一氣出幾架，應該多人留意啲...希望可以吸引多啲人玩AFV喇...  不過最驚開幾個火頭無件起到貨啫

果然, 中國人的手功藝還是強得可怕
一入去主頁就見到d好嚇人既野...

咦, SM果度, 忽見Garykwan大大既post!?
現在互聯網真好, 可以無地域限制呢...


我說的那本是大陸同胞寫的
抱歉, 小弟的表達能力差, 我指本書, 同閣下購買之模型書, 完全沒有關係, 如有雷同, 實屬巧合

[ 本帖最後由 nishi 於 2007-2-24 02:27 AM 編輯 ]

關 sir 係 sm 裝甲區其中一位版主啊. 連同 berlin 兄, herman 兄, 等等都係香港 afv 高手, 不過係 sm 打躉多. 上年尾機緣巧合, 介紹左呢度俾 gary 兄識, 咁佢地咪過黎吹下水咁囉.

原來如此
上面d作品, 好多水平都極高...
睇到我有d自卑...(嗚...第一次用噴筆既人都噴得靚過我多多聲...嗚嗚)

唔須要自卑播. 模型用黎娛樂, 又唔用黎比併. 做得開心就夠了.

上次在這個貼上曾提及小弟自製一摺長PE的工具，現再借louisuni兄的地方一用，請louisuni兄不要見怪。

一般摺3、4cm以下的PE，其實普通五金店的平頭鉗已經可以應付。


小弟自製的工具則可摺長達23cm的PE。




其實只是兩個鋁質製成的櫃門門抽組成，此種門抽重量很輕，其角位很直而且很sharp，購自灣仔駱克道裝修用品舖，每個價錢約二十餘元。


以T-34的車側整條過的泥板PE作例:用法非常簡單，把PE夾在兩個門抽之間，背後再用小夾子夾實。




用鐵尺斜推並壓下，如果PE太長，可分段進行。


完成了的PE角位很直啊!





當然，此工具並非萬能，一些要摺幾次的長PE可能就要想想其他辦法了。

另外，想介紹多兩個小弟認為很好用的工具。

1. 就是這一把鋁質cutting用尺，它比起一般的鐵尺好用得多，因為落刀的一邊較厚，而且尺面有凸起位，壓尺時不會滑手，意外cut傷手的機會較低，而最大好處是尺底有防滑膠，用作cut膠片一流，大型文具店有售。






2. 是這個水喉匠用的喉鉗....當有陳年模型油因樽邊油漆變硬，而難以再開啟時，用此喉鉗萬試萬靈!!




[ 本帖最後由 wingzz 於 2007-2-26 03:10 PM 編輯 ]

嘩, 好掂既土炮工具
但係想問下, 係進行"用鐵尺斜推並壓下，如果PE太長，可分段進行。"呢個步驟既時候
點樣固定先可以完全防止塊pe向下移呢...因為兩個櫃手抽之間個空位, 應該唔係零吧?

现在制作模型的人越来越少了，更多的人投身到了网络游戏，电视游戏中去了！

大家时间是有限的，工作的时间是不可避免的，游戏的时间就不多了，有限的时间内更多的人选择了轻松的电脑游戏，毕竟这个要比模型制作轻松很多。

希望咱们能固守模型这块阵地！

只要那兩個門抽夠直身，合起來時就沒有什麼空位了，然後再在背後加多幾個夾子，基本上就很穩固。
而當進行摺PE時，應該先以接近水平的角度把要摺下的部份斜推，再下壓令其成直角，這樣就不會使PE移位了。
最後，當然仍要功多藝熟，先以廢棄的PE練習多幾次。

土炮工具...正!!
一於照跟黎買吾駛煩

嘩, 馮兄依套自家製工具勁掂呀, 快靚正平~~~

激死 wittmann 囉~~~:

[ 本帖最後由 b8808800 於 2007-2-26 03:09 PM 編輯 ]

謝謝, 無得頂呀!

BTW, 我試過用這隻喉鉗鉗 Gunze 的 #184 透明樽...鉗裂�鱄蚞�

[ 本帖最後由 Arnold 於 2007-2-26 03:32 PM 編輯 ]

謝謝 wingzz 兄的提供.  我對把呎仲有興趣, 要搵日去文具鋪鋪搵搵先 !

你唔係買黎打仔呀 ma~~~

發個全相 post :

仲有少少 parts 未裝, 求教緊人, 遲 d 再整.  履帶用左 afv 既活動履帶, 每段 94節, 比預期 95/96 為少. 可能因為後期虎既細後輪問題.  其實我都唔知點解. ]

我淨係得個囡, 要打就要打何 b 仔....

...不過我都試過擰裂透明樽蓋

Louis 好波！ 隻貓好靚仔呀!

我都等緊你隻貓仔既 update 播

有幾問題, 望大家幫幫忙.  先謝過.



( 照片由岑兄提供 )

1. 車頂上的 mg34 是怎樣裝上支架的 ? 係咪就咁'痴'係 mg34 底部就 okay ? 有無大約位置可以參考下 ? 事關 voyager pe 跟埋一個靚靚準星, 我唔想o徒左佢啊. ^^"

2. 天線方面, 我想問下基本型號係咪只會係炮塔右邊有一條天線 ? commander 先至車頂同左側會有多兩條架 ? 如果係咁, 基本型號係車頂既天線座駛唔駛 cut 左佢 ?

3. 右邊引擎進氣口旁有一支類似 cleaning rod 既棍, 龍記 manual 只係話就咁痴上車體, 無任何工具扣. 我想問下呢支係乜黎架 ( 我架車未裝上的 ) ? 另外, 唔知有無 d 圖可以清楚 d 睇到係點裝上車身, 同位置 ?

4. 如果想好似岑兄幅 507 虎咁, 係前面垂直裝甲兩側縛上 d 履帶, 我想問下佢地係點樣扣上車身架 ?