點樣可以令到木製的模型有金屬的感覺?


今日買左平的木製模型    係一塊木版   有好多件係塊木版度拆出黎
再砌    例如建築物呀  飛機果 D....全木

今日買左個鋼琴...送比人...想令佢有金屬面的感覺....可以點做?

想噴白色的....另外再加光油...還有用什麼才可以做成鋼琴面的感覺?
thx

好似要上層野令佢表面平滑，之後先上油~~好似係咁

定係底灰跟住白色油跟住光油

果層咩黎?

唔記得左，SORRY

上層灰再用砂紙磨滑
上白色油x2次
上光油x3次 (用焗油箱焗乾)

[ 本帖最後由 altezza 於 2009-3-14 01:26 AM 編輯 ]

木材表面其實是充滿坑紋和洞的，並不如想像中平滑。  如果直接上漆，並不會把坑洞填平 (除非上很厚很厚的油漆)。

如果要做到像鋼琴面那般平滑，首先要在木材表面上一層 filler。  這層 filler 其實是一種灰，就像很杰的畢地似的。

1) 木材表面先用砂紙打磨光滑。
2) 塗「灰」在木材表面，薄薄一層，但要蓋過木紋；必要時可以借助平滑邊緣的膠板，把灰刮在木面上 (要點是把灰填到坑紋裡)。
3) 待灰乾透後，用砂紙磨平滑。
4) 檢查表面是否妥當，有需要的話重複 2) 及 3)。
5) 如表面妥當，可以上色。

這種灰可能是和原子灰屬同一類，但就是木材專用的，可以到專賣遙控模型飛機的店舖購買；化工原料店、美勞製作原料店、廣東道/新填地街一帶....等亦可能搵到。
我地砌塑膠模型時用的原子灰亦可能適合都未定 (但我未試過)。

[ 本帖最後由 patmb 於 2009-3-14 02:35 AM 編輯 ]

舖塊薄膠片係面!

上多幾次1000號的surfacer得唔得.....

以前睇人地砌木製遙控模型飛機/船，都係用那種專用的灰，後來我自己砌都係照跟。

至於噴灰，我就未試過用係木材度......    你可以用拆左件後剩下來果ｄ廢木試下噴灰......  你可以試下薄噴幾層，睇下得唔得......  
記得試完返上黎呢度講下效果如果，同大家分享下。

你果個應該係木夾板的3D Puzzle,
但係夾板本身會索液體
如果直接用1000號surfacer噴
會唔會索晒D Thinner 呢?
你不如學供鬥木佬做法
用豬尿 + 褔粉 批左個面先
乾透用沙紙打磨
最後先用1000噴

去邊度搵「豬尿」？   定係呢個所謂「豬尿」係一種化學品的代名詞 (三行佬行內術語)？    其實係咪即係「菜膠」？

[ 本帖最後由 patmb 於 2009-3-14 12:46 PM 編輯 ]

我都係喺三行佬度聽返黎ge，佢地話真係豬尿喎
有冇呃我就唔知啦，不過真係幾大浸味
同「菜膠」唔同，用「菜膠」好易省
用豬尿硬好多，我攪屋企隻門都係用佢....掂
不過未試過用喺模型，唔得唔好
多年前喺呢附近賣油漆三行野的鋪頭買過，不過唔知搬左未

[ 本帖最後由 Devil 於 2009-3-14 01:08 PM 編輯 ]

究竟底果層係咩架呢???