之前開過 post 問過加拿大空軍的 CF-188 有關問題, 因為砌這戰機是應老同學要求. 即刻得到好多模友熱心回答, 在此多謝一眾飛機友.  那些提供的網站好大幫助.

不過老同學給的件, 加拿大廠 1/72 Hobby Craft…….  我無能為力 , 便改用長谷川的 1/72 F-18C, 打算張 HC 的水紙套用. 這盒老長也是熱心模友送的, 在此說聲多謝.

之前已略聞此盒頗舊, 雖然對機身左右兩側的組合感失望, 但外形完成後卻又始終是長谷川, 靚!

首先發現加拿大的 CF-188 機頭左邊的圓形鏡 ( 燈? 已冇耐性看文字解說了 ) 是一大特式 ( 我靠估的 ) 便想造.

原本是鑽穿後才諗點造 “內膽”, 怎知在就鑽穿時發現那部份的膠夠厚, 變成鑽出了一個圓凹位, 正好變成 “內謄”, 錯有錯著! 厚, 不一定是壞事.

去片

..........................

...........................

之前講過這盒老長最麻煩的是兩側入氣口的組合. 由於我的製作工功夫嘛嘛, 所以決定先黐了上下分半的機身, 才黐兩側, 為了遷就近機尾的連接位, ( 因為較顯眼 ) 便犧牲入氣口的對位.

.................................

...........................

.................................

砌飛機和 F-1 很相似, 都比較講究翼的角度, 即係要度 alignment 了.

我便一於當正是賽車來度.

主機翼等度的方法正常, 但 “垂直” 尾翼就有問題, 因為一對翼不是垂直, 說明書話是垂直向外傾斜 25度, 最弊是老長的連接位很模糊, 有些掉掉fing…….

便想了如圖片的方法. 用厚咭紙切成水平 65度, 來 “磅” 住翼的外面才落膠水. 大家見了會唔會覺得有些論盡呢?!?! 有沒有好些的 tips?

..........................

................................

................................

在眾多 CF-188 的圖片, 佔大部份的都是最外的派龍沒有吊任何東西, 便引起我的興趣.

想跟, 但發覺老長的原件很簡陋,  雖然不顯眼, 但已癮起, 兼又畀我搵到一幅空派龍的底部實物照片, 便試試改吓喱道, 修吓果道……

造造吓才發現實機的派龍原來都起碼有兩種, 一是模型的有三個橢圓形的孔, 第二種則只有兩個橢圓形孔……. 幾乎玩死我這門外漢. 懶醒以為搞掂, 點知即講即中, 是油缸.

內側的派龍選擇掛上油缸, 又見油缸尾只啤左一舊唔知乜野, 比較實物, 諗住增加細節不難, 造完才發現模型派龍的尾唔夠長, 頂的那條栓尾, 實物是有舊野的, 現在唯有當睇唔倒!

............................

........................

............................

..................................

............................

機身組合好晒, 睇睇先……..都幾四正吖 (以我的盲俠標準)

嘩, 乜搞成錦 , 盲的都睇到了, 右後輪歪到 ……

哈哈, 這就是我的手工了.

雖然裝起落架時已發現左右兩件零件是不對稱, 以為只要削一邊的輪胎來就吓便解決, 點知都是黐歪左個輪胎.

大家比吓面, 當看不見罷! 我唔提, 即表示冇左嘞. 董生教的絕招.

精彩  真係獲益不淺  加油呀

相信長長隻 72 18 將會好快斷市