因天時及人和, 有機會第二次參與, 感覺比上次rundown冇咁亂, 參與者年齡比上次比例係大咗, 收費順利咗, 影唔到大合照美中不足.
對比起上次, 今次同其他人比較易熟落d同埋唔似得好似上次咁9成幾以上係唔識嘅, 網上見面感覺唔似得真係大家面對面咁.
呢個飯局雖然係比較relax, 但係從場中作品都可以見到大家用心去對待, 有部份朋友更加係為呢個飯局去整新作品, 亦都睇到有交帶, 好似唔到又冇通知嘅得三兩個. 個人好欣賞想出席嘅朋友唔會話為睇其他作品而求其
啪張入場券出黎, 就算係未完成都睇到係有做過工夫, 亦唔會有個怕比人笑嘅心態, 得唔得唔出作品而齋睇呢.
同在場幾位朋友交談, 都會肯將一d經驗, 心得交流而唔係話冇乜特別呀, 呢度就咁整囉, 果度又咁囉係咁虛無境界嘅佛偈. 至於其中一位模型女孩嘅態度我亦都係一位好值得我或者其他人學習嘅sample. 肯嘗試, 肯踏出第一步好多時係唔容易. 好似砌車, 我連車殼都未識點處理, 而佢已經整咗架帶出黎, 有時我自己諗, 幾時晌我住嘅地方, d網友對交流嘅態度會有所改變呢? 澳門嘅版聚(到而家搞純飯局仍然未係時機, 因為多人放飛機)參加人數年年都幾飄忽, 有時十幾個, 有時三十多dd, 但係梭名就多. 其實原意都係藉著件實物交流, 討論. 我都知其實想到嘅人係好多, 但係往往過唔到心理關口, 怕自己件作品唔好比人笑, 又怕呢樣又怕果樣, 最好就唔使帶作品都可以入場就perfect嘞. 唉.......睇返香港呢邊版聚又好飯局又好, 幾時自己果邊個聚會嘅精神會稍為提昇呢? 自己唔係想要去逼大家要點要點, 因為我亦明白有人鍾意自己匿埋整, 只係我認為如果有類似嘅聚會參與者應唔應該尊重返個聚會精神? 如果因為想參加而就咁整一隻連水口都唔處理嘅, 你又咁我又咁, 好似交流水口鬥多我寧願呢批人唔到. 當然每次自己有機會參與果陣都會見到好作品, 而當中部份朋友好值得我去學習.
當晚飯局之後同十幾位參加者摸酒杯底, 都分享同聆聽好多, 亦有會後少少檢討, 當然果個時候摸酒杯底就吹水居多. 通過呢次聚會, 除咗真係有好作品欣賞之外, 亦都有好多位朋友對模型嘅態度值得我去學習, 雖然口講就話懶得就懶, 睇唔到就算, 但係從作品就可以知道大家果份尊重.
自己唔知下次有冇機會參與, 但係至少今次又比上次又識到多d有共同興趣嘅朋友.
與大家共勉.
當日自己影嘅部份作品, dc仔同埋自己唔識影, 到後尾冇電要用手機影.
PS 正樹, 記得食埋果碗飯呀, 阿LIFEAFTERDEATH果碟餸炒三次過你食但係碗飯就齋爬兩啖, 唔啱數喎, 不過我而家就真係知乜嘢叫睇飯食餸.
[
本帖最後由 ultraleo 於 2009-9-1 01:47 AM 編輯 ]
分享
