睇到貓兄的Receiver，令小弟諗起中學時期砌Walkie Talkie的年代
果陣鴨記仲有好多零件檔
可惜儀器配套唔夠，始終冇辦法砌得成一架

如果套「架生」有調壓 (調壓掣都好普遍，差不多有泵的人都會有，而且好多同水隔造埋一齊)，十之九、十都會有埋壓力錶，咁係呢邊調壓可以即時睇到氣壓指數。問題係有時個調壓掣未必會好近身邊 (睇下用乜野泵、睇下套野點 set up 同擺位，人人可以唔同)，伸手去扭個調壓掣有時可能會唔多方便。

而鎗身上果個 air adjust knob，可以由「全關」(完全無氣出) 至「全開」(等如無呢個掣) 之間作調節出氣量，以 Gunze PS-269/270 為例，個掣全程可以扭動約 2.5 圈。由於個掣係鎗身上，可以方便近距離作調節......  但無錶睇，其實都係斷估......  高手/熟手的，可以從出油的情況得知壓力是否適當；生手的就有可能會覺得個掣唔易用.......

以上所講就有如「鍊車」一樣，有人睇住個轉數錶去轉波，有人聽下 engine 聲就知道轉數去到幾高而轉波。

要知道呢個 air adjust knob 並唔係無用或多餘，始終係一個 function，但要用呢個 knob 作微調，需要一定的噴油知識和噴鎗使用經驗，才能好好掌握。
從某一個角度睇，有呢個 knob 好過無.....  有掣可以唔用 (將佢「全開」，就等如從來無呢個掣)，等到有一定經驗或有需要時先用。
但又從另一個角度睇，呢個 function 要用錢買的，如果你唔打算用，點解要比錢買？

先多謝支持！   

底座同條柱之間本來係無螺絲的，原本只係用膠水黐上去，但係我覺得唔夠穩陣，自己鑽個位加螺絲，當然都有落埋膠水.....

因為係靜態擺設模型的關係，唔會郁呢郁去，而且受力位是垂直的，所以用一粒較大的螺絲應該無問題，只要粒螺絲上得夠緊，加埋膠水，都會好穩陣。

[ 本帖最後由 patmb 於 2009-4-28 12:33 PM 編輯 ]

以前讀中學時，見人玩電子野，自己又玩......  

第一樣野相信同好多人一樣，整「電子千人震」，相對易砌，成功.....  跟住整 FM 咪，都唔太難，都搞掂.....

成功整過兩樣野，以為玩電子好易，膽粗粗就去跟書整 walkie talkie......  試過整兩部，無一次成功.......  

講起去鴨記買電子零件，當年推木頭車擺街果個「高佬」，而家變左近南昌街的綠色鐵皮檔......  咁多年後都仲見呢位「高佬」係鴨記打躉，真係難得....

[ 本帖最後由 patmb 於 2009-4-28 12:22 PM 編輯 ]

多謝支持！

多謝patmb兄嘅詳盡分析...咁講法好似HP-BP啱洗啲...

Thanks again

係呀，係呀
我第二件就係整FM咪
真係好易整，拎住�魒契Y試下行到幾遠至收唔到
不過老媽子成日話會整壞佢部機
唔畀再試，唯有等佢出街至玩得

跟住就係整穩壓器、擴音機果 D大路野....，有D成功有D爛尾

果陣好似有兩個叫「高佬」，有一個搬左入鋪，後尾唔見埋
另外你講果個呢家好似主要賣喇叭仔，如果佢走埋，當年D鋪家就應該走晒Lu

要留意，Iwata 的 HP-BP 或 HP-BH，都是細油杯 (1.5 c.c.)，而並不是一般的標準油杯 (一般約 10 c.c.)......    細油杯，噴迷彩或細節時絕對夠用，噴車身或較大面積就唔得 (添油添到你傻)......

係呀, 依加最 concern 係哩個問題...

一般專業 0.2mm 噴筆，主要係比美術或有關行業用黎噴細微野，配較低氣壓出油量好細，所以通常會配細油杯 (~1.5 cc) 甚至係筆身開個凹位 (~0.5 cc)，入一「缸」油都可以有排噴.....  但一噴大面積要用較高氣壓，噴兩野就無油......

噴細微野用細油杯會好用ｄ，一來無需要大油杯，二來細油杯無咁阻礙視線，三來無咁「縰」油......   但唔代表 0.2mm 筆配大油杯唔得.......

如果想要 0.2mm 筆，但又想要大油杯，可以考慮 Gunze PS-270 (有埋 air adjust knob)；另外美國的 Badger 100LG 配 F 嘴 (Fine 嘴) 亦可以，而且較平，去千記買，五舊幾.....  

