http://tvmost.com.hk/201512030123_video_mostnews_23

http://tvmost.com.hk/201512040127_video_mostnews_23_q&a

[ 本帖最後由 maskshit 於 2015-12-13 12:01 PM 編輯 ]

玉郎抄襲就係創作
CY唱喜歡你post上網就屬公眾人物免責

【反對2014年版權條例（草案）】
無論新舊版權條例，在網上以非牟利形式發佈舊照片，已有機會被起訴。
雖然，2014 版權條例（修訂）草案訂明豁免刑責範圍，但是張貼網圖仍然不在其列，隱含極大危機。根據香港法例，香港政府擁有的舊照片版權為125年，並擁有大部份流通於網上的舊照片資源，本網及網民喜歡運用此類舊相，製作新舊對照、直接張貼或分享。設若草案通過，網民仍不免跌入法網。
本網認為，通過網上分享舊照片，有助香港人認識香港歷史，塑造港人身份，立足當下，回顧過去，展望將來。為免惡法枝蔓，跌入羅網，本網呼籲各位參與「一人兩信行動」，點擊以下連結，第一是電郵全體立法會議員，請求他們在版權條例（修訂）草案投反對票；第二是電郵泛民議員參與拉布，拖延表決時間，迫使政府收回草案。

我要求全體議員反對議案：https://goo.gl/ff0smt
我要求全體泛民議員拉布：https://goo.gl/mnEa2D

好多人好鐘意貼甚至係upload圖片去不同forum

如果條例一通過，大把人中招。

連香港漫畫教父甚至特首都有機會中招，真係唔明點解啲人會咁老定。




【網絡23條】梁振英fb上載Hello Kitty包 再被質疑侵權



呢啲咪叫呀茂整餅囉。

港共高官 / 特權人仕觸犯一定無事

普通人／黃絲／真心藍絲

全部有事



政府龍門任搬，見過hktv風波，新界東北事件，雨傘... 就知道政府有咩做唔出。

地位超然，唱首歌都可以話「報道時事」，問你死未。



特首翻唱〈喜歡你〉放fb　急向CASH補領牌照　馮添枝：其實還要向IFPI付版稅

特首翻唱《喜歡你》可獲豁免

無膽？

當年碼頭工人單嘢，仲有往年嘅71遊行都見唔少改圖喎。

點止改圖，拎住個假人上街都仲有呀。

邊個話擇性恥笑？




抽水姐，犯法呀？

邊個話對事情無幫助，碼頭工人擺工，李+x張相俾人改成魔鬼，大把人share呢啲新聞相，令更多人關注事件。

見到有問題唔出聲唔揪水，又對事情有咩幫助呢？


「就係一個貓奴畫家紅左就個個刀想紅」

咪玩啦，03年甚至更早已經有人畫漫畫去諷刺時弊。

你唔記得當年葉太個髮型俾人畫成漫畫咩？

貓叔最初畫台港大不同，未畫你口中嘅「抽水」嘢，都已經走紅咗啦。

畫《溫水煮蛙》嘅白水同埋尊子，出道仲早過貓叔，何來「個個刀想紅」？



[ 本帖最後由 黃潤發 於 2015-12-13 09:36 PM 編輯 ]

講到漫畫, 好久以前有本 玉郎漫畫 都大把二次創作內容, 點解黃肉狼唔攞嚟去做吓提材撐網絡23呢?

網上已經cap晒好多香港漫畫抄人嘅封面及內容

如來神奬 , 龍苦門...黃鼠狼有邊本漫画無抄人假 ! 李小龍又有冇Bruch Lee 授權 ? 要告 ? 金鏞有資格告佢有餘啦 !
黃鼠狼中意威中意出風頭 ! 最叻係問政府攞$做自己野 , 之前星光大道果幾舊國産公仔咪又係我地d稅收 ! 要俾$告
人佢一定唔制 , 呢次唔洗佢俾眞係求之不得 !

