話說星期一~小弟老婆放假去睇模型~佢對RX78情有獨鍾~本來佢只係諗住買RX78 2.0~點知我講左野~話2.0個骨架好仔細有D似PG~原來我老婆一直以為1:100已經係最大(手辦佢就知有更大)~佢就開始0係屯門搵~期間佢只係搵到一間有~到最後就買左啦~返到屋企我打開盒一睇~真係超多件又大~但係一直都唔敢開袋~之後四日都0係網度搵到好多師兄既成品參考~直至琴晚一過12點就問我老婆情人節想要咩~佢就話想我下個月結婚5周年時完成到呢隻PG比佢 ~我即時O哂咀~討論過之後佢想做原色~骨架想做金屬機械感~白色加陰影(因為咁大隻唔加陰影會唔好睇)

藍~80做陰影~主色用80+65
紅~79
白~13做陰影~主色用1+少少黑
骨架~成隻噴SM03~之後再諗邊D位加其他金屬色

問題就開始啦

1/骨架噴唔噴灰好?
2/骨架用SM03好定係用SM06好?
3/除骨架外~外殼用白灰定係灰色灰之後再用白做底好?
4/白色做陰影一向我都做得唔好~今次想白底之後用13噴邊~之後再全面噴主色~呢個方法會唔會比較易?
5/金屬骨架完成之後~噴光油係咪好D同保持住金屬色既光亮?(GX100溝天拿比例幾多會比較好?)

希望各師兄~兄弟幫幫手~指導下~或者有咩地方要注意

你藍主色用80+65,  80做陰影 咁會唔會分別不大 ?

我之前隻煲飯隻藍都係差唔多，藍主色用 80+65+白，陰影用 80 ~

1) 比我骨架如果上金屬色 可能唔噴都未定 ~

2) 骨架淨用 SM06 會唔會太淺銀色呢，暗 d 既銀色效果好似好 d 喎，淨 SM03 都好 d，
不過比我都係會覺得太淺 ~

3) 我覺得冇乜所謂，如果冇改造加工  淨玩上色 用白灰都 OK ~

4) 白色比我唔會用全白 (雪白)，如果你話要跟原設另計，唔係既話 我自己點都會加幾滴黑落去，
陰影其實再深些少都 OK，只要最後溝稀主色 (白色) 再全件溥噴下，羅返個自然感便可 ~

5) 金屬骨架完成之後，我自己通常唔會再上光油，因為我好少用淺既令銀色做關節色，
而係通常用暗銀色，我自己覺得暗既銀色噴唔噴光面效果分別不大 ~
當然用令銀做關節色既話我就會，不過咁就要少心，因為用SM令銀會先噴黑底，
最後噴光油小心乸返起 d 黑底色，我自己層經試過，結果噴左光油後瀨晒野，原本令銀反而變暗銀 ~
GX100 比我會開 1 : 3 倒 ~

以上純綷個人經驗 ~

[ 本帖最後由 williamgundam 於 2009-2-14 03:16 PM 編輯 ]