咁同模型友聊天室有乜分別?

事由小弟貼政治新聞被指當大家係政治工具...
擔心小弟之前貼的其他新聞(模型無關)亦會被責怪
e.g.
俄女模空中「爆奶」索賠10萬  
成龍大哥預料AC米蘭或巴塞隆納捧世界杯
看中經濟發展 日女愛嫁中國男
富貴家長寵出難頂港孩
黑市一條龍 養人賣器官 內地傳媒揭地下產業鏈
(仲有好多) http://www.hkml.net/Discuz/my.php?item=threads&page=1

此post為討論事, 睇下大家既睇法, 請勿在此攻擊任何人

[ 本帖最後由 fourson 於 2010-7-2 11:19 AM 編輯 ]

放心啦，我支持你渦，你貼的東西有内容，我都學左好多野，要多謝番你添！

不過有時有Ｄ題目比較富爭議性，有Ｄ人心胸狹窄、小氣，受唔到姐，你都唔洗太介意，繼續啦！大家講道理姐！

想請問你 post 左咁多, 有無人唔比你發表?? 如果無而你又支持自由發表既話, 咁我就唔明你有乜野好擔心 你有權講, 人地亦有權講
有人出post 系想吸納不同意見, 有人出post只系想搵同聲同氣既吹水, 開個 private party, 所謂家家有求  如果你既post 真系被指系"政治工具", 呢個只不過系人地既睇法, 未必系真既, 但亦唔系你話唔系就唔系, 系唔系當然要你本人最清楚, 不過從你所post 既有一點可以肯定既就系你既政治立場

反而你開頭果句 "(請理性討論)", 呢句好, 希望參與討論既都可以做得到

呢度都應該有國內同好o黎參觀的，如果太多政治話題，可能會被"牆"了；
凡事都係惜可而止好了。

交友吹水區係用來交友,唔係交惡.
誰人在交惡?常常執著別人的一詞半句來咬著人唔放,又或者曲解別人的意思,又或者吃花心插把嘴(從來沒有立場地說對方相反意見)等等,明事理的人是看到的.
個人對樓主的貼POST表示支持.

Agree with you~

你打個牆字都有何能被qiang

公說公有理，婆說婆有理！兩位都有道理
但如果我無gas錯佢想禁post嘅意思，係唔想
因為政治問題嘈，而令到一些網友意見分其。
不過佢禁post要人支持都幾前後矛盾嘅！

ps:我都有係佢個post揮手，唔係支持佢禁post，
只係覺得大家都因為模型先有綠份係呢個網站一齊啫...
我支持只係大家師兄都係模型發燒友，唔想甘易嘈交！


一樣米養百樣人，一定有其他地方會有分其~

講真小弟都真係有唔著,
我都會檢討,日後理性d同克制d

其實迥避談論 d 敏感政治時事問題是毫無必要且十分幼稚的做法, 只讓其他人覺得喜砌模型的人像個十足十不問世事永遠活在玩具世界長不大的小宅男一樣.

你都幾河蟹 ~

公共事務加價要經行會通過呢D就係政治,領滙商場瘋狂加租都係因為立會通過出售公屋商場呢D又係政治,有好多民生問題係立會比功能組別否決呢D又係政治,日元咁高搞到買副模型都咁貴,係美國係背後搞鬼呢D又係政治,政治日日都係影響緊你同我,話要同政治劃清界線只係自欺欺人,唔肯面對現實

係啦, 如果唔係香港地地產商惡晒(有高官又有功能組別關照),
咁d模型鋪就唔使挨貴租,
咁d模型都可以平d,
就算唔係平d, 執少幾間等我地多d選擇都好丫,
而家好多老闆都只係幫緊地產商打工

[ 本帖最後由 fourson 於 2010-7-2 03:03 PM 編輯 ]

支持 fourson

前幾我在大陸上過, 仲未被河蟹
如果咁樣自我審查咁咪正中下懷了嗎
唔通為左北韓的人民可以睇真直播
叫葡萄牙唔好入7粒, 仲要倒輸比北韓咩?
我唔係話同胞的參興唔重要,
而係咁樣去自我審查,去扼殺自己的言論空間的做法係錯囉

所以政治無論大大小小都會影響到每個人,最好例子就係每年施政報告財政預算案都由特區官員製訂出黎,你唔好話比我知特區官員唔係政治人物,好多人都只想做一隻鴕鳥,以為不聞政治就可以獨善其身

X2


絕對支持
我相信有人唔鐘意你既post 係因為你既post不時變左對罵, 而唔係因為你個post講政治
下次你對持反對意見既人唔好語氣咁差, 相信大家會相處得好好多

大佬，人地開個網站講模型，又有咁多商戶用家......你同我唔洗靠自由行就無問題o庶。
個個都有骨氣就唔洗有轉呔啦？

討論乜嘢話題唔係問題，但要做到成熟同理性先係重點，如果唔係搞到郁d都要自動擺個『不喜勿入』响門口，變相係小圈子論政，互相附和，咁論嚟有乜意思 ，試想一下如果個個post都不喜勿入，久而久之，黨派門戶o既標籤，好快就出現，而家大家都唔多唔少見到d啦。如果位位c hing都可以响論政post抝到面紅耳熱之後，轉頭又能夠有足夠o胸襟响成品區/製作區互相支持鼓勵，欣賞交流的話，咁就真係無得頂啦 ，但如果搞到某人的作品我唔回，某人的提問我唔教，咁就唔係當初成立呢個科林o既目的啦......

[ 本帖最後由 機動老鬼 於 2010-7-3 11:08 AM 編輯 ]