第一唔好神化控制利率，你睇美國減到零咁滯都無符，結果就係印銀紙.......

第二負資產出現，受影響最大係銀行，銀行啲錢邊到來.....

第三你啱，銀行借錢出去都係一種投資，輸咗都無得怨，銀行經理唔會抱怨，反正借出去啲錢又唔係自已.......而家有存款保障基金，大家唔洗驚......香港政府大把錢

[ 本帖最後由 robotkel 於 2014-10-6 01:25 PM 編輯 ]

淨係睇你第二點 : 加息後 "每個月都係供咁多錢" 已經知你樓都未供過, 夏蟲不可語冰...

再講, 你以為供樓人士最怕加息~? 實際係做生意個班, 加息等於佢地問銀行借貸負擔大咗, 抵押咗俾銀行用黎借貸既物業, 就係銀行首要 Call Loan 對像...

政治已經不穩, 聯繫滙率脫埋勾更導致經濟又不穩, 高滙水 (對比中國 & 東南亞), 自家又冇生產力 (工廠在大陸, 東南亞), 冇競爭優勢, 完全冇能力吸引外資投資, 到時外資一走, 香港靠自己真係食蕉了...

PS. 好多美資大企業其實已經移咗上深圳, 大把香港 Merchandiser 日日要上深圳返工, 再過幾年深圳民智開化咗, 香港工業就完全玩完...

唔係我未供過樓
係你自己塞多左幾個字俾我,我冇打過"加息後"

取消聯繫滙率後加息定減息係取決於經濟狀況,未必一定要加息
當一個地方既中央銀行要加息既原因只係過度借貸,貨幣供應過多,供唔起貸款係佢地老細自己睇錯市,錯估自己能力,唔關聯繫滙率事
如果冇加息當然供款係一樣,減息既話仲可以供少D,只係你假設取消聯繫滙率後一定會加息,呢個係不合理

再講香港工業玩完好耐
而家香港係服務業為主

喊了, 要破产了!!
快D去"Book"台

https://www.youtube.com/watch?v=0Vsm7x6Q_Zc

可能有人睇到係一件好好笑的事! 但係真係好同情呢D商户, 不管佢說的有多少成是真, 但佢真係要努力去經營才能有這成績. 理論後仲要屈人非禮?
呢D就係有理想的大學生/人士所為?

[ 本帖最後由 fockelo 於 2014-10-6 08:40 PM 編輯 ]

如果唔係加息後, 咁你 Point 2 講乜~? 教人每月預筆錢供樓~? 我應該笑 ma~?

之前講加息令樓價下跌年輕人可以易d 上車, 而家你又唔要加息~? 龍門任你搬, 索性比你講哂好了...

我相信佢系話, 負資產, 如果自住, 無打算賣就影響不大, 因每個月都系要供咁多 不過好多有呢種經驗既都明白, 心理壓力比經濟壓力大, 以前大不了就賣樓, 負資產既話, 賣樓都唔掂, 一般供樓一族都唔多會有積蓄, 如果無埋份工, 咁就 PK 啦..  

如果還記得97年亞洲金融風暴的話, 當年有幾多人負資產, 經濟唔好, 好多人失業供唔起樓要燒炭.

唔係我搬龍門
而係你唔理解
你講到加息係萬惡之首
聯繫滙率下香港一樣會加息
仲要係跟隨美國
美國經濟好要加息
香港就算經濟唔好都要加
而家美國就唻不斷加息喇,good luck
你就係冇思考過就支持一個咁不合理既制度

97年亞洲金融風暴負資產就係因香港貨幣不能自主貶值
貨幣overrate,資產價格就會下跌
通縮,物價不斷下跌令市民唔願意消費,經濟轉弱
都係因為董建華唔肯取消聯繫滙率
香港因此係亞洲復甦最慢的一個地方

我覺得係你唔明  lor...

如果係因為美國加息令香港加息 / 樓價下跌當然冇問題, 但如果係政府政策而令樓市下跌 + 業主供款增加, 我覺得一定會有大批供緊樓既負資產搵政府算脹, 曾生同 689 都唔係傻, 所以先唔會聽d 政棍鬥 up 攪冧個市...

再講, 銀行已經有壓力測試確保加息 2 厘後供款都唔超過準業主入息一半先至會批出按揭, 所以唔洗你呢d 冇經驗既人黎擔心...

[ 本帖最後由 twinsa 於 2014-10-7 12:33 AM 編輯 ]

聯繫滙率咪政府政策囉
你冇聯繫滙率香港咪唔駛跟美國加息囉

你之前又話加息香港會未日咁款
而家又話加2厘冇事
你搬龍門定我搬?

聯繫匯率制
http://zh.wikipedia.org/zh-hk/%E ... 7%E7%8E%87%E5%88%B6

唔係香港獨有.

