第三架車仔
砌左一個月
好心急就捽
D光油都唔知乾透味- -

第一次嘗試滲線
搞左好耐
不過出黎ge效果都可以接受

有錯ge希望各位前輩提點一下小弟
唔該哂~

未打磨好點拋都冇用, 水潑和左右指揮燈未上色, 尾中BRAKE燈冇上水貼, 滲線好似粗左D, 第三架車仔算唔錯架了, 另外砌模型切勿心急, 尤其係砌車

上次唔係叫左你磨嫁喇咩

我有磨到--

我每次上完色油都有加水磨一次
不過我驚磨穿D油
所以磨到佢滑就冇再磨
之後都系上一層光油就磨一次
但系唔知點解都系有D一粒粒
但系摸佢系滑的
系咪因為我用噴罐"對"太近噴
定系搖唔夠罐野?
定系用D沙紙太粗?

尾中BRAKE燈冇上水貼真系唔記得左
我會補反

我下次唔會咁心急
系因為個排無野做先咁快攪佢

我真系有磨- -

就咁睇真係好似未磨平就開始捽
你不如講下你噴色油後做過的工序同用過的工具
睇下有冇師兄可以幫到手

你噴左光油幾耐就磨??

我噴完灰之後乾左用1500沙紙輕輕磨過一次
之後再噴多次灰,再用1500沙紙+水磨
等左4日到
開始上黃色
第一次就薄薄地咁上
乾左就用1500沙紙+水磨
磨到冇哂D一粒粒好似沙個D油
摸上手都算系平
之後我用粗目compond系上面捽過
諗住效果可以比沙紙磨好

洗左D compond之後再上黃色
如是這上左3次黃色
最尾個次黃色就特登噴厚D
因為上網睇到D高手話D油越厚越耐乾
而乾左之後GE效果亦都較好

噴完之後等左一個星期到
就噴車頭尾個D黑色
再等左幾日
就用1500沙紙+水磨
都系磨到無哂D沙就停
因為我無2000沙紙
所以一路都冇用
淨系D用磨到盡ge1500+水磨過
之後都系粗目compond>細目捽
跟住用水洗乾淨

就上光油
上完第一層就等左4日到
系上面用1500沙紙+水磨
之後上第二層
又系4日到用1500沙紙+水磨
最後個層又系特登噴厚D
等左差唔多二個禮拜
就用1500沙紙+水磨
粗目>細目
不過無用完成目- -
因為未買- -
洗乾淨之後就上燈個D
完全唔記得左水貼E樣野- -
個過程就系咁
同埋我有四個疑問...

1.
其實系咪我磨個時應該大力D
唔系磨走D沙就算
要磨埋最表面個層油?

2.
磨個時
光油打磨重要D定色漆上面打磨重要D??
定一樣咁重要?
因為我睇joey兄個篇野佢話
同樣，如果想為表面再加強滑面，也可以為色漆打磨一下，直至得到所需要的鏡面效果。
不過，對於這個步驟，我個人會有所保留。因為對色漆的打磨，我會怕一開始就把漆磨穿，害我要重新噴漆。最怕就是自行調出來的色，如果有偏色，那可就要重新上色了，所以我個人會把這個打磨的步驟省略。
咁系系色漆上面磨走D沙就得?

3.
系咪噴罐系咪越搖得勁
出黎D油ge質素越好?
越幼細?
但系會唔會噴D泡出黎?

4.
同埋系咪唔好按下按下咁樣噴?
要一野噴到落尾?

唔該哂各位前輩~

sasammi兄，我都係玩左模型冇耐，岩岩至砌緊第二架車車，不過都想分享下經驗，希望其他師兄可以指點下
我上架車車都係參考Joey兄果篇野去做的，好使好用，對我地呢D新手黎講真係好有幫助

架車車都係好似你咁上下程序去做
不過每次的厚度都差不多
冇話邊次特登噴厚D
色油/光油同Thinner的比例都大係概 1:3
每噴完一次乾後都有過#2000砂紙+水
其間冇用過compound捽，到最尾拋光至落

係過程裡面都遇到D問題
因初初玩模型，冇做足功貨，用錯左灰色的灰打底，所以要噴成7次色油至唔覺瘀色
而頭果幾浸色油未夠厚，所以頭幾次過砂紙都有磨穿

今次砌緊呢架就改變左少少做法
為避免起初咁易磨穿，初初果幾浸都係好似你咁輕輕力整走D沙同埋黐左的塵就停，主要都係用#1500砂紙+水
我噴到第4/5次色油至開始敢加多少少少少力磨，呢個時候就會用埋#2000砂紙+水
頭果幾浸光油都係好似初上色油咁做法，輕輕力整走D沙就停同埋黐左的塵
到第10浸就開始用多少少力磨(因為水貼衰過，疊過又補過，所以要噴厚D至敢磨)，目的係將水貼同車殼的光油表面追平
因水貼表面磨薄左，所以會再噴多兩三浸至打磨拋光

1. 初初果幾浸唔會點用力，磨走D沙同塵就算，之後會大力少少，平滑為目標，油的表面會被磨走，要適可而止

2. 我覺得光油打磨比較重要D，因為我砌緊果架D水貼貼到豆皮仔咁，但係呢兩日追平左光油後就靚仔返好多。當然我確信要得到最理想的效果，每一層的表面都應該盡量做好佢，但冇辦法的時候就要作出取捨
我會係上光油前一兩浸就開始磨滑(唔單止磨走D沙)

