多謝提醒
我真係用左雪條棍..........
用紙杯有無影響?


check過個模冇水份所以無用風筒吹

樽料買左一個星期未開.......之後先打開用左4 日,每次倒出後都有旋緊個蓋

係internet(外國website) D 人講話，最好用膠、金屬或者玻璃棍黎搞，千祺唔好用木甘話，人地既經驗應該有根據。

杯我就用膠，百佳惠康果 D透明既，又可以睇到個底有冇泡，又唔會有任何物質流番出D resin度，紙杯有層蠟，唔知會唔會有影響？我都未用過紙杯。

剛剛買無理由會有事既，問題應該出係運作方面。試下以上方法啦！Good Luck!!

改用鐵棍攪,終於無大泡
上了色

好掂

終于搞掂，好靚呀！！恭喜嗮！！ （話時話，你係咪“損”過條雪條棍，至攞黎用呀？ ）

国内网监太强大了！
搞到我现在才可以上ＨＫＭＬ！
一上来就睇到达人！
膜拜膜拜！

近日再用返.....
經過幾個月都未變質,依舊可用

支野邊度買? 堔圳有平.... 我住元朗 , 可以好快上到堔圳 , 可以幫大家睇下買唔買到大量 ~

大陸cast?? sorry, 真係唔敢用.

我都想問下覆模d野要去邊度買

你地上幾個post 話上大6買ab咩

好野...又多一個復件高手啦 請問監色哥D系咩梨架.同系邊道買呢
[attach]198239[/attach]

第幾樓講呀??? d野係旺角富聯買架喎.


睇到了.. 66樓麻..

大陸野我真係唔敢用. 一來假野多. 二來會有雜質. 三來根本用唔晒. d cast一見空氣就會變壞(潮濕) 要咁多根本用唔晒.

[ 本帖最後由 VampireA 於 2008-4-30 12:53 AM 編輯 ]

多謝各位嘅資料...我見細細樽可以用得晒, 所以買左1set (兩日用完....) , 我係第一次覆件 , 有時成功但大部份時間失敗. 我唔甘心...
有D問題希望各位指導一下...

1) 裝A料/B料嘅柸每次都唔可以倒晒 ,總有一兩滴殘留, 有無影響 ?

2) 因為我主要翻細件野 , 開嘅volume越少就越容易出事 (發晒泡)

3) 未注模前可唔可以估到D料得唔得?

4) 用到last 4kgs (total)又發晒泡...但我樽野只係用左三日. 我已經避免濕氣

1) 硬左就冇影響了.

2) 當然,  越細volume, 一有少少唔多左少左, 個比例都大喇. 當10ml計, 多1ml就係10% error了. 100ml 多1ml 都只係1% error.
另外, 唔記得邊個post有仁兄講過, b劑加多左就會易起泡, 但唔夠b劑又會唔夠硬喎.

3) 唔明??

4) 4kg?? 你都用得好多喎. 3日應該冇事的, 除非係store係bathroom呢d咁濕既地方姐.

多謝回覆 !!你係苦海明燈

因為我發現volume大一D ,誤差會細D,所以last一次過...我真係失禮

第3點係: 如果o岩o岩mix左D料但未注模前/硬化前 , 可唔可以即時知道D料有無壞 ?

可唔可以o係mix/攪緊嘅途中再加 A液/B液 ?

Frankie 兄遇到的問題，我最近都遇到。我在旺角X聯買左套散裝 Adapt AB水 200g +200g，不過由頭用到而家剩下少過一半，都係好多好多泡。其實我仲有套2kg 日本8012，不過放左兩年，X聯個老闆仲話叫我掉左拒， 但是用極呢套散裝 Adapt都係起嗮泡，最後唔訓氣，攞番套8012出黎試下，用同一個模，竟然係無泡渦！？

我覺得係D散裝料既防潮做得唔好，已經入嗮水氣，我試過抽真空到-27in Hg都無改善。點搞都無用，我覺得係D料有問題，掉得既應該係呢套散裝野，而果套放左兩年既8012仲係狀態良好。

散裝料真係唔多掂呀！好灰心呀！

我都好膽心散裝有呢個問題. 結果惡夢成真.

x聯依家有隻"去濕粉"賣, 大家有冇試過?

呢只去濕粉，係最近至返貨的，小弟上個禮拜買左，試過，完全無作用，跟足説明黎用，一點功能都睇唔到，失望啊！

只散裝Adapt AB水依然甘多泡，我真係有D懷疑呢只膠係設計黎做發泡膠架！？哈哈！

其實呢只所謂除濕粉，都係散裝野，都係大罐拆散放入小樽内，無咩防潮，所以，都係無咩保障。唉，真係老襯囖！點解自己會咁黑架？