一d 小國, 或者冇實體經濟既地方都會用來穩定經濟.
香港冇實體經濟, 以金融服務, 轉口, 旅遊業為主要經濟.
單係轉口業, 就極之需要一個穩定既匯率.
金融服務亦相對重要.
就算香港唔同美國掛鉤, 都要搵另一隻主要貨幣同佢掛鉤.
人民幣暫未有能力亦唔係國際流通貨幣, 唔洗諗.
咁掛邊隻好. 掛歐羅? 果邊都仲未解決破產危機.
咁掛"返"英磅啦.
用"返"字, 係因為1972年前都係一直掛英磅. 到80年代初既股災同港元危機, 十一年後就再要同國際貨幣(美金)對鉤.

就因為香港係"軟"經濟, 冇實體經濟支持. 要脫鉤, 唔係咁易.
所謂 choose the lesser evil. 利率影響絕對比浮動匯率少. 所以只有繼續.

我講緊如果政府政策改變令到市民變負資產, 市民一定搵政府算帳ar...

另外壓力測試係金管局俾銀行指引, 你自己唔識又呱呱嘈, 夏蟲不可語冰...

以你咁 "卓越" 既理解能力, 淨係係到捉字蚤, 真係好難溝通...

[ 本帖最後由 twinsa 於 2014-10-7 02:24 AM 編輯 ]

睇到呢段，登時覺得有如爛蘋果的強辭奪現式報導手法，如出一徹，响你哋鐘意老屈對方係槍手、愛字頭時，我亦不禁懷疑，能够大聲講出如些歪理的人，係咪任職响黎黑金集团旗下公司，所以都習慣晒將事情倒轉講？

因為有工作在身而未能到會？咁恭喜你，因為原来你無受事件影响工作。但被影响的人呢？易地而處，不是什么高深道理吧？自稱民主、擁有高尚情操的人成日話：抗爭要有所代價……大佬呀，你有自由搵理想，但受影响的居民、商户就無權選擇！？人哋幾時願意無端端做咗你哋嘅代價呀？？話你騎刼民意，你就大大聲話代表主流民意，不如順便自稱做埋整條彌敦道街坊福利會嘅主席∼∼闊人嚴己，對人對事兩把尺，不敢恭維

我同意會有學生自律，亦會尊重别人意見，呢係咪全部都eq高、質素好？凡事不能一概而論吧。抱歉，眼前所見的，亦有後多荒謬、野蛮的行為。用愛與和平去犯法，真係得架？溫柔地強姦，斯文地老爆……自設路障、圍堵警察、斷水斷糧，阻人返工、壞人生計，最荒謬嘅竟然大權到去搜查救護車？？？ 咁都係文明嘅學生所為，因應自己理想、喜好，便可凌駕法律自定規則？别說因為人哋點様所以佢哋先咁様，吓吓都總有籍口自圓其說，咁伊斯蘭國都可以俾你地美化為樂土了。

師兄話唔介意影响幾多生意。首先，我都係廣大基層市民嘅其中一員，我無生意做。可能你腰纏萬贯，所以你唔介意生意受影响，但你唔介意，就要其他人一齊同你唔介意？如介意、因而反對堵塞，又登時要被屈為愛字堆？唔係真係咁霸道吓？學生們啊，我唔知道你哋是否每位都不愁生計，但我相信一定有受影响嘅居民，仍然要為子女嘅學费、書簿费，什至生活费而奔波！生意、生計受影响，難道又係嗰句：抗爭要付出代價的……下省三百字

引用師兄所言：
在這裡看到有部分人意見係同愛字派的理据差不多：
1/ 搞咩都好，搞到人搵食就唔啱。
（我諗嚟諗去，真係睇唔到有咩問題∼∼師兄唔介意飯碗崩咗少少，但就要所有受影响嘅人打爛埋飯碗都得？奇哉）
2/ 搞隔離啦，唔好搞我果度。
（更加諗唔通有咩問題∼∼師兄話落區巡视旺角，言下之意非旺角區民，又係無受影响？可能你會話，即使去你家附近堵路，亦唔介意。但到時請公度一點，係咁意都問吓左鄰右里，係咪個個都欣然接受，唔好咁霸道突然又自稱主流民意了）
3/ 呢D野係政棍搞出黎姐，我地（？）沉默大多數係唔同意架！
（總會有人明知而繼續去支持搞事的政棍，個人喜好，no coment）

於某些主流媒体或爛蘋果看太多了，非居民、非受影响的人，一言堂地替苦主揸主意，以自己崇高理想為由，曦牲别人嘅權利，然後拋下一句：抗爭要付出（别人的）代價∼∼∼∼誰才自私？响影响唔到自己情况下，叫受影响的人硬食，仲要係好硬硬嗰隻，咁算唔算事不關己？身邊已有好多同事，話家中小朋友（中西區讀書）嚷着要返學。堵路的學生有熱情、有理想，選擇暫時閣置學業，某程度我是欣赏的（雖然只睇事情表面，還未能看闊啲，事件背后美帝的策劃），但真係不可就此不負責任地去影响他人，或做出一啲有違法治常理的荒誔行為。請大家唔好咁爛蘋果，將歪理變道理，否則下一代長大成人後，就更加不能明辨是非，聲大當赢了！