港漫多年黎有幾多野唔係抄 ? 抄足9成都唔只一兩次啦 ! 仲好意思講人 ! 依家重有幾多人睇吖 !

我意見始終係: 如果法例係令版權持有人真正得到保障, 當然絕對支持. 不過目前我自己睇到的係: 假如成功立法後, 市長係更易無意中犯罪, 咁就真係好無辜. 其實好多行為, 例如youtube表演唱隻歌, 都唔係什麼商業行動. 當然有人會說"人氣"都係利益. 不過換個角度 , 人地唱歌都幫緊你賣廣告宣傳隻歌, 咁我夠可以話你點解又唔俾返錢人?

其實特首post呢歌單野已經是一個好好的示範. 特首都要去申請license先可以post, 更何況是普通市民呢? 換個角度如果大家每次Post模型成品之前都要先問準高達的設計師, 日本的公司, 香港的代理等等, 所有人同意才可以post, 大家會唔會覺得麻煩? 定係依然對生活無影響? 再講, 可能大家使用的頭像都係用電影/ 漫畫角色, 咁即係都有機會侵權呢. 唔通以後唔比人用頭像?

特首話佢係公眾人物可以用"評論時事" 而無事, 但普通小市民就會有機會(唔一定, 不過有機會) 比人告了. 所以如果只係針對網上侵權的行為, 其實寫得清晰d不是更好嗎? 其實唱片/ game發行商可唔可以在CD/ game售價中, 抽一個百分比出來當成是"版權稅", 咁買正版的人就可以用來改圖, 分享試玩, 至少唔會因為post上網而犯法. 當然"分享"比人download果d就一定唔得啦.

呢個專頁，好多相都唔係佢影，只不過係個Admin真金白銀咁買咗好多舊相同明信片，同時仲有網友send相俾佢。

總之，佢就唔係原創者，佢唔係版權持有人，啲照片版權從來都唔屬於佢。

（但佢唔止網上分享仲出埋書。 ）

新法例通過，呢個專頁可以好肯定，一定犯法。

因為版權唔屬於佢，所以政府可以告佢，就只差告定唔告。



佢都好慘，一心分享自己嘅collection，順便講歷史，一個好有heart嘅人，依家隨時被政府告，真係超無辜。

天下文章一大抄
修例後如果執正來做
創作人一定受害

唔明點解香港著名漫畫家支持

利申:小弟係電影宣傳人員，習慣每出一張相，一個po 亦要問演員及工作人員拎approve。
自己公司用返自家拍製嘅電影片段，或用片段做二次創作，亦要經所有有關單位授權，我們是這樣做功夫的。
如要做二次創作之類行為，由正途伸請不是應該的嗎?各公司亦有可能因應不同情況而作出豁免，是否一句不方便可凌駕版權法及所有原本的製作人的利益及尊重?
如說二次創作是幫原創宣傳，這只是將自己的無理扭曲成自我安慰的合理化，你有配合宣傳期嗎?有配合宣傳重點嗎?否則，這種宣傳不單沒幫助宣傳，更破壞整個宣傳計劃，不要也罷。

唔好話改圖，連家係連share圖片都唔得，刑事。

你覺得仲有幾多人會睇雜誌同報紙嘅介紹呢？

無人share海報同劇照，睇下會點。


我都利申：

叫做識些少螺絲咁，佢地唔係好似你咁諗。

god bless HK

好多人都唔知，聖經中譯本都有版權，大量引用聖經經文都要得到版權持有人允許。

唔信嘅人可以打開聖經頭幾頁或者最尾幾頁睇睇。

（現實中有無人咁做係後話。）

法例一通過，就變刑事，到時就算穌哥降世親自求情都無用。

好似share係唔犯法嘅。

佢地知道唔犯法架，但會照樣繼續周圍傳話咩都犯法會坐監。激進派常用手法之一。

打壓咗唔啱睇嘅圖片及訊息,無人post,自然無得share.