原帖由
vin0113 於 2008-11-15 12:45 PM 發表
請心平氣和發表個人意見, 我只是想分析和了解下某些人心態.
眾所周知, 模型成品發報區裡有位財力雄厚的人兄 (我唔會開名, 大家應該知), 經常搵高手砌模型, 然後放上成品發報區, 雖然他大大隻字話唔係自己砌, ...
睇左咁多, 都想分享一下個人意見, 我以為你個標題 ”請入來評下... (砌模型意義)” 反而有點” 誤導” 成份, 你提到”.. 眾所周知,..” 亦”.. 會開名..” 即你都觀察左一段時間, 我唔知當事人點解會搞到你咁興, 亦可能係咁所以你有D Bias! 客觀而言, 你提到既我唔覺得有乜問題, 首先, 如果個位人兄搵高手砌, 如果係比錢既, 除特別註明外, 佢應有權發佈, 況且佢亦註明”.. 話唔係自己砌..”, 點解會對制作者唔公平? 如果唔係比錢又或無原制作者授權, 咁佢發佈就可能會有問題, 但係都只限原作者有權出聲, 我想旁人(特別系唔知內情既) 無權, 亦無必要代人討甚麼” 公道”, 是嗎?
其實你自已都會講 “.. 你搵人砌唔係問題, 你放上黎都唔係問題..”, 咁究竟你既問題係乜呢? 應該發佈在成品轉發區?? 呢個就係版規問題, 你應該去找版主澄清, 之後有需要就投訴, 版主應該係有義務向會員解釋版規! 我就以為 所謂成品就係指出廠時已完成, 買家無需要裝組 (比如扭蛋玩具, 又或Die Cast 成品車), 如搵人代工, 又或發佈別人作品, 依然係模型制作!
不過你以上所提到既全都同 ” 砌模型意義” 無關!
也是個人睇法, 砌模型意義對不同人會有所不同, 有人會當成一種藝術, 也有人玩玩下, 消磨時間 (好似我咁), 當然對某些人是一份工作 (可能係你梅以上所提到既) , 總之就各有不同, 並無一定, 統一既意義, 不過整體來說砌模型可算是一種個人修維, 陶冶性情….等等…..但模型交流網既意義就簡單得多, 基本上就係比一班志同道合既模型愛好者集中一起分享交流心得, 經驗, 當然包括吹水.. 如果你都同意呢個, 咁邊個砌果件模型又有乜關系呢?
玩耍野, 無必要太認真! 以一個模型愛好者來說, 我就希望見到多D高水準既作品, 邊個砌都無所謂!