我之前買左支0.5 噴筆,
我用咁多次,
佢次次都係漏油既,
而家真係唔可以再忍啦,
我想知點解會咁,
漏油個位就係RED ARROW 個位,
希望各CHING 可以幫幫手,

你扭實晒入去未？  Side-Feed 噴鎗，扭唔實會有呢個問題。

第2 張圖個個就係扭實曬個圖,
應該扭得好實架啦

你呢隻乜牌子、乜型號鎗？  有無說明書？

我覺得係隻杯扭上去鎗身時，有ｄ扭得唔o岩......  我以前都用過 side-feed 噴鎗，無呢個漏油問題。


Olympos Young88

我用緊果枝 KENJI DH-115 (0.5mm) 噴鎗都有呢個問題 ......

[ 本帖最後由 Raybirg NSX 於 2009-3-29 07:05 PM 編輯 ]

就係呢個model　!!!!

咁就冇計喇.....
我都係用過佢一次, 都冇去理過呢個問題.....

如果你唔諗住換既可以用水喉膠布封住,不過次次用都要換都幾煩

本身應該有個o ring ga喎,仲係唔係道?如果係道可能係唔夠實,試下再緊d,我用緊無呢個問題

下....
咩 o ring?
響邊度??
我一買就係得咁多

呢支古懂系我第一支筆, 依家重系度, 印象中個油杯無"O" Ring, 因扭左上去支油管都幾入下, 應該無機會系果個位漏油, KENJI DH-115睇相應該結構差唔多! 有可能系質量問題,個Screw有過大虛位, D油被氣壓迫番出黎

試下用細D氣壓睇下有無改善

[ 本帖最後由 vr2xtd 於 2009-3-30 01:07 AM 編輯 ]

呢支 Olympos Young88 就係我第一支噴筆，超過 30 年前買，記得當時好似要 $80 連一罐壓縮氣......  用黎噴過一架星星 1:25 的 Panther 加迷彩 (不過果時我細個唔多識用，噴得唔掂).....  無耐後離開左香港，90 年返來香港，呢支古董就唔知去左邊......

但我印象中，好似係有個黑色橡膠墊圈.....  不過太耐之前o既野，唔太記得 lu .....

[ 本帖最後由 patmb 於 2009-3-30 02:54 AM 編輯 ]

你真本事, 一罐壓縮氣就噴到隻Panther 加迷彩,重要系 1:25添 我唔記得我用過黎噴過乜野, 不過肯定買過至少2罐壓縮氣  買果陣因為環境問題唔可以整個泵, 不過之後覺得噴又要用壓縮氣, 洗又要用壓縮氣, 相當肉痛   始終都系要買個泵, 重配左條原廠貴過支筆既氣喉, 到有個泵又覺得支筆唔好用, 買左支 Badger 150 之後就將呢支 88 打入冷宮, 一別都唔記得幾多年啦

呢個 Weekend 去 "Workshop" 睇睇佢究竟有無呢個 ring!

哦~~  vr2xtd 兄有點誤會了，我係話支鎗當年買時好似要 $80 連一罐壓縮氣，只係想講下支鎗買時的狀況同價錢.......  之後支鎗曾經用黎噴過一架 1:25 Panther + 迷彩，噴呢架坦克，我唔記得用左幾多罐氣......  不過呢支鎗在我手中終其一生，我印象中最多只用過 4~5 罐氣，因為氣罐貴，我當時洗鎗無谷鎗，係成支拆開黎洗。

不過 vr2xtd 兄同小弟經歷都差不多，繼 Young88 之後，我都係買左 Badger 150 (木盒套裝連喉、M 嘴 及 L 嘴、大細玻璃樽加金屬杯，90 年代初中期係「千記」買的)；泵 (連氣缸) 就落新填地街買、配埋水隔.....
呢 set 野一路用到而家，咁就十幾年......

不過 Badger 150 係 bottom-feed，需要用較高氣壓運作.......  所以最近想買支 gravity-feed 噴鎗，可以用較低氣壓噴細微ｄ野.......  

vr2xtd 兄有無用過 Badger 100LG (頂杯、gravity-feed)？  對呢支野有無乜野 comment？  呢支野五舊幾水，唔貴，零件又可以同支 150 互換，所以考慮下......
雖然日本鎗一般手感較好，都睇過 Iwata、郡氏果ｄ，但而家ｄ日本鎗好貴......

[ 本帖最後由 patmb 於 2009-3-30 12:48 PM 編輯 ]

咁KENJI 個支係唔係冇O RING??
係OLYMPOSE 個支先有??

如果你認定左系D氣壓迫番D油出黎既話, 加個"O" ring 有可能解決到個問題 (唔好理佢原本有無,反正又唔貴, 值得一試), 你試下去買噴筆間鋪問下, 如果系 Known Problem, 佢地可能會有解決方案, Good Luck

gravity-feed 我以前買落一支, 好似都系Olympos, model 就??  (weekend 番去望望),  built in fluid cavity果款, (我以前發神經,乜鬼都買一餐),又系好似你咁諗法, 買黎噴D細緻野  不過從未用過 , 所以無 comments 比到你, sorry!  

依家就連支 150都少用, 用Aztech, 貪佢易清洗

Badger 老字號, 就連呢隻 model 都系, 應該唔會差罷

P.S. 我支150 系腆配 F 咀, 另外果個唔記得系 M 定 L, 同你一樣, 都系名貴大木盒

[ 本帖最後由 vr2xtd 於 2009-3-30 07:49 PM 編輯 ]

用啲問題想問吓vr2xtd兄,如果用嚟噴啲迷彩陰影之類,用邊隻款效果會好啲呢？

我點敢講丫, 噴筆我叫做人有我有, 迷彩噴過, 陰影就未玩過啦, 失禮失禮 呢類有指導性既問題都系留番比其他有能之士解答罷

唔該晒！