3. 好少用噴罐，不過我估同開油一樣，搖得越勁，裡面應該溝得越勻稱
噴泡好似係罐裡面唔夠氣的現象

提一提，因為我係用噴筆噴的，油的厚度薄過噴罐好多，所以噴的層數要多D至放心

小弟經驗尚淺，其實好多都唔知道做得岩唔岩，希望各位師兄冒必更正

[ 本帖最後由 Devil 於 2009-7-26 03:22 PM 編輯 ]

Hi,  Sasammi,   how are you,

  First of all, 看完你的 post, 最感受你做車的的誠意係肯花咁長時間寫咁多文字 !!!

粗略來說, 下次做車時, 不妨留意以下幾奌 : --

a)  請先用 2000 沙紙 混水輕力打磨色油, 光油層. 會得到極 細緻 的 啞色而 略滑 的 磨面 . 然後 才用匹配 compound 作研磨, 1500 sand paper 對色油來說會頗傷的 !!

b)  你用 can-spray 的, 噴面 起沙狀油粒子, 這意味着噴塗手法出了問題, (假設你 spray-can 係全新的) , 技巧在於先按下噴罐油掣, 然後従左至右, 過了車身後, 才鬆起油掣,

      通常噴模型車的 spray-can 都混入光油的 gloss paint, 所以極適宜用濕噴方法作業, 在剛剛 噴塗後, 噴面仍呈現 "濕而不淋" 的 濕潤狀態, 同時又有合理時間作流平, 以上工序

     通常會得到 上佳 噴面效果 !

c)  若噴塗得宜又或無犯錯的話,  每層油之間, 實在無必要用沙紙打磨 和 compound polishing, 以前有些職業砌手會作為招來客人的 selling point, 但綜觀而言, 似乎 姿勢多於實際.

     一般情況下, 用 gloss color paint 完成所有色油層後, 在上 Clear coat 之前, 用 2000 sand paper 作濕水打磨是較恰當做法.

    另外, 問到  "光油打磨重要D定色漆上面打磨重要D", 似乎遺忘了底灰 (surfacer or primer) 平整的重要性 !!  底灰噴面優劣 ---> 影響 Color coat 質量 ---> 直接影響 Clear coat 的

    光澤 和 使用量. 所以三者均同樣具有 不可取代 的重要性 !!  see !!

祝下一架車更上一層楼,  比心機 !!       Bye Bye !!

嘩，AMG兄終於出口喇，仲要係當頭棒當喝忝，今次啲真言仲唔另大家學到嘢
補充少少：其實樓主應該再多噴3－4層光油會好啲，因為我見樓主所講，好似只係上得嗰兩層光油，所以係唔夠，起碼打磨拋光嗰時都唔使驚咁快磨穿丫

[ 本帖最後由 hl_0521 於 2009-7-26 07:23 PM 編輯 ]

得AMG兄提點，真係獲益良多
唔好做稀客喇，要多D上黎先得ga

HI,  hl,   how are you,

  老友記, 你再笑我的話, 就要罰請飲 coffee !!   知冇  !!

Hi,  Devil   how are you,

  好高興認識你, 在情況許可下, 盟友互相提點係平常事, 所以不必太客氣  !!  see !!

in fact, 我係 熟客仔, 只係近数月較忙, so seldom show up on HKML lately !  

  剛欣賞完你的作品 Porsche 911 turbo, 實在不俗, 希望儘快見到你另一部更有突破 的作品  !!

Bye Bye !!

HI, AMG兄, 您好啊,

   小弟點敢取笑AMG兄你呢，我只係講事實嗟。
   另外，請飲咖啡就當然冇問題啦，最緊要係你肯賞面就得咖喇。

[ 本帖最後由 hl_0521 於 2009-7-27 10:09 AM 編輯 ]

thx Devil兄
我都睇左joey兄個篇野不下十次
真系對我E D新手黎講好有用

我會試下你個方法:
初初果幾浸唔會點用力，磨走D沙同塵就算，之後大力少少
應該會比e架有明顯ge改善
一路我都以為打磨系磨走D沙冇凹凸就得
E家我明要再大力D磨埋表面個層
thx a lot
解答哂我D問題同打左咁多字

唔該哂!!

Hi AMG兄
打左咁多字,辛苦哂!
thx a lot

我會喇喇聲走去買張2000沙紙
不過聽人講2000成日都唔夠貨..
其實用冇左沙個D 1500可唔可以做到同2000ge效果
可以慳D同環保D- -

我會改善我噴油ge手法
希望唔會搞到有咁多沙粒狀ge油
但系我唔明E句:

所以極適宜用濕噴方法作業, 在剛剛 噴塗後, 噴面仍呈現 "濕而不淋" 的 濕潤狀態, 同時又有合理時間作流平,

系咪指系佢濕而不淋個時就上第2層色定點?

而底灰方面
我以前都系磨走D沙冇凹凸就算
我會改善的了

唔該哂!!

因為我諗住噴到好厚ge話可以噴少幾層
事關屋企人唔系咁鍾意我成日噴野
次次都要去冷巷噴...