Wish can help you !!!   

我想問你地　O甘　改法　O米　成日要買Minichamp的車仔。

Jslin兄、有無多D90年Pirro的相片、我的１比２４Target就係E個花。

自己改　O米　得　Lo

I have opinion about Macau Guia Race 1989. Although Tim HARVEY  won the race, he was lucky only. In terms of driving skill, I am sure Andy Rouse and E.Pirror were much better than him so much. When Andy Rouse's RS 500 was in problem and slowed, he let Harvey pass and blocked Pirro in order to let RS 500 won the race. If Pirro was not blocked by Rouse and caused him in accident, Pirro should have won the race. How bad of behaviour of RS500 in year 1989

[ 本帖最後由 winstonm3bmw 於 2009-6-24 05:25 PM 編輯 ]

咪係，真係買佢都買窮…

嘻  等我扮老師去改卷先

".....bad of behaviour of RS500....." 文法上有問題, 應該是 behaviour of ** RS 500 driver**

之不過,  Rouse 因為尾避震出問題越跑越慢, 知道捱唔得幾耐, 所以在海閣遊雲讓隊友 Harvey 過頭, 但隨即閂門擋住 Pirro 是策略性使然, 動作不太監硬, 沒犯規. 未符合你上述的控訴

但又之不過, 電視鏡頭冇交代, 或影唔到, Pirro 在其後的電廠灣為何炒左呢??? 當時好明顯 Pirro 應該在髲夾灣後的電廠直路過左 Rouse 頭才入右轉的電廠灣, 那一剎發生左乜野事呢??? 電廠灣不是澳門賽道的黑點, 相反, 極少機會發生意外, 對 Pirro 等高手更加是生菜咁食.....事後 Pirro 聲稱是 Rouse 從後 "隊" 佢才直指撞落左邊欄杆. Rouse 對意外則沒發表任何評論.   

如果 Pirro 所講屬實, 控訴便成立.

我個人猜測, 同意是 behaviour of Andy Rouse.....

O甘　多年東望洋、看得最”興”就係89年、Pirro架車擺明輸晒（2.5直4　対　RS500的2.0Turbo）、但就用技術1個圏1個圏慢慢追上来、到最後就係比Andy　Rouse出矛招攪点。叧外隊友希格又完全幫不到手。

仲有仲有
當年 M3 已張發展方向專注落到德國本土的 DTM 上, 而 DTM 的賽例是 Rolling start, 有別於 A組的 Standing start, 所以一波的波牙好鬼 "長氣", 企定起步實慢, Schnitzer 不可能只為一場澳門東望洋而特別造套波牙 (再額外比夠$$就乜都得 ) 再加埋 turbo 車的爆發力比 NA 車優勝, 起步 RS 500 必贏, 淨係起跑頭果段已放甩.....唔只十幾個車位了, 你 M3 咪慢慢追囉  好嘞, 追到喇咩, 松山上路守穩D, 一到下面直路便是 turbo 發揮威力的時候, 過唔倒嘅 ( 一圈計 )

其實 88年 Andy Rouse 首度來澳的 G2000 花  RS 500 (贊助者是傅厚澤) 臨尾香是因為套尾胎頂唔順 RS 500 的太大馬力, 衰收尾, 那時的東望洋跑 30個圈架!!!
89年果次, 上面都講過,  Rouse 是尾避震出問題, Harvey 則和88年一樣是尾段賽事冇尾胎, 所以臨尾幾乎香比 Pirro, 即是話 RS 500 論車表面上是應該冇得輸, 但賽車是講 package, 各種因素此消彼長,  例如, turbo 車過熱機會幾大, 耗油量也是, 夠唔夠油跑完呢? 需唔需要就住揸?.....加加減減.....

就係咁多野值得去 "睇" (發掘欣賞) 並不是年年在葡京灣都一定聽到隔離總有D人猛哎 : "撞! 撞! 炒!.....噓! 冇野發生禾, 都唔 "精彩" 嘅! "

你講果 D就真係睇車的趣味、好正架。記唔記得仲有場86年　Volvo　240　大戦　Rover、又係東望洋経典之一。

梗記得啦!
但這裡是寶馬賽車專輯, 所以有關寶馬房車賽的我先入來八卦吓, 相信樓主唔會介意吧!

到90年, 寶馬再戰 RS 500........咦! 有冇搞錯! 士佳麗先至係主角喎!        至於 R32 Skyline GTR 唔駛提, 當佢冇到, 因為都根本冇得鬥!!!
寶馬唔再著 Kamachi 鞋, 改飲菓汁先生. RS 500 雖然都是屈臣士, 但其實轉了隊, 同是來自英國的 Rob Gravett, 原因當年 Gravett 擊敗 Rouse 成為英國房車賽總冠軍. 賽程一如預測, 寶馬的 Pirro 得個追字.......但未到賽事中段已經追得好近, Gravett 不竟是東望洋新丁, 手車亦非頂級, 開始滕雞, 在警察學堂的急右灣自炒, Pirro 叫做報左仇.

