我岩岩諗，如果將個模做闊D，�鬗W高鑽D窿仔，
將木條放上模具後，唔用木夾定形，改用繩/線穿過D窿仔綁住來定形
咁樣咪可以同一時間做多幾條骨咯
仲可以整多套做spare黎試，唔使綁手綁腳，成日擔心出錯(我時時都會失手 )

Devil 兄係講翼骨果個「2-合-1」粘合？  

其實呢個步驟好早已經做好，只不過加工整雙翼和尾翼的部份未做.......

做呢個步驟時，都有諗過一次過整 2~3 條翼骨，但因為對位要準，所以情願逐條逐條做.......  三十幾條翼骨，當時整左好耐.......

咁又係，逐條整會仔細好多

[ 本帖最後由 Devil 於 2009-8-3 01:21 PM 編輯 ]

Awaiting for the finished product^^

Simply breath taking! Add oil pal~~~~ Will stick to this!

老細! 你停工好耐, 等你update等得好心急 我上個weekend 決定開始第一盒木船工程, 呢盒系入門野, 船身一體成形, 唔駛搞D龍骨!

快D復工啦, 我等住參考你處理木D資料

呢樣整得出黎真係可以當藝術品!!i like... 10個珍!!

睇黎要靠你D火種先刺激到佢

多謝捧場！

先多謝兩位大佬捧場！

近排確係周身唔得閒......  六月尾首先感冒，病好後過左去新加坡成個星期，臨返香港再次感冒又病過，病好後又好多野做....  
搞到架 Flying Machine 進度如同蝸牛，真係烏龜都趴得更快.....

小弟都唔想佢爛尾......  應該都就快有 update.....   暫時有拖無欠......  


To vr2xtd:

所謂「船身一體成形」，即係實心木頭一舊過？    我見到盒面印住：   Precarved wood hull ，咁即係船底已經原廠成形，咁易搞好多。
另   Precut solid wood parts，都只係需要執下、磨下便 OK .....   呢盒野好適合木模型新手。

[ 本帖最後由 patmb 於 2009-8-3 06:37 PM 編輯 ]

對! 實心木, 已pre-shaped, 因為系平底船, 所以簡單打磨效果就可接受,十幾年前系 Amsterdam 海事博物館買既, 見到個阿伯系度示範裝組 Ship-in-a-bottle, 講得幾句就幫趁左佢買左兩盒帆船模型, 呢盒系入門級, 阿伯話好易搞, 不過比左錢佢先至講原來有好多野都未齊, 舉例個 Helm Wheel 要另購, 又要幾十, 船槳等又要自已整...

雖然話pre-cut parts, 不過 D mast 全部要自已搞, 套Kit只系比3個 size 既圓木條, 要跟1:1圖整番曬唔同長短,粗幼既 Masts, 以我等對木工無認識既外行人, 都要幾多工夫, 重未講到拉線........

如果呢隻搞得掂, 我重有兩盒複雜D既木船,要搞龍骨, 逐條木鋪果 D, 諗起都驚

要砌龍骨果ｄ木船，船身左右兩邊的長係木塊要逐塊砌上去，仲要上釘，有好多塊.......   「Kun」呀！  

[翼鉸的製作 - I]

唔得閒左一大輪，近排有ｄ空檔，可以整理下架飛行器。  不過對住一束 (十幾、廿條) 要整成翼骨的木條，好悶.......  暫時放低，整下第二ｄ野......  先整兩個主翼鉸 (Wing Hinge)。

主翼鉸，就係下圖 (互聯網圖片) 中，深啡色、「L」形狀、連接著主翼骨的鉸，左右翼各一個，以一前一後方式接到機身上。
[attach]296585[/attach]

製作翼鉸的部件。每個翼鉸由兩塊「L」形的木部件合成，已由原廠約略 pre-cut 及 pre-drill 凹位和洞。凹位裡會藏上木珠一粒，翼鉸是可動的。
[attach]296586[/attach]

翼鉸部件近照。部件原廠製作較粗糙，每塊部件的尺寸差額出入頗大，而且凹位較難打磨，要花點時間執執。最麻煩係每件部件都過厚 (約 5.3~5.7mm)，目標係要製作成 4mm 厚度，手頭上無乜特別工具，唯有用砂紙慢慢磨薄..... 用砂紙將一件厚 5.xmm 的木磨薄至 4mm，好花時間、心機、手指骨力。
[attach]296587[/attach]

約略將凹位打磨過，中間深色果粒就係將會放係入面的木珠，木珠會鑽孔，以穿過上面果條軸。 木珠原盒是缺件的，搞到我要去深水埔賣珠仔的地方搵返來......  
[attach]296588[/attach]

要搞一輪先磨得薄呢四件野，接合後又要整形、上色，相信要搞一段時間。

待續.....

[ 本帖最後由 patmb 於 2009-8-8 12:18 PM 編輯 ]

努力呀！ ...

好啦, 又開工啦 我就用曬D砂紙, 隻船停工!    砌左幾日木船, 發覺D木打磨完摸上去個種暖、滑既感覺好舒服

BTW 老哥你把卡尺個款式都好特別, 應該都有相當歷史罷

如果有部车床应该会快手好多挂~~~

我聽日都要去買ｄ粗ｄo既砂紙，希望可以磨得快ｄ。

我都好鍾意木材果種溫潤感覺，呢樣野可能要個人有返咁上下成熟，先有呢種 feel......  

相中呢把卡尺係粗野黎，係廿幾年前執返黎的，平時不需要太準確的量度都會用呢把....   呢把卡尺 Made in USA，睇佢個樣，有可能係 60~70 年代產物，從佢簡漏、單薄的結構 (幅相可能睇唔清楚)，我估好有可能係學校裡面比學生用的 cheap 野.....
其實我仲有另外一把較精準的卡尺，但較少用，需要嚴謹ｄ的量度先會用......

[ 本帖最後由 patmb 於 2009-8-8 12:07 AM 編輯 ]

多謝 pbaa 兄支持！  

你咁多火頭燒完未？

車床應該唔會幫到ｄ乜野，因為無需要「車」野......

不過如果有車床，我可能會車過另一條圓形的底座柱。