重點唔係話佢地摺埋係指佢地要炒人就係因為老翻帶黎既損失<----bandai(甚至其他廠)有大規模裁過員咩？係你幻想出嚟定係有事實根據？唔該俾d數據大家研究，冇就唔好作嘢啦！
唔止越出越多越出越靚仲越黎越貴，其中一個因素隨左開發成本仲有要對抗老翻要回本<----老翻ge優勢係乜你知唔知架，係價錢呀
，你話bandai對抗老翻ge市場策略竟然係再賣貴d去彌補，我直頭覺得好似係侮辱緊笨大marketing管理層ge智慧lor，你知唔知模型生產主要成本係乜呀？你又知唔知呢兩年塑料、鋼材、紙張等等價格上漲咗幾多呀？
咁即係內地人繼續出假貨出到成行成市係值得支持值得鼓勵，買正貨就係有問題，買假貨先係王道的意思<----你邊隻眼見我上面回文有話老翻成行市係值得鼓勵同支持呀
，上面咁多位師兄，一個二個都係話自己鍾意買乜就買乜，有邊個咁Q大膽有寫過/笑過你買正貨有問題呀署長
，邊個話買假貨先係王道呀，開口王道，埋口王道，乜嘢係王道呀，呢個世界係咪除咗王道就係邪道，冇其他中庸之道架啦？！
如果有呢D買正版返黎故事毀壞既人會係HKML咁多年嗎<----『如果』有呢d人？呢段片係youtube有得睇架，呢個世界乜人都有，唔係個個買盒高達返來都要對笨大感恩架，我可以話俾你聽，無論有冇呢d人，都唔會影響HKML運作，只要大家肯自律，就算髹扭蛋、搭膠板都一樣係砌模型，就算冇咗高達冇咗笨大，呢個世界都唔會停咗唔轉架。
唔係錢既問題，亦唔代表，你有個心去尊重，轉頭去支持老翻繼續出貨就叫真心尊重，比錢唔係話比個錢咁簡單，佢地既銷售額亦會對開發計劃有影響<---俾錢唔係話俾錢咁簡單，咁有幾複雜呀？至多咪要老闆找錢囉，或者碌卡要簽個名囉，你唔係要交帶呀福姑同你帶個口訊俾川口克己，話呢筆錢係你資助佢地ge開發團隊呀嘛
，做生意做到要靠客戶ge道德意識而唔係靠市場競爭力，呢d 叫做施捨，而唔係尊重。同樣地當老翻質素唔得果陣，賣幾平都自然冇人買。好彩川口克己聰明好多，唔似而家d署長級，遇上困境一味旨意大家應該保護佢，好似人地欠佢咁，相反面對老翻衝擊，唔奢想靠市場施捨，唔會坐响度等人尊重，而係自奮自強，由開發新技術入手，積極提高產品技術含量，精度高，難複製，RG系列就係咁樣逼出來ge產品，到而家市面都冇老翻出現，唔通你估係老翻廠良心發現，定係根本翻唔到？如果唔係想襯老翻出之前盡量大賣收回開發本，佢使兩年之間出成六七隻咁急？好彩你志願係知產署署長，如果係經濟局局長，香港都幾諗大鑊。
作為真心尊重一間公司，你會真心希望佢收入減少但係把口就話尊重佢<---模型廠商做過乜嘢利國惠民ge大事，我做乜要特別尊重佢，仲要係真心果隻？佢d貨義賣架？312地震佢捐幾多產品收益？我光顧佢，唔係應該佢多謝我咩？我幫襯中原，係咪俾完佣仲要真心尊重施永青？你去完百佳有冇感謝李嘉誠？跟康泰去完旅行，俾完導遊小費仲要感激黃士心呀？抑或浄係因為bandai出咁多款高達俾你選購，令你零舍感恩呢？但你又冇能力買晒咁多產品，驚大家掛住玩老翻餓Q瓜咗bandai，以後冇高達睇就對你來講好『大件事』？如果老翻ge係孖星坦克，長谷川二戰飛機，你會唔會咁肉緊？
東拉西扯又變咗環保署長上身，講講吓版權突然一吓掟個急彎又燒到黑心工廠，差D尾燈都睇你唔到
，老翻廠=黑心工廠？係咪一定架？你親眼見定係做過research？抑或只係你閉門造車，想當然地：反正都係非法生廠，睇怕都係唔慌有生產規模啦。呢d未審先判ge偏見，咁同差佬捉到個殺人犯就話：『殺人都做得出，睇怕平時都唔慌好人，唔爭在最近幾單強姦入埋佢數啦』有乜分別？黑心工廠浄係老翻廠先有嗎？五金、紡織，工商百業邊一瓣冇黑心工廠？香港幾多日常百貨，甚至國際品牌衣服，都係國內生產你知唔知？佢地各項生產工序ge輔料來源係點你知唔知？你要講環保唔該先叫笨大唔好為咗多賺幾個錢，而不斷出特別電鍍版，就算經過小心處理，都係一種無謂ge浪費，而處理成本亦會轉嫁消費者身上，呢種銷售策略行為值得真心尊重嗎？環保唔係浄係中國人ge事，正牌冒牌都要負上責任！
我尊重原創係尊重大河原、海老川、永野護等人ge創作，而唔係bandai廠房果幾部電腦同啤機！明未！
[
本帖最後由 機動老鬼 於 2012-2-8 12:41 PM 編輯 ]
分享
