原帖由
獅象 於 2009-1-1 05:53 PM 發表
唔問, 唔答, 點交流呢?
係播! 比你一言驚醒添! 你的意思是指全車 wash 深色吧. 現在色水已經灰沉沉的, 再全車 wash 就變成……好彩, 我冇打算全車 wash!
我不嬲對全車身 wash 冇乜好感, 純個人口 ...
先謝過獅兄詳細的交流. 大家不妨襯機會一齊討論下 wash 同 filter 兩種製作 afv 模型常用的技術.
記得三年前砌返模型, 週圍上網搵有關資料, 有一篇有英日對照, 教人砌老虎既文章. 其中, 作者認為全車洗塗 (wash) 後, 刻意將部份污漬留低, 做成雨痕等效果. 自己早期的作品亦都有模仿類似技巧, 事實上, 很多同好都係將 wash 如此應用. 跟住下一年, 多觀摩左歐陸個邊既技巧, 發覺原來 wash 同舊化 (雨痕, 污漬) 跟本係兩個不同步驟, 在三突以後的製作, 已經儘量將不同效果分工展現. 係現今製作中, 我覺得公認了 wash 係製造線條或細節間陰影的技術, 同舊化無關, 更近似了科幻/飛機類中的滲線效果. 近來亦多見一個叫 pin wash 既名詞, 我估 pin wash 應該同獅兄對 wash 的用途有相同理念, 只係針對細節強化陰影效果.
將 wash 夾雜埋雨痕, 流銹等舊化效果一齊做, 最大原因都係方便, 但係幣端就係色澤效果會好單調, 而且要係 matt surface 上面做, 唔係就會唔食色. 但係o係 matt surface 上面做, 一上 wash, 色 tone 就會深一層, 想做多點變化, 做多幾層 wash, 色 tone 就會越黎越深. 效果隨時會同 filter 混亂, 顏料稀釋度更難掌握.
若果將 wash 只睇成為深化細節陰影效果, 係 gloss surface 上面做, 相對上影響底色色 tone 較淺, 效果更易控制. 亦都不須再太在意顏料稀釋度, 會影響主色的問題. 至於其餘舊化效果, 自有五花百門技術可以慢慢再做.
Filter 濾鏡, 都係做三突時所接觸的技術. 以個人理解, 濾鏡係提供一個漆面上細微顏色變化既效果, 已管有少許舊化作用. 濾鏡主要係用不同透明既色漆覆蓋於主色上面, 令漆面提供更豐富色彩, 通常都會係做好幾層不同顏色, 令模型相對實物有更相似效果. 暫時這方面我都係慢慢摸索, 說不上任何心得. 但係每層濾鏡都會加深色 tone, 而且 suppose 顏料要食實漆面, recommend 係 matt surface 上面進行. 所以控制顏料濃度亦頗為重要.
今個月, MIG 終於翻譯左佢對 wash 同 filter 既見解, ( 連同佢公司一系列 wash/filter 產品一齊 promote 啦.
). 大家有興趣可以去看一看.
http://www.migproductions.com/minisite/lavados/washes.htm
不過事先聲明, 我唔係推薦佢 d 產品, 我自己亦係用其他 enamel/油彩類顏料黎做 wash 同 filter 既效果. 買唔買, 係邊度買, 都唔好問我....
打左咁多字, 不如打多少少關於底色. ( 又見到獅兄對 pre-shading 有 d 見解, 大家一齊又探討下 )
來自 Adam Wilder 大師, 近年佢鼓吹緊一種叫 color modulation 既底色方法, 小弟係虎王上面亦開始試玩. 做科幻既, 都知道想模型立體感強 d, 會係稜角位 pre-shading, 或之後做 post shading. finishing 又會加 d 高光, 陰影之類. color modulation ( 若我有誤解, 煩請師兄們指正, 大家齊來研究 ) 會首先假設一個光源, 從呢個光源, 引伸去每個模型上既平面, 再估計出每部份既受光面. 上底色時就會以呢個假設, 係每一部份噴塗暫進既效果, 做出光暗效果. 係單色沈悶既模型下, 呢一種技巧做出黎既效果, 我覺得幾特別, 立體感亦都比起 pre-shading 或者平常既高光陰影效果較強. 但係有點要注意, 光同暗 contrast 要多一點, 因為之後做既 wash 或 filter 都會淡化不少效果, 好似我部虎王/雪曼都有相同情況, 悔不當初.
呢三年小弟都係專注係 afv 類模型層面, 未敢對某類模型作出難或易既評價. 只係知 afv 類近年無論組裝, 上色既技術都隨時間有所改進, 演變亦都不少. 在我眼中, 要做到某個水平, 非一般覺得夠污糟就算舊化, 上色/組裝有瑕疵就胡混過去, 寬容度絕非兒戲. 這一點, 在外國賽事中的參賽作品中, 可見一班. 當然, 模型只是一個娛樂, 各人有唔同見解, 我也只是想說出自己見解.
分享
