好啦,終於動工;本來只係出一隻,成個構思係諗住出年用黎玩電擊既,不過諗吓諗吓越諗越大,算啦,做得幾多得幾多,希望今次唔好爛尾啦.
開波第一野係阿死肥仔 - 鐳射大炮 RX-77.
印象中既RX-77圓牯碌,個款頭唔夠兇悍,同成係theme唔match,所以決定將佢大改,修修身之餘亦唔會再圓秙碌.
先黎係手骨架...
RX-77既最大問題除咗肥之外就係手肘既活動性,所以二話不說,就先同佢隻手開刀.參考咗2.0骨架既三重轉動(肩下,手肘關節上,手肘關節下)同手掙180度屈曲,但因為想保留手掙位既details,所以只係做兩重轉動就算(肩下,手肘關節前)同180度屈曲就算.好,去片....
手骨架分成四份:
首先係個膞頭,本來都唔駛點改,但因為佢個底度有個八形既接合位,頂住晒做唔到第一重轉動,把鬼火一野cut咗佢,然後將膞關節fix死:
跟住係二頭肌位,就係呢個死人位卡住,令到原先既套件做唔到180度,而且原件個二頭肌位又圓又闊又短,成截東莞臘腸咁.最後用2mm膠同膠管搭過件出黎,搭既時候預長咗,跟手做甲既時候先就住個效果裁返短少少:
然後就係用補品,膠管同原子灰做多個較位等隻手可以180度屈曲.本來就咁用補品都可以,但試過好多次補品個樁柱太弱,都係做多重手續用膠管做轉子穩陣尐:
跟住就係手肘位,先將原先個接合位鑼刀完全清除,再用原子灰填滿內膽,然後用AB畢地補返個圓位出黎.而前肘重要用膠板加長4mm,下次做甲既時候先一次過update啦:
最後,出黎既效果就係咁:
分享