這亦是 A 組 E30 M3 正廠隊在澳門的最後一戰. ( 後來留落在私人業餘車手手上的不計)

正啊，雲兄同獅兄兩個都講得咁精彩，真係唔使再睇翻套片都得喇…

喂喂、90年Harvey都仲有来、学人用　BMW　M3　（又係Watsons）、但就係意大利M3（到E家係邊隊我都不知）、架野好鬼慢、最後仲炒埋　張相片係你架、E架野個拉花真係我見個最様衰的M3再看番同年Schnitzer　M3　個花、天同地比、真係連個鈴都様衰。

[ 本帖最後由 winstonm3bmw 於 2009-6-25 07:10 AM 編輯 ]

Hl兄、東望洋真係百看不厭。

獅兄、仲有場91年類似Macau　Cup、関兆昌、黄錫祥、李萬其的M3、陳学徳的RS500、最後由泰国仔架AE92贏了。

繼續講東望洋跑道上的寶馬故事   ( 好鬼扮野錦款 )

91 年是首屆澳門杯, 賽事的創立是因為澳門賽車地位逐漸上升/受重視, 便漸趨國際化, 加上港澳經濟進步令越來越多業餘賽車愛好者玩得起, 形成參賽人數有人滿之患 亦出現一個好有趣現象 : 鬥左起碼十幾年, 仲係參加新手賽 ( 其實這情況仍然存在, 另有原因  )  求過於供及以上種種原因之下, 便產生多一個較高一級別, 為已有一定成績的港澳車手, 亦受埋鄰近東南亞車手參加的賽事.

黃, 關二人的是 Schnitzer 正廠 2.5 M3, 他們和 Schnitzer 的關係密切, 全東南亞包括日本, 只有他們才能買到, 梗係非最新 spec 啦 . 但已經憑它足以成為賽事大熱門. 李的 M3 亦是歐洲廠車, 但唔知係唔係 Schnitzer ?? 不過已是幾年前, 88年(?) 李用來賽當年葡國杯的 2.3 舊車, 那年的車花仍然保留白底三間色斜條花, 到91年改噴紅底金/銀色名牌手錶 (贊助商 飛臘sir ro ) 花. 當年的電視台賽車評述員/知名賽車手便引發了一場風波 : 說有謠言話李那M3 非法改裝, 由 2.3 改為 2.7 最後獲得澄清.

M3 玩晒? 唔係. 有架 RS 500  是陳從日本 Trampio 廠隊 Object T 購買的, 即是 90 年橫島久的戰馬. 而這架 RS 500 亦是 Object T 從歐洲廠隊買回來的左呔車, 即是起碼三手車嘞. 至於係唔係眾 RS 500 之中至堅果隊 Eggenberger 的出品呢? 已無從稽考嘞.   

賽果.....爆大冷. 李的 M3 葡京灣自炒左邊車頭唔只一次, 陣的 RS 500 又係自炒個尾, 記得在松山上路, 警察學堂??  (Rob Gravett 同一命運?) 因為那裡有兩個急右灣好相似的, 總之是其中一個啦.    最慘係同隊, 黃和關的兩架 M3 在過完海閣遊雲之後, 入髪夾灣之前的直路仔互炒!!   錦樣先至輪到泰國車手的 1.6 AE 92 冷手執個熱煎堆. 這架 AE 92 是泰國豐田廠車, 都唔係流架!!!

到90年, 寶馬再戰 RS 500........咦! 有冇搞錯! 士佳麗先至係主角喎!        至於 R32 Skyline GTR 唔駛提, 當佢冇到, 因為都根本冇得鬥!!!
寶馬唔再著 Kamachi 鞋, 改飲菓汁先生. RS 500 雖然都是屈臣士, 但其實轉了隊, 同是來自英國的 Rob Gravett, 原因當年 Gravett 擊敗 Rouse 成為英國房車賽總冠軍. 賽程一如預測, 寶馬的 Pirro 得個追字.......但未到賽事中段已經追得好近, Gravett 不竟是東望洋新丁, 手車亦非頂級, 開始滕雞, 在警察學堂的急右灣自炒, Pirro 叫做報左仇.

Only Talk is not enough. Let SEE !!

同意 jslin 兄!   齋 talking 真係到喉唔到肺!!! 去片  ( 相片呀 )

[ 本帖最後由 獅象 於 2009-6-26 01:42 PM 編輯 ]

繼續..................

大家要留意, 屈臣士花的是右呔的英國 "廠車", 而藍白 Trampio 花的是左呔歐洲大陸 "廠車" .

之前兩屆的, 88年 Rouse 的 G2000 花, 89 年 Rouse 的 Hutchison 花及 Harvey 的 Watson's 花的 RS 500 全部都是右呔英國 Ford, 雙星模型 RS 500 是左呔的德國 Ford!!!

p.s. 館長, 館長!   請張相片放在你認為啱你的專 post 中. 拿, 唔好話我冇做野喇!!

[ 本帖最後由 獅象 於 2009-6-26 01:56 PM 編輯 ]