Badger 支 100LG 算唔錯，唔貴之餘，仲可以自己換嘴同針，有 F (Fine)、M (Medium)、L (Large) 三種粗幼，配件可以係千記買，比起 Gunze 筆配件相對易買到......  不過美國野較粗枝大葉，用起上黎手感應該不及日本筆。

我都系中學時期開始跟隔離屋個大哥哥玩電子, 好多野都系一知半解, 我都砌過你所提到既, 唯一唔同就系我同 Transistor amplifierr 無緣, 砌親都失敗, 自已既線路, 書上既線路, 就連砌套件都唔響,  反而砌膽機就掂, 第一部膽機三支管, 整流管唔記得左系乜, 前級 12AX7, 後級6BQ5, 出 5W RMS

最熱衷就系玩無線電通訊, 開始當然系 Out Band, 27MHz CB, 200幾買部 CB Car機 40 channels, 系騎樓伸條 9呎 (??) 鋁通做天線, 起個 Call Sign, 咁就開台啦, 以前無手機, 大氣電波好熱鬧, 當然耐不耐就要走鬼, GPO 有人捉, 當時覺得好刺激

反而有無線電牌之後就好少 ON AIR

貓兄識整膽機！？         睇黎你都係玩「搭棚」居多，High-Hand 喎！

貓兄，睇黎大家都係咁上下時代的出品喎，不過我就冇玩無線電啦，果陣日日晏晝食碗齋河，先至儲夠錢買零件整野，整過兩次27.125Mhz的Walkie Talkie都失敗，肉都赤埋，之後就冇再砌啦。

[ 本帖最後由 Devil 於 2009-5-1 12:20 AM 編輯 ]

哈哈, 一定系咁上下時代啦

以前一定系「搭棚」, 最重要就系果 pair 燈絲線 ......

後期先學整"印刷線路板", 開始都系搵箱頭筆逐條線劃, 有組有幼, 跟住用氯化鐵浸, 再鑽孔... 相當原始!  

大哥你重有錢食齋河. 我同D朋友就連中午飯都唔食, 將D錢轉曬做電阻、電容, D 貴價零件就當系寶, 整完又拆, 拆完又用黎整第二樣野...整Walkie Talkie就一定整"超再生", 有沙沙聲就掂, 超外差式因無儀器tune. 想都唔敢想!

講起膽機, 幾好玩架! 我唔系玩HiFi既人, 不過我都鐘意膽機既聲, 真系"暖" D, 中華業餘無線電會有辦膽機班, 教整膽機, 有實習套件. 可惜只限前級, 早兩年我玩過, 認識左班新朋友 (各行各業都有) 之餘, 重砌左部膽 Pre-Amp

Oh no, 再講就停唔到啦 都系 Focus 番 Patmb大佬個 Project, 呢個禮拜停左工???

睇睇下，我應該係你後輩先岩，我玩果陣係岩岩膽機轉晶體管的時候

我忍唔住，頭先去買左個磨機啦，聽日就可以試啦...^^

係呢，等睇Patmb兄續集，好心急....
快D、快D....

[ 本帖最後由 Devil 於 2009-5-1 01:37 AM 編輯 ]

早輪成日落雨，搞到無乜 mood 砌野........  

而家搞緊對翼，要磨尖ｄ翼骨，過程好沉悶，進度緩慢.......

不過可以有少少相 update，請稍等.......

[雙翼的製作 - I]

卒之搞到對翼，最難、最煩複、最花時間的部份.....  先執執其中部份翼骨......

圖中所見，淺色的為「主翼骨」，約 14.5" 長，就像人的上臂骨；深啡色的為支架骨，支撐其他的翼骨 (未整到) 及作活動關節。左右翼各一 set。
[attach]278806[/attach]

主翼骨的關節位。凸出來的那塊長木板，約 6mm 闊，作用像彈簧，夾著外翼的其中一條支架骨 (下述)，讓可動的外翼可以回彈。
那個窿會穿進一口釘作軸。紮在上面的「繩」(其實是縫紉線)，雖然也可以起到穩固作用，但主要是用作「扮野」、「裝飾」。
[attach]278807[/attach]

這就是外翼的其中一條支架骨關節位，套進上述的主翼骨關節，較大的那個窿是讓軸通過的。較淺色的那條小木條，闊約 4mm，黐在下面支架骨收窄了只闊 2mm 的位置..... 因為黏貼面積太細了，不太受力，套進主翼骨的關節位時，那條小木條差不多一定會甩出來，所以鑽穿了一個窿仔，種入了一條約 2.5mm 長的鋼針 (用大頭針鋸出來)，以作補強.... 小木條上可以見到這個窿仔.... 加了鋼針後，變成穩固得多了。
[attach]278808[/attach]

主翼骨關節與支架骨關節連接的示意圖。  這是底部。
[attach]278810[/attach]

另一條支架骨。上面有金屬環，是用鐵線屈成、再上黑色油漆，用 AA 膠黐在開了淺坑的翼骨上；again，紮上「繩」扮下野。 這個金屬環會套過內翼的一條翼骨上，作用是引導外翼的活動。
[attach]278809[/attach]

下一步將會把其他的翼骨磨尖.......

待續.....

[ 本帖最後由 patmb 於 2009-5-1 04:39 AM 編輯 ]

加油！！！加油！！！

咁睇黎D翼骨應該已經做晒
呢家進入組合關節的階段
遲D mount 個網上去果陣可能重繁複D添
加油，耐心等候中....

唔係呀........   只係搞左主翼骨同支架骨的部份工程，另有左右翼總共 16 支翼骨完全未搞......    
以人的臂和手為比喻，就等於整好上臂骨和下臂骨的部份，而ｄ手指骨未整.......

再另外仲有 4 支尾翼骨都一樣等住開工........  

磨尖ｄ翼骨、度好位置和長度、粘合、打磨、上色、mount 網布、綑線.......   所以話整對翼 (仲有條尾) 係最煩複的部份.......
∼∼∼  There's still a long, long way to go........