民主真是個好東西, 可以講,可以用, 事實上6/4之後 好多人開左竅, 咁多年來, "民主"兩個字真系養左唔少人   我相信到目前為止, 大家唯一刀能共識既就系學生果份熱誠

[ 本帖最後由 sundaymodeler 於 2014-10-7 08:08 AM 編輯 ]

其實您睇睇香港搞民主既咁多年無寸進, 除左可能有人未必想搞得成保之外 (畢竟有民主就無貨賣) 我以為最大原因就系佢地用一個唔民主既態度去搞民主, 至少比我既感覺系咁   將自已放系高地, 就以為可以幫下面班蟻民揸主意, 因為頭上有個民主光環, 下面既人唔駛諗咁多 (想您地都唔咁高水平去諗) 跟住我就得啦!!有邊個會唔鐘意民主呢? 遇到有異議, 果D就一定系共匪,愛字派, 收左錢...... 因為 "正常人" 系唔會艇反對我既, 我就代表民主

我相信佢地系明白民主既真正意義既, 只系用既手法唔系咁好, 系時候要檢討一下以後邊行. 最少都要能接受唔同聲音

唔好介意, 師兄嘅意見唔知點解令我諗起功能組別

1/ 搞咩都好，搞到人搵食就唔啱。
（我諗嚟諗去，真係睇唔到有咩問題∼∼師兄唔介意飯碗崩咗少少，但就要所有受影响嘅人打爛埋飯碗都得？奇哉）
[真係好似功能組別D投票, 社會多數要服從小數]

2/ 搞隔離啦，唔好搞我果度。
（更加諗唔通有咩問題∼∼師兄話落區巡视旺角，言下之意非旺角區民，又係無受影响？可能你會話，即使去你家附近堵路，亦唔介意。但到時請公度一點，係咁意都問吓左鄰右里，係咪個個都欣然接受，唔好咁霸道突然又自稱主流民意了）
[某功能組別議員晌某次投票話佢代表嘅組別反對但係佢自己本人贊成, 結果投左贊成]

3/ 呢D野係政棍搞出黎姐，我地（？）沉默大多數係唔同意架！
（總會有人明知而繼續去支持搞事的政棍，個人喜好，no coment）
[SAME LOGIC TO 功能組別]

[ 本帖最後由 shevkiko 於 2014-10-7 09:21 AM 編輯 ]

點解好多大家認為唔好/民主果D嘢都係特區政府攪出O黎
公平一點, 好多都係港英時期已經有的制度, 要去改變都唔可以話改就改, 有好多人唔知點解現在忽然發覺呢D係一個天大的問題, 但港英時期反而一D都唔覺呢D問題係問題
功能組別, 高地價政策, 聯繫匯率制, 港督....... (直到肥彭才好像忽然民主, 就算攪爛咗到時都只係中國的問題).

因為中國政權係共產黨. 而香港人對"共產黨"既即時聯繫係"64, 獨裁, 腐敗, 文革, 貪污, '假'" 等. 所以一日中共對香港有"實權", 香港人都會恐懼中共會"侵蝕"香港.

由文化, 經濟, 政治.

今日既"激烈"爭取. 無非係由恐共進化為反共.

用自己既完全獨立既政制, 完全性既"港人洽港", 去防範中共既政治影響力.

完全係口裡說不(為獨立), 身體欲很誠實.

不過, 好多人忘記左, 香港實際既既得集團, 唔只中共, 仲有極具影響力既財團勢力.

唔好忘記, 商畀先係選委會中最大部分. 而且亦有巨大資源同能力去製造傳媒輿論.

就算日後有民主, 亦可以由西方先進民主國家度睇到, 財團勢力依然會極具影響力. 只係用既方法冇用功能組別咁直接方便.

[ 本帖最後由 VampireA 於 2014-10-8 01:36 AM 編輯 ]

但英國佬係上有政策，下有對策。在高地價政策下英治年代有大建公屋居屋比中下階層市民。（老董年代先取消減建）
聯繫匯率係八九十年代因回歸問題令港元急跌所以聯繫，但當美元大幅下跌時已是回歸後年代，是特區政府全做決策!
民主選舉其實在六七年暴動後英國想在香港攪民主，但中共警告如果一攪民主馬上武力收番香港；所以在香港回歸前幾年先搵個肥彭來港攪民主! 而且攪民主前先要開民知，六七十年代民知未開，好多人盲字都唔識多個，何況英文! 要先攪好教育才可攪民主，而且仲要攪好廉潔先得! 唔通香港想學菲律賓咁民知未開就攪選舉選個不知所謂出嚟!

[ 本帖最後由 oliwa 於 2014-10-9 05:12 PM 編輯 ]