用超聲波清洗機黎清洗工具其實係工業上同醫學上都好常見,
其實部清洗機底部有一個振子以幾十至幾百kHz振動,
透過媒體/傳導體(例如係水或清潔劑)將振動所產生嘅高能量擊打須進行清洗嘅工具表面,
從而將油脂污漬打落到媒體中.
部清洗機個缸一般係不鏽鋼造, 倒thinner 落去係無問題, 不過就好浪費.....
所以會好似cko兄所提及般用一個較細嘅容器倒入thnner隔水震, 清洗效果相同.
用超聲波清洗機黎清洗噴鎗係好有效, 不過有幾點要提提用家!!!
第一, 超聲波振動所產生嘅高能量係唔足夠影響到噴鎗嘅焊接位,
不過就有機會影響到噴鎗表面嘅電鍍塗層.....
其實大部份嘅美術用噴鎗噴筆都係用銅製造, 再係表面電鍍上金屬鉻層用作裝飾及保護,
不同噴鎗噴筆製造商嘅金屬鉻層質量參差,
不均勻或較薄嘅金屬鉻層如果經超聲波長時間或重複擊打可能會導致金屬鉻層脫落!!!
所以我只會係噴筆塞左先會用超聲波清洗, 平時噴一兩轉thinner見清就收手了.
第二, 噴鎗噴筆嘅螺絲接合位製造商一般會添加一層高黏度嘅油脂再將零件接合,
作用係減低不完美嘅螺絲接合位漏氣嘅情况,
用超聲波清洗機黎清洗噴鎗油漆塗料嘅同時, 添加於螺絲接合位嘅這層油脂都會被清洗掉,
咁較差嘅螺絲接合位再重新接合後就有機會出現微量漏氣嘅情况, 影響噴鎗噴筆嘅操作.
第三, 超聲波清洗機始終會產生高能量, 就算用清水作傳導體,
係十至二十分鐘內便會將缸內嘅清水加熱成暖水(時間長短由振動頻率相關聯),
所以所有超聲波清洗機都設有時間制限制使用時間.
超聲波又未致於會加熱令thinner著火, 不過就有能力係短時間令thinner 揮發致充滿全房間,
咁就有火災嘅危險!! 所以加thinner進超聲波清洗機使用要多注意通風問題!!
分享
