛左...而且呢把間尺唔會再有得買....最後都係放過佢  

4. 仲有咩....!有啦! 我細個時患病一場,因為我一直飲慣藥水,極少食藥丸. 但個陣我病好嚴重,SO有藥丸,我記得呢隻綠色係膠囊(?? 可以打開,裡面係粉)...我食完飯後,食佢...飲水....過幾秒就...嘔吐....食飯D野都嘔哂出黎0.0'''仲見到粟米粒喵 有異味XD  嘔得好辛苦,好暈...因呢粒藥真係好恐怖,下次食佢我都唔肯食,放棄左呢隻丸XD  仲諗住以後睇醫生時,唔要丸食~   現家呢...我食咩藥都冇所謂@.@ 真係有問題我XD



5.唔見左媽媽<-- 試過一次,細個時,大哭到路人見到幫我手,帶我去本商場的詢問處(?)等媽媽.好記得有人送1個蘋果我啵XD...
SO E+私我好驚媽媽偷偷走了(明我講咩啦!唔想失去她)

冇啦-3-

[ 本帖最後由 黑曜命 於 2010-7-5 07:03 PM 編輯 ]

窮！細個家景唔好。夏天，對面食西瓜，好香，幾兄弟圍住鐵閘索西瓜味，對面分咗半節比我地，父母推唔甩，幾兄弟好開心。過咗兩年，再諗番，好唔開心。
而家，好鍾意食西瓜。

扭親隻腳都算係童年陰影