終於等到師兄update啦..努力, 假如要幫手的話請隨便開聲, 我有迷你車床!!

先多謝兄台捧場！   

兄台有迷你車床？  我有需要的話會搵兄台幫手的.....    不過暫時未有需要.....

兄台用車床玩木工定金工？ 定係兩樣都玩？   

冇問題, 有需要找我啦!
車床只係玩模型, 有時會用作金屬零件改造, 平時都係車下樹脂膠, pvc等..
讀書時都沒有接觸過金工及木工, 很善慕讀工科的朋友!!

終於等到你開返工啦
小弟都好耐冇玩木工 Lu
呢家搵膠易過搵木，加上D木糠四圍飛
都係坐定定睇兩位師兄大作好

CKL 兄唔只得車床架，最近玩埋真空泵
好 post 好值得追 ga

[翼鉸的製作 - II]

話說上回需要將厚 5.x mm 的木用砂紙磨薄至 4 mm，今日去買左較粗的 #100 木工砂紙，可以磨得快ｄ。

買左砂紙返黎便開工整其中一邊翼鉸。一路磨、一路量度厚度，要確保厚度平均，又唔可以磨過龍...... 都磨左半粒鐘有多。

放粒木珠入去試下，發覺翼鉸個窿要太細，要整大ｄ。 而粒木珠本身個窿亦太細，穿唔過條軸；用 3.2mm 鑽嘴加大後，仍然太緊，要再用砂紙磨大少少。

磨薄 + 鑽大窿後，用白膠漿粘合、夾好，等乾。

翼鉸木部件已磨薄至 4mm 厚 (每邊)，兩個窿已加大。 中間粒木珠亦鑽過一個較大的窿，以可以通過條軸。
[attach]297328[/attach]

落白膠漿粘合後，用夾夾好，等膠水乾。
[attach]297329[/attach]

呢度向大家推薦使用呢種膠夾，真係幾好用。 夾嘴係可以活動的，當在不同厚度的場合使用，夾嘴可以緊貼部件表面，使受力平均。而且夾嘴用較軟的膠，一般情況下唔會對部件造成損壞。另一個好處 (亦可能係缺點)，係佢比木衣夾較好力。  呢種活動夾嘴夾/鉗，靚的一般要係較專業的五金工具店先有得賣，而且好貴 (幾十蚊一個)。
但我用果ｄ係o係十蚊店買返黎，有大有細，大o既 $10 有兩個，細o既 $10 有四個.... 當然質素同正式靚果ｄ有出入，但只係三、幾蚊一個，經濟、夠用便是。 不過唔係成日有貨，買唔買到要睇運氣。
[attach]297331[/attach]

十蚊店買到的活動夾嘴夾/鉗，有大有細。
[attach]297330[/attach]

聽日先磨埋另一邊。 等膠水乾透後，跟住就要整形同上色。

待續.....

[ 本帖最後由 patmb 於 2009-9-6 04:18 PM 編輯 ]

呢夾好似幾好用, 我系十蚊店 (jxxco) 就未見過, 反而上次經過買到另外一款, 淨番4個, 之後就搵唔番, 好處就系可以夾好大件野, 好似呢隻1/24 Fw190A  

你有無整定個 Display Box???

你相中所用的夾個夾口可以較到好大同好細，好有用o架，砌船時就知好用。  你意思係你相中所用的夾係o係十蚊店買到的？  你呢隻我反而無係十蚊店見過.....  係鴨記同新填地街就見過ｄ靚野，接近一百銀，唔捨得買......   如果十蚊店有就正喎！

隻飛行器砌起翼展有成三尺幾、高尺幾，如果整 display box 要好大個，都未知整唔整好.......

[ 本帖最後由 patmb 於 2009-8-9 12:56 PM 編輯 ]

Exact~~~~ly! 就系見到10蚊咁抵, 所以問個 店員有幾多貨, 佢話淨番4個

唔用個箱罩住, 封塵就好麻煩

係十蚊店都成日搵到ｄ好野，不過好多好野返貨量好少，成日比人買曬.......  好似你呢隻夾，我都已經經常去旺角果間十蚊店行，有時去埋佐敦道果間，但係我係十蚊店都未見過.......  睇黎要再多ｄ去十蚊店留意下.......

我都成日浦十蚊店尋寶
不過都唔係好覺有呢隻夾
搵到真係要買返10隻8隻看門口

咁大隻就真係唔知放邊度好
頭痛的問題

[翼鉸的製作 - III]

續上回......  兩個翼鉸部件磨薄、略作修整及粘合後，便要整形至所需形狀及大小，然後上色。

左右翼鉸粘合乾透，尚待整形。
[attach]301354[/attach]

使用薄身鋸鋸出半圓形.... 圖中的小型鋸原本是鋸金屬的，雖然鋸片夠薄，但鋸片高，其實不適合鋸弧形的....
這步驟如有幼身木工線鋸，會好用得多..... 但只係鋸少少野，懶得去買個把....
[attach]301355[/attach]

左面是仍未整形，右面的是已整形及修邊，留心看，是有很多個「切面」的。
[attach]301356[/attach]

上色後再比較分別 (顏料使用 GSI Mr.Color #133 - Earth)。
[attach]301357[/attach]

替第一個翼鉸整形時有點戰戰驚驚，要慢慢摸索和部署，用了較多時間 (約兩天)。 有了經驗，製作第二個鉸時快了很多，只用了約兩、三個小時 (連上色)。
[attach]301358[/attach]

兩個翼鉸至此製作完成，留待雙翼完成後將雙翼連到機身上。

下一 part 搞乜？  未知啊！  睇下有乜靈感到先喇！  

多謝收看！  待續.....

[ 本帖最後由 patmb 於 2009-9-8 05:14 PM 編輯 ]

旧木都做到好似无缝甘！~~坚秋啊！！！~~~

patmb兄，得咁少唔夠步咳呀

patmb兄,啲手工好惦喎！

只要兩件木材粘合面打磨得夠平滑，粘合得宜，再上深色，條接縫多數都睇唔到的。

好手工

將就下，睇住ｄ先啦........   總之有拖無欠......  

好特别的模型,師兄,加油,一定要將佢完成

兩位過獎啦.......    說實話，我心機就有，但我ｄ手工其實麻麻地.......   

你地留心ｄ睇，果ｄ切面與切面之間條「邊」係唔多夠直的，而且唔夠清晰，因為我打磨得唔好......    真係好手工的，可以做到果ｄ「邊」夠直、夠清晰分明，要起角但又圓潤；我都做唔到......

[ 本帖最後由 patmb 於 2009-9-8 05:17 PM 編輯 ]