壹比柒拾貳,己十四起貳.
---------------------
本帖並不是教學甚麼技巧.只是想舉出一些小步驟供參考和引發大家思考.
因為我相信打磨、刻線、上色水平高的人大有人在.
---------------------
盒面
唔寫咁多,開工.....
(真係一隻字都唔寫) 
打磨:
須然打磨頂針步驟可以唔理,但對後來製作會起到一定幫助.
一盒 1/72 F-14 的打磨作業有不少.未正式製作前我用 marker 在一些要打磨頂針的位置上落個記號,好等大家能夠見到需要打磨的位置.
黑色填滿咗o既位係代表要打磨走o既頂針印(凸出),
黑色無填滿 or 用鉛筆鈎出邊界係代表要補畢地,再打磨既頂針印(凹入).
同一張相內,你見到有兩件或以上的相同膠件出現時,其中一件就係加工咗,作比較.
================================
整整下又寫咗咁多字....
好喇....完成曬 d 修補同打磨就要鑽窿用作掛油缸同機肚飛彈架(如果唔諗住掛,可以完全唔鑽
)
1.外置油缸.
安照原有位置向機中央內偏離約 2mm (中心到中心) 處落鑽. 如果安照原有位置鑽孔,當裝上外置油缸後你會發覺外缸同機輪會好近同超出咗機底闊度.
2.機肚飛彈架.
今次就要跟足原有位置 marking 來鑽窿. 係照件內的 marking,唔係外面�H刻線. 因為兩者係唔同位的.
好喇....整好曬就可以黐坐艙:
3.坐艙底下的前輪艙必須要安說明書組合.一定要黐好 C15 果枝推竿先(最好上埋色).如果唔係之後就裝唔到0架喇
4.後機輪艙(組合步驟有別於書名書):
張 D20,D21 的頂針印磨掉才黐到下機身. D20和D21件的邊應該貼緊下機身.當固定後上方會留有約1mm的空間作輪艙蓋的開合邊位.
從機內看出去時,你會見到 D20 和 D21 分別與機身輪艙有空隙.這是正常的.因為 D20和D21 要保留有縣空時的彈性,當和上機身組合後.上機身自然會緊貼著 D20 和 D21件成密封.
5. 機尾加工
現時買到的 1/72 F-14A 給用家的唔會有 Part-L 而是給予 Part-K. Part-L 是供給用家製作最早期的 F-14A 模型時用. 此設計在真機上是從1982-1986年之間出現,但在1986年的upgrade後全部 F-14 已轉為了新設計.
咁點解會有 Part-L 呢?? 好簡單,我買咗呢盒平貨.
因為佢機身 d 線好 sharp~~~
...結果又有野玩~~~要自己改返機尾
下回講夾機卦
================================
本帖並不是教學甚麼技巧.只是想舉出一些小步驟供參考和引發大家思考.
因為我相信打磨、刻線、上色水平高的人大有人在.
好.未夾件前可以先為部份零件上色先. 如果可以的話盡量參考真機照片,即使是同一機號,在唔同年份都有塗裝上的改變.
1. 進氣道:
要睇你砌咩時期�H隊伍.然後選擇噴塗顏色. 噴塗空優迷彩的 F-14 其進氣道並非全白色,而是近入口處保留部份機身顏色,所以有可能請參考真機相片來製作.
今次噴塗需要遮蓋膠紙幫助.先噴上機身顏色,待乾.進行遮蓋後才噴上白色.
2. 噴塗和洗塗坐艙:
坐艙本身和機頭內部可先噴上機艙顏色.乾後可以貼上錶板水貼或以油漆加工.最後還可以深灰色來洗塗一下.
要注意係 F-14 錶板從深灰色到淺灰色都有.彈性十分之大.
3. 彈射坐椅:
盡可能參考真機彈射坐椅的顏色來塗裝.完成後可以先收起.無需要現在就黐到坐艙內.
組合:
組合零件前應嘗試假組,睇一下和周邊零件的配合. 有需要時可以加點力度來測試組合度,因為機身內部沒有支撐結構,受力後可得到少許彈性.但不可過火.
下次先寫~~~
================================
組裝:
1. 先把機身內部位置(例如:輪艙)和一些需要安裝的小零件噴上白色(有部份零件要上銀色)和其它著色步驟.
**
跳過步驟6, 安照說明書的 步驟7 組裝先.
2. 完成進氣道組裝後才安裝入下機身.此時有需要加小許力度來幫助機肚位置的對位(留意線條的位置和吻合度).落膠水前務請多嘗試幾次來掌握位置.
3. 機身和尾部組裝前:
在未組裝上下機身前,應把上機身尾部的膠料厚度打薄少許作平整.這是因為此處的料厚比尾部(K3件)的凹邊為厚.當組尾部K3件插入上下的機身時便會有一小級凸起.
4. 夾上下機身和尾部:
先夾好左右兩邊機頭.夾機身步驟有兩種選擇...
A. 上機身+下機身; 上機尾+下機尾; 再兩者組裝.最後夾機頭
B. 上機身+上機尾; 下機身+下機尾; 再兩者組裝.最後夾機頭
選擇邊種步驟對組裝的難度並無分別.前者和說明書步驟一樣;後者可以確保線條吻合....
之後�H步驟可以跟隨說明書來處理.
最後希望大家製作時少走彎路和能夠享受製作模型的樂趣
好.... 收工.
[
本帖最後由 Arnold 於 2010-5-1 12:18 PM 編輯 ]